រាជធានីភ្នំពេញ ៖ អគារ ខុនដូ DE CASTLE(TK៨៣) ស្ថិតនៅតាមបណ្ដោយផ្លូវ ៣១៥សង្កាត់បឹងកក់ទី១ ខណ្ឌទួលគោករាជធានីភ្នំពេញ ត្រូវបានអគ្គិភ័យឆាបឆេះបង្កឲ្យមានការភ្ញាក់ផ្អើលដល់រថយន្តពន្លត់អគ្គិភ័យជាច្រើនគ្រឿងទៅអន្តរាគមន៍បាញ់ពន្លត់…
រាជធានីភ្នំពេញ ៖ អគារ ខុនដូ DE CASTLE(TK៨៣) ស្ថិតនៅតាមបណ្ដោយផ្លូវ ៣១៥សង្កាត់បឹងកក់ទី១ ខណ្ឌទួលគោករាជធានីភ្នំពេញ ត្រូវបានអគ្គិភ័យឆាបឆេះបង្កឲ្យមានការភ្ញាក់ផ្អើលដល់រថយន្តពន្លត់អគ្គិភ័យជាច្រើនគ្រឿងទៅអន្តរាគមន៍បាញ់ពន្លត់ ។
ហេតុការណ៍នេះបានកើតឡើង នៅវេលាម៉ោង៥និង១៥នាទីល្ងាច ថ្ងៃទី២៧ ខែកក្កដា ឆ្នាំ២០២៥ ។
តាមព័ត៌មានឱ្យដឹងថា នៅមុនពេលកើតហេតុ គេឃើញភ្លើងបានឆេះចេញពីបន្ទប់ការិយាល័យនៃអគារខុនដូដែលស្ថិតនៅជាន់ឡាវតឿ ផ្សែង ហុយទ្រលោម ចេញមកក្រៅបង្កឱ្យមានការភ្ញាក់ផ្អើលដល់បុគ្គលិក និងសន្តិសុខ នាំគ្នាជួយពន្លត់ និងទាក់ទងទៅរថយន្តពន្លត់អគ្គិភ័យជួយអន្តរាគមន៍ ។
ទាក់ទិនការកើតមានអគ្គិភ័យនេះ ត្រូវបានបុគ្គលិកនៃនៃអគារខុនដូខាងលើ បានឲ្យដឹងថា បណ្ដាលមកពីឆ្លងចរន្តអគ្គិសនី ។ តាមនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នេះរថយន្តពន្លត់អគ្គិភ័យចំនួន ៦គ្រឿង ទៅអន្តរាគមន៍បាញ់ពន្លត់ប្រើប្រាស់អស់ទឹកចំនួន៤ រថយន្តហើយភ្លើងបានរលត់ទៅវិញ នៅវេលា៥និង៥០នាទីថ្ងៃដដែល ។
តាមនគរបាលបានឲ្យដឹងទៀតថា អគ្គិភ័យនេះ បណ្ដាលឲ្យបន្ទប់ការិយាល័យនៅជាន់ឡៅតឿ ទំហំ០៩ម៉ែត្រx១០ម៉ែត្រ ត្រូវភ្លើងឆេះរងការខូចខាតរួម និងកុំព្យួទ័រ , ម៉ាស៊ីនត្រជាក់ និងសម្ភារៈមួយចំនួនហើយពុំបណ្តាលឲ្យឆេះរាលដាលឡើយ ។ ចំណែកមូលហេតុនគរបាលកំពុងតែធ្វើការស្រាវជ្រាវ ៕
ចែករំលែកព័តមាននេះ