រាជធានីភ្នំពេញ៖អ្នកនាំពាក្យរដ្ឋាភិបាលបានលើកឡើងថាគំនិតផ្តួចផ្តើមស្តីពីបទឈប់បាញ់ របស់លោក ដូណាល់ ត្រាំ សម្រាប់ជម្លោះកម្ពុជា-ថៃ ជាសញ្ញាវិជ្ជមាន ហើយសម្តេចបវរធិបតី ហ៊ុន ម៉ាណែត នាយករដ្ឋមន្ត្រី…
រាជធានីភ្នំពេញ៖អ្នកនាំពាក្យរដ្ឋាភិបាលបានលើកឡើងថាគំនិតផ្តួចផ្តើមស្តីពីបទឈប់បាញ់ របស់លោក ដូណាល់ ត្រាំ សម្រាប់ជម្លោះកម្ពុជា-ថៃ ជាសញ្ញាវិជ្ជមាន ហើយសម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា សង្ឃឹមថា ថៃនឹងមិនផ្លាស់ប្តូរជំហរដែលបានព្រមព្រៀង គ្នានេះដូចពេល នាយករដ្ឋមន្ត្រីម៉ា ឡេស៊ី សម្របសម្រួល ហើយអនុវត្តឱ្យបានឆាប់។
ថ្លែងក្នុងសន្នីសីទសារព័ត៌មាននាព្រឹកថ្ងៃទី២៧ ខែកក្កដា ឆ្នាំ២០២៥ឯកឧត្តម ប៉ែន បូណា បានឱ្យដឹងថា នៅក្នុងកិច្ចសន្ទនារវាងសម្តេចបបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោក ដូណាល់ ត្រាំ ប្រធានាធិបតីសហរដ្ឋអាមេរិក កាលពីយប់ថ្ងៃទី២៧ ខែកក្កដា ឆ្នាំ២០២៥ គឺលោកមិនចងឃើញមានការប្រយុទ្ធគ្នាដែលនាំឱ្យមានមនុស្សស្លាប់ច្រើន និងរបួសទាំងសង្ខាងដោយគិតទាំងកងទ័ព និងប្រជាជនស៉ីវិលនោះទេ។ ដូច្នេះ ហើយបានជាប្រធានាធិបតី សហរដ្ឋអាមេរិក បានបញ្ជាក់ថាលោកតែងតែខិតខំសម្របសម្រួលដើម្បីបញ្ចប់ដោ យជោគជ័យនៃការប្រយុទ្ធគ្នានៅតាមបណ្តាប្រទេសជាច្រើននៅក្នុងពិភពលោក។
ពាក់ព័ន្ធនឹងការឈ្លានពានពីសំណាក់កងទ័ពថៃ មកលើដែនអធិបេតេយ្យភាពកម្ពុជា ត្រូវបានអ្នកនាំពាក្យរាជរដ្ឋាភិបាលកម្ពុជាបាន ស្រង់សម្តីលោកប្រធានាធិបតីអាមេរិក ថា លោកចង់ឃើញការឈប់បាញ់គ្នាភ្លាមៗ ហើយនឹងចង់ឃើញសន្តិភាពកើតមានរវាងប្រទេសកម្ពុជា និងថៃ។ ជាការឆ្លើយតបសម្តេចមហាបវរធិបតី ហ៊ុន ម៉ាណែត គឺបានបញ្ជាក់ពីជំហរយ៉ាងច្បាស់ជា មួយប្រធានាធិបតីអាមេរិក ដូណាល់ ត្រាំ (Donald Trump) ថា កម្ពុជាឯកភាពជាមួយសំណើរ ឱ្យមានការឈប់បាញ់ភ្លាម និងដោយឥតលក្ខខណ្ឌរវាងកងទ័ពទាំងពីរ។ ជាក់ស្ដែងជំហរនេះសម្តេ ចក៏ធ្លាប់បានបញ្ជាក់ជាមួយលោក Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្ដូរវេ នអាស៊ានកាលពីថ្ងៃទី២៤ កក្កដា កន្លងទៅនេះ។
ឯកឧត្តមបានបញ្ជាក់ថា៖ជំហររបស់សម្តេចបវរធិបតី ហ៊ុន ម៉ាណែត ជាប្រមុខនៃរាជរដ្ឋាភិបា លកម្ពុជា គឺចង់បានសន្តិភាព និងមិនចង់ឱ្យមានការផ្ទុះអាវុធជាមួយប្រទេសណាមួយនោះទេ។ កក្តាសុខសន្តិភាព គឺជាជំហរយ៉ាងដាច់ខាតរបស់រាជរដ្ឋាភិបាលកម្ពុជា តែងតែងចង់បាន។
ឯកឧត្តមក៏បានគូសបញ្ជាក់បន្ថែមថា៖ «សម្តេចបវរធិបតី ហ៊ុន ម៉ាណែត ក៏បានជូនដំណឹងទៀតថា ជាដំណឹងមួយដែលល្អ បន្ទាប់ពីមានកិច្ចសន្ទនារវាងសម្តេច និងឯកឧត្តម ប្រធានាធិបតី ដូ ណាល់ត្រាំ ឯកឧត្តម ប្រធានាធិបតី អាមេរិក ក៏ទូរស័ព្ទទាក់ទងជាមួយឯកឧត្តម Phumtham Wechayachai នាយករដ្ឋមន្ត្រីស្តីទីថៃ ដើម្បីដាក់សំណើដូចគ្នា ហើយឯកឧត្តម ដូណាល់ ត្រាំ បានជូនដំណឹងមកសម្តេចបវរធិបតី វិញថា ភាគីថៃ បានឯកភាពជាមួយសំណើរបស់ឯ កឧត្តមប្រធានាធិបតី ស្តីពីការឈប់បាញ់គ្នាភ្លាមផងដែរ។ នេះគឺជាដំណឹងដ៏ល្អសម្រាប់កងទ័ព និងប្រជាជននៃប្រទេសទាំងពីរ ហើយសម្តេចសង្ឃឹមថាភាគីថៃ នឹងមិនកែប្រែជំហរមួយនេះដូច ដែលខ្លួនបានធ្វ កាលពីថ្ងៃទី២៤ ខែកក្កដា ដែលបានព្រមព្រៀងសន្យាជាមួយ Anwar Ibrahim នោះទេ»។
ជាមួយគ្នានេះដែរ សម្តេចបវរធិបតី ហ៊ុន ម៉ាណែត បានប្រគល់ភារកិច្ចជូនឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិ អោយបន្តកិច្ចការងា រនេះដោយពិភាក្សាជាមួយលោក Marco Rubio រដ្ឋមន្ត្រីការបរទេសសហរដ្ឋអាមេរិកដើម្បី សម្របសម្រួលជាមួយភាគីថៃ ក្នុងគោលដៅឈានទៅអនុវត្តគោលការណ៍ដែលបានព្រ មព្រៀងគ្នា ឱ្យបានឆាប់រហ័ស ដែលអាចបញ្ចប់ការស្លាប់និងរបួសរបស់កងទ័ពនិង ប្រជាពលរដ្ឋទាំងសងខាង។
សម្តេចក៏សូមអរគុណប្រធានាធិបតី Donald Trump ដែលបានផ្តួចផ្ដើមគំនិត និងសម្របសម្រួលដើ ម្បីស្វែងរកការឈប់បាញ់ភ្លាម និងសន្តិភាពរវាងកម្ពុជានិងថៃនាពេលនេះ។ លទ្ធផលដ៏ល្អនេះពិតជានឹងជួយការពារអាយុជីវិតរបស់កងទ័ព និងដូចប្រជាពលរដ្ឋស៊ីវិលជាច្រើននាក់ទាំងខ្មែរទាំងថៃ ដែលអាចបាត់បង់ដោយសារការប្រយុទ្ធគ្នា ឬក៏រងរបួស និងជួយឱ្យជនភៀសខ្លួនរាប់សែននាក់អាចបានត្រឡប់ទៅរស់នៅ ក្នុងភូមិឋានរបស់ ខ្លួនវិញ ដើម្បីបន្តដំណើរការជីវិតជាប្រចាំថ្ងៃរបស់ពួកគាត់ដោយសេចក្តីសុខនិងសន្តិភាព។
គួរជម្រាបថាទោះបីមានការសម្របសម្រូលពីសហអាមេរិកយ៉ាងណាក្តី រហូតមកដល់ម៉ោងជិត ៧ព្រឹកថ្ងៃទី២៧ ខែកក្កដានេះ សមរភូមិប្រយុទ្ធមិនទាន់ស្ងប់ស្ងាត់នោះទេ ពោលនៅបន្តវ៉ៃគ្នា ដដែល។
ដោយឡែកនៅសមរភូមិប្រាសាទតាមាន់ និងជប់គរគី ទាហានឈ្លានពានថៃ បានចាប់ផ្តើ មបាញ់ចូលដីកម្ពុជា នៅវេលាម៉ោងជាង ៤ទៀបភ្លឺថ្ងៃទី២៧ ខែកក្កដា ឆ្នាំ២០២៥នេះ ហើយរហូត មកដល់ម៉ោងជិត៧នេះ ការប្រយុទ្ធគ្នាមិនទាន់ចប់នៅឡើយទេ។ ទាហានឈ្លានពានថៃ ទំនងចង់ប្រើយុទ្ធសាស្ត្របុកវ៉ៃយកទីតាំងឈរជើង មុនឯកភាពបទឈប់បាញ់ តែវ៉ៃទៅមិនរួច ដោយសារកងទ័ពកម្ពុជាដ៏ក្លាហានរបស់យើងកំពុងតស៊ូប្រយុទ្ធយ៉ាងអង់អាច និងមិនឱ្យទា ហានថៃអាចវ៉ៃមកឈរជើងបានឡើយ៕
ចែករំលែកព័តមាននេះ