រាជធានីភ្នំពេញ ៖ នៅលើបណ្ដាញសង្គមឆន្ទៈដ៏អង់អាចក្លាហានគួរឲ្យគោរពបំផុតមួយ គឺកងទ័ពកម្ពុជាមួយរូប បានឈរបាញ់ប្រហារតបតយ៉ាងក្លាហាន ទៅលើទាហានសៀមដោយមិនញញើតដៃ ហើយអ្វីដែលគួរឲ្យស្ញប់ស្ញែងបំផុតនោះគឺភាពមោះមុតនៅក្នុងសង្គ្រាម ។ គាត់ឈ្មោះ ម៉ៅ…
រាជធានីភ្នំពេញ ៖ នៅលើបណ្ដាញសង្គមឆន្ទៈដ៏អង់អាចក្លាហានគួរឲ្យគោរពបំផុតមួយ គឺកងទ័ពកម្ពុជាមួយរូប បានឈរបាញ់ប្រហារតបតយ៉ាងក្លាហាន ទៅលើទាហានសៀមដោយមិនញញើតដៃ ហើយអ្វីដែលគួរឲ្យស្ញប់ស្ញែងបំផុតនោះគឺភាពមោះមុតនៅក្នុងសង្គ្រាម ។
គាត់ឈ្មោះ ម៉ៅ ណុល មានឋានន្តរស័ក្ដិនាយចំណង់ ឈរនៅលើលេណដ្ឋាន ស្លៀកតែខោខ្លី អត់ពាក់អាវ កំពុងបាញ់កាំភ្លើងបង់ត្រឡោក និងB៤០ ទប់ទល់ការឈ្លានពានពីសំណាក់កងទ័ពថ្មើរជើងសៀម និងដ្រូន ។ គាត់ជាយុទ្ធជនមួយរូបឈរជើងនៅទិសប្រាសាទតាក្របីស្លាបឆ្វេង ។
មូលហេតុដែលឃើញគាត់ស្លៀកខោខ្លី អត់ពាក់អាវ ធ្វើការប្រយុទ្ធតទល់នឹងខ្មាំងសត្រូវបែបនេះ មកពីមុនពេលមានការផ្ទុះអាវុធ គឺគាត់កំពុងជីកលេណដ្ឋានសម្រាប់ឈជើង មានគ្នា២ នាក់ ។
ក្រោយមក មានការផ្ទុះអាវុធ និងឃើញដ្រូនរបស់ទាហានថៃហោះមក គាត់ក៏ស្ទុះទៅយកកាំភ្លើងបង់ត្រឡោកមកបាញ់ទល់នឹងខ្មាំងសត្រូវតែម្តង ។ ដោយការទប់ទល់នឹងសត្រូវ គាត់ក៏ទាញយកកាំភ្លើង B៤០ បាញ់អស់១គ្រាប់ ធ្វើឲ្យគាត់រងរបួសខ្លោចស្មាខាងស្ដាំ ព្រោះតែគាត់មិនបានពាក់អាវ និងទាន់ហន់ពេក មិនខុសពីពក្យថា«ពូជអ្នកចម្បាំង»ឡើយ។
បច្ចុប្បន្ន លោកនាយចំណង់ ម៉ៅ ណុល កំពុងសម្រាកព្យាបាលរបួសនៅមណ្ឌលសុខភាព
ដោយសារគេចគ្រាប់ និងស្នាមរលាកដោយសារការបាញ់ B៤០ ។ ប៉ុន្តែទោះបីជាមានរបួសតែ
លោកមិនបានខ្វល់ខ្វាយពីរបួសនេះទេ ដោយលោកបានហូបបាយយ៉ាងឆ្ងាញ់ខណៈដៃរបួស
របស់លោកព្យួរសេរ៉ូម ។ សូមឲ្យលោកឆាប់ជាសះស្បើយពីរបួស ៕
ចែករំលែកព័តមាននេះ