រាជធានីភ្នំពេញ៖អ្នកនាំពាក្យក្រសួងសាធារណការនិងដឹកជញ្ជូនបានលើកឡើងថាការការងារបោះបង្គោលនិយាមកា លើផ្ទៃសមុទ្រ ខេត្តកែប ដែលជាចំណុចចុងទី នៃគម្រោងព្រែកជីកហ្វូណនតេជោ ហើយគ្រោងនឹងបញ្ចប់នៅសប្តាហ៍នេះ។ ឯកឧត្តម ផន រឹម អ្នកនាំពាក្យក្រសួងសារធារណការនិងដឹកជញ្ជូនបានសរសេលើបណ្តាញសង្គមនៅថ្ងៃទី២៣…
រាជធានីភ្នំពេញ៖អ្នកនាំពាក្យក្រសួងសាធារណការនិងដឹកជញ្ជូនបានលើកឡើងថាការការងារបោះបង្គោលនិយាមកា លើផ្ទៃសមុទ្រ ខេត្តកែប ដែលជាចំណុចចុងទី នៃគម្រោងព្រែកជីកហ្វូណនតេជោ ហើយគ្រោងនឹងបញ្ចប់នៅសប្តាហ៍នេះ។
ឯកឧត្តម ផន រឹម អ្នកនាំពាក្យក្រសួងសារធារណការនិងដឹកជញ្ជូនបានសរសេលើបណ្តាញសង្គមនៅថ្ងៃទី២៣ កក្កដា ឆ្នាំ ២០២៥ថាទិដ្ឋភាពក្រុមការងារបច្ចេកទេសអន្តរក្រសួង និងអាជ្ញាធរមានសមត្ថកិច្ច ដឹកនាំដោយក្រុមការងារបច្ចេកទេសក្រសួងសាធារណការ និងដឹកជញ្ជូន កំពុងបោះបង្គោលនិយាមកា លើផ្ទៃសមុទ្រ ខេត្តកែប ដែលជាចំណុចចុងទី នៃគម្រោងព្រែកជីកហ្វូណនតេជោ នាព្រឹកថ្ងៃទី២៣ ខែកក្កដា ឆ្នាំ២០២៥។
គម្រោងផ្លូវទឹកដ៏សម្បើមនេះ ឆ្លងកាត់ខេត្តចំនួន៤ រួមមាន៖ ខេត្តកណ្តាលប្រវែង៥៤គ.ម ខេត្តតាកែវប្រវែង ៦០គ.ម ខេត្តកំពតប្រវែង ៤៣គ.ម និងខេត្តកែបប្រវែង១៧,៥ គ.ម ហើយត្រូវបានរចនាឡើងដើម្បីផ្ទុកនាវាដែលមានទម្ងន់រហូតដល់ ៣ ០០០ DWT។
ការងារស្ថាបនាហេដ្ឋារចនាសម្ព័ន្ធពាក់ព័ន្ធគម្រោងនេះរួមមាន៖ ការងារស្តារទន្លេ, ការងារជីកប្រឡាយ, ការសាងសង់ស្ថានីយជលសាស្ត្រសន្ទះផ្លូវទឹក, ការសាងសង់ទំនប់ការពារច្រាំងទន្លេ, ការសាងសង់ជម្រាលជើងទេរ និងហេដ្ឋារចនាសម្ព័ន្ធជំនួយដល់វិស័យនាវាចរណ៍ផ្សេងៗទៀត។
គម្រោងនេះនឹងបង្កើតបណ្តាញផ្លូវទឹកក្នុងស្រុកមួយដែលមានភាពសព្វជ្រុងជ្រោយ ព្រមទាំងចូលរួមបំពេញបន្ថែមនូវចន្លោះប្រហោងមួយចំនួននៅក្នុងប្រព័ន្ធដឹកជញ្ជូនតាមផ្លូវទឹករបស់កម្ពុជានាពេលបច្ចុប្បន្ន និងបង្កើនសុវត្ថិភាពនៃការដឹកជញ្ជូនតាមផ្លូវទឹកផងដែរ៕
ចែករំលែកព័តមាននេះ