រាជធានីភ្នំពេញ ៖ លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ឬហៅកាត់ថា CMAC បានពន្យល់ថាបើពិនិត្យស្ថានភាព នៃទាហានសៀមរងរបួសដាច់…
រាជធានីភ្នំពេញ ៖ លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ឬហៅកាត់ថា CMAC បានពន្យល់ថា
បើពិនិត្យស្ថានភាព នៃទាហានសៀមរងរបួសដាច់ ”កជើង”ម្ខាង នោះ អាចបញ្ជាក់ថា ការផ្ទុះអាចបង្កឡើងដោយប្រភេទគ្រាប់មីន ដែលមានបរិមាណជាតិផ្ទុះទាប ដូចជាប្រភេទមីន72A ឬ 72B ឬ M14 ឬ MN79 ឬក៏ MD82B ជាដើម ដែលជាគ្រាប់មីនចាស់សំណល់សង្គ្រាម និងមានកម្រិតជាតិផ្ទុះប្រមាណត្រឹមតែជាង៣០ក្រាមប៉ុណ្ណោះ ។
លោកបានបន្ថែមទៀតថា ប្រសិនបើទាហានសៀមនោះ ជាន់ផ្ទុះប្រភេទគ្រាប់មីន PMN-2 និងស្របតាមការចោទប្រកាន់ថា ជាគ្រាប់មីនPMN-2 ថ្មីផងនោះ ទាហានរូបនេះអាចដាច់ជើងទាំង២ ឬក៏រងរបួសធ្ងន់ធ្ងរ ឬក៏ស្លាប់តែម្តង ព្រោះថា ក្នុងគ្រាប់មីនPMN-2 មួយគ្រាប់មានបរិមាណជាតិផ្ទុះចំនួនរហូតដល់១១៥ក្រាម។ ការសន្និដ្ឋាននេះដោយផ្អែកលើភាពជាក់ស្តែង នៃជនរងគ្រោះដោយសារការផ្ទុះគ្រាប់មីន PMN-2 ជាច្រើនករណីកន្លងមកនៅកម្ពុជា ។
សូមបញ្ជាក់ថា ចម្ការមីនរាប់រយគីឡូម៉ែត្រ ស្ថិតនៅតាមបណ្តោយព្រំដែនខ្មែរ-សៀម ក្នុងបូរណភាពទឹកដីកម្ពុជាមិនទាន់ធ្វើការបោសសម្អាតគ្រាប់មីនទាំងនោះនៅឡើយទេ ដោយសារកម្ពុជាបន្តខិតខំអនុវត្តការបោសសម្អាតមីនតាមការកំណត់អាទិភាពបម្រើសុខសុវត្ថិភាពប្រជាពលរដ្ឋ និងការគាំទ្រសេដ្ឋកិច្ចសង្គមរបស់ខ្លួន ៕
ចែករំលែកព័តមាននេះ