ក្រសួងអប់រំលើកពេលការប្រឡងបាក់ឌុប ទៅថ្ងៃទី២៨-២៩ ខែសីហាវិញ
- ភ្នំពេញ
រាជធានីភ្នំពេញ ៖ រដ្ឋមន្ត្រីក្រសួងអប់រំ យុវជន និងកីឡា បានប្រកាសថា ការប្រឡងសញ្ញាបត្រទុតិយភូមិបាក់ឌុប នៅឆ្នាំ២០២៥នេះនឹងត្រូវលើកពេល ទៅថ្ងៃទី២៨-២៩ ខែសីហាវិញ…
រាជធានីភ្នំពេញ ៖ រដ្ឋមន្ត្រីក្រសួងអប់រំ យុវជន និងកីឡា បានប្រកាសថា ការប្រឡងសញ្ញាបត្រទុតិយភូមិបាក់ឌុប នៅឆ្នាំ២០២៥នេះនឹងត្រូវលើកពេល ទៅថ្ងៃទី២៨-២៩ ខែសីហាវិញ ។
យោងតាមសំណេររបស់រដ្ឋមន្ត្រីក្រសួងអប់រំ យុវជន និងកីឡា ឯកឧត្តម ហង់ ជួនណារ៉ុន បានគូសបញ្ជាក់យ៉ាងដូច្នេះថា៖ «ការប្រឡងសញ្ញាបត្រមធ្យមសិក្សាទុតិយភូមិ គ្រោងធ្វើនៅថ្ងៃទី១៨-១៩ សីហា ត្រូវពន្យារពេលទៅថ្ងៃទី២៨-២៩ សីហាវិញ» ។
នៅសំណេរបន្ទាប់នោះដែរ រដ្ឋមន្ត្រីក្រសួងអប់រំ យុវជន និងកីឡា«បេក្ខជនខេត្តឧត្តរមានជ័យ និងព្រះវិហារ អាចប្រទ្បងនៅខេត្តខ្លួន ឬនៅខេត្តផ្សេងក៏បានប្រសិនបើភៀសសឹក» ។
ជាមួយគ្នានោះដែរ រដ្ឋមន្ត្រីក្រសួងអប់រំ យុវជន និងកីឡាបានបញ្ជាក់ថា «កូនៗជាបេក្ខជនខេត្តឧត្តរមានជ័យ និងព្រះវិហារសូមកុំភ័យ ។ ក្រសួងយល់ពីស្ថានភាពរបស់កូនៗ។»
សូមជម្រាបថា ការផ្លាស់ប្ដូរកាលបរិច្ឆេទការប្រឡងសញ្ញាបត្របាក់ឌុបនេះ បន្ទាប់ពីថៃបានធ្វើការវា.យប្រហារ ដោយកងកម្លាំង និងអាវុ.ធគ្រប់ធន់មកលើកម្ពុជា ចាប់តាំងពីថ្ងៃទី២៤ ខែកក្កដា រហូតមកដល់ពេលបច្ចុប្បន្ននេះ ។
កាលពេលប្រហារនេះ ធ្វើឲ្យសាលារៀនមួយចំនួន នៅតាមបណ្ដាខេត្តនៅជាប់ព្រំប្រទល់ប្រទេសថៃបានបិទទ្វារ ហើយបានខកខានការសិក្សា ៕
ចែករំលែកព័តមាននេះ