រាជធានីភ្នំពេញ ៖ កម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជនបានចុះទៅធ្វើការឡោមព័ទ្ធទីតាំងមួយកន្លែង និងឃាត់ខ្លួនមនុស្សប្រុសស្រីជាជនបរទេសច្រើននាក់ កាលពីវេលាម៉ោង១០និង៣០នាទីយប់ ថ្ងៃទី២៣ ខែកក្កដា ឆ្នាំ២០២៥ ទីតាំងឡោមព័ទ្ធមានស្លាកយីហោ…
រាជធានីភ្នំពេញ ៖ កម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជនបានចុះទៅធ្វើការឡោមព័ទ្ធទីតាំងមួយកន្លែង និងឃាត់ខ្លួនមនុស្សប្រុសស្រីជាជនបរទេសច្រើននាក់ កាលពីវេលាម៉ោង១០និង៣០នាទីយប់ ថ្ងៃទី២៣ ខែកក្កដា ឆ្នាំ២០២៥ ទីតាំងឡោមព័ទ្ធមានស្លាកយីហោ យ៉ុងស្សេង ស្ថិតនៅលើកំណាត់ផ្លូវលេខ១៧៤ សង្កាត់ផ្សារថ្មីទីបី ខណ្ឌដូនពេញ រាជធានីភ្នំពេញ ។
កម្លាំងនគរបាលប្រឆាំងការជួញដូរមនុស្ស និងការពារអនីតិជនដឹកនាំដោយលោកឧត្តមសេនីយ៍ទោ សុក សំបូរ ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជនបានចុះធ្វើការឡោមព័ទ្ធទីតាំងអគារមួយកន្លែង និងឃាត់ខ្លួនមនុស្សប្រុសស្រីជាច្រើននាក់ ដែលជាប់ពាក់ព័ន្ធការបង្ក.ប់សេវាកម្មជួញដូរផ្លូវភេទ ។
ពលរដ្ឋដែលស្ថិតនៅក្បែរទីតាំងខាងលើ បានបញ្ជាក់ថា គេឃើញកម្លាំងសមត្ថកិច្ចប្រើប្រាស់នូវខ្សែហ៊ុមព័ទ្ធជុំវិញទីតាំងអគារមួយកន្លែងដែលមានស្លាកយីហោយ៉ុងស្សេង( YONG SHENG ) ។ អគារដែលមានកម្ពស់១២ជាន់ ព្រមទាំងបានចូលទៅផ្នែកខាងក្នុងនៃអគារធ្វើការត្រួតពិនិត្យ ម្ដង១ជាន់ រហូតឃាត់ខ្លួនមនុស្សជាច្រើននាក់ ចុះមកខាងក្រោមវិញដាក់ចូលរថយន្តធុនធំដឹកអ្នកដំណើរ ។
ជាក់ស្ដែង ប្រតិបត្តិការនេះធ្វើឡើង រយៈពេល៥ម៉ោង ដោយឃាត់ខ្លួនមនុស្សប្រុសស្រីជាច្រើននាក់ក្នុងនោះមានស្រី៣២នាក់ ភាគច្រើនជាជនជាតិបរទេស ព្រមទាំងដកហូតវត្ថុតាងមួយចំនួន ។
ក្រោយបិទបញ្ចប់ប្រតិបត្តិការនេះកម្លាំងនាយកដ្ឋានប្រឆាំងការជួញដូរមនុស្សនិងការពារអនីតិជន បានបញ្ជូនមនុស្សជាច្រើននាក់ខាងលើ ទៅកាន់អគ្គស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួរនាំ និងអនុវត្តបន្តតាមនីតិវិធី ៕
ចែករំលែកព័តមាននេះ