រាជធានីភ្នំពេញ ៖ សម្ដេចបវរធិបតីហ៊ុន ម៉ាណែត នាយករដ្ឋមន្ត្រីកម្ពុជា បានស្នើឲ្យក្រសួងការពារជាតិ បណ្ដាអង្គភាពកងទ័ពរៀបចំពិធីបុណ្យស.ពយុទ្ធជនពលីឱ្យបានសមរម្យជាវីរៈជនរបស់ជាតិខ្មែរយើង ។ សម្តេចសរសេរលើបណ្តាញសង្គម នៅថ្ងៃទី២៧…
រាជធានីភ្នំពេញ ៖ សម្ដេចបវរធិបតីហ៊ុន ម៉ាណែត នាយករដ្ឋមន្ត្រីកម្ពុជា បានស្នើឲ្យក្រសួងការពារជាតិ បណ្ដាអង្គភាពកងទ័ពរៀបចំពិធីបុណ្យស.ពយុទ្ធជនពលីឱ្យបានសមរម្យជាវីរៈជនរបស់ជាតិខ្មែរយើង ។
សម្តេចសរសេរលើបណ្តាញសង្គម នៅថ្ងៃទី២៧ ខែកក្កដា ឆ្នាំ២០២៥ថា ចំពោះការវិលត្រឡប់ក្នុងទ្រង់ទ្រាយធំ របស់បងប្អូនពលករខ្មែរយើងពីប្រទេសថៃ និងជនភៀសសឹក ដោយសារការប្រយុទ្ធគ្នារវាងកងទ័ពកម្ពុជា និងកងទ័ពថៃ រាជរដ្ឋាភិបាលបានចាត់វិធានការចាំបាច់ជាបន្តបន្ទាប់ ចាប់តាំងពីថ្ងៃផ្ទុះអាវុ.ធទី២៤ កក្កដា ២០២៥ ដើម្បីសម្របសម្រួល ៖
ក្រសួង-ស្ថាប័នពាក់ព័ន្ធ កងកម្លាំងប្រដាប់អាវុធគ្រប់ប្រភេទ និងរដ្ឋបាលខេត្តជាប់ព្រំដែនថៃទាំង៧ បានសម្របសម្រួលការឆ្លងកាត់ព្រំដែន និងសុំចតបណ្ដោះអាសន្នរបស់បងប្អូននៅតំបន់ព្រំដែនតាមការចាំបាច់ ។
ក្រសួងការពារជាតិ កងទ័ពជើងគោក សាលារាជធានីភ្នំពេញ សហការជាមួយបណ្ដាខេត្តពាក់ព័ន្ធ បានរៀបរថយន្ត ដើម្បីដឹកជញ្ជូនបងប្អូនពីព្រំដែន ត្រឡប់ទៅស្រុកកំណើត ។ រដ្ឋបាលរាជធានី-ខេត្ត ក្រុមការងារថ្នាក់ជាតិចុះជួយបណ្ដាលរាជធានី-ខេត្ត សហការ ដើម្បីជួយសម្របសម្រួលក្នុងការទទួលបងប្អូនប្រជាពលរដ្ឋដែលវិលត្រឡប់មកពីប្រទេសថៃ នៅតាមភូមិសាស្ត្រទទួលខុសត្រូវរបស់ខ្លួន ។
ដោយឡែក ចំពោះប្រជាពលរដ្ឋជាជនភៀសសឹកដែលត្រូវជន្លាសចេញពីតំបន់ប្រយុទ្ធគ្នា គណៈកម្មការជាតិគ្រប់គ្រងគ្រោះមហន្តរាយបានសហការជាមួយក្រសួងស្ថាប័នពាក់ព័ន្ធ រដ្ឋបាលខេត្តពាក់ព័ន្ធ រៀបចំទួលសុវត្ថិភាព ក៏ដូចជាដោះស្រាយស្នាក់នៅហូបចុក និងសុខាភិបាលជូនបងប្អូន ។
ក្រសួងសេដ្ឋកិច្ចហិរញ្ញវត្ថុ ក្រសួងសុខាភិបាលសហការដោះស្រាយតាមដំណើរការជាក់ស្ដែងធ្វើយ៉ាងណាយកចិត្តទុកដាក់លើជីវភាពរស់នៅ និងសុខសប្បាលភាពរបស់បងប្អូនដំណាក់កាលលំបាកនេះ ។
សម្តេចបានបញ្ជាក់ថា៖ «ជាមួយគ្នា ដែលខ្ញុំសូមចូលរួមរំលែកទុក្ខចំពោះវីរៈកងទ័ពកម្ពុជាដែលបានពលី និងប្រជាជនស៊ីវិលដែលបានស្លាប់ដោយសារការប្រយុទ្ធគ្នានេះ ។
រាជរដ្ឋាភិបាល ក្រសួងការពារជាតិ បណ្ដាអង្គភាពកងទ័ព ថ្នាក់ដឹកនាំជាតិ និងក្រោមជាតិសហការគ្នារៀបចំពិធីបុណ្យស.ពយុទ្ធជនពលី និងដោះស្រាយគោលនយោបាយឱ្យបានសមរម្យជាវីរៈជនរបស់ជាតិខ្មែរយើង ។ ក្នុងពេលជាមួយគ្នានេះ សម្តេចក៏សូមកោតសរសើរចំពោះវីរភាពដ៏អង់អាចក្លាហានរបស់កងទ័ព និងកងនគរបាលជាតិរបស់យើងដែលកំពុងធ្វើប្រតិបត្តិការយ៉ាងសកម្មក្នុង កិច្ចការការពារបូរណភាពទឹកដីរបស់យើង ។
សម្តេចក៏សូមអរព្រះគុណ និងអរគុណ ព្រះថេរានុថេរៈគ្រប់ព្រះអង្គក៏ដូចជា បងប្អូនប្រជាពលរដ្ឋខ្មែរទាំងអស់ ដែលបានបន្តគាំទ្រ និងផ្ដល់ការលើកទឹកចិត្តដល់វីរៈយុទ្ធជនវីរៈនគរបាលជាតិដែលកំពុងឈរជើង និងធ្វើប្រតិបត្តិការយ៉ាងសកម្មក្នុងការការពារបូរណភាពទឹកដីខ្មែរយើង ។ សូមបន្តនូវស្មារតីរួបរួមជាតិក្នុងនាមជាខ្មែរតែមួយ ដើម្បីការពារបូរណភាពទឹកដីខ្មែរ៕
ចែករំលែកព័តមាននេះ