ខេត្តបន្ទាយមានជ័យ ៖ ក្រោយជំនន់ទឹកភ្លៀងស្រក គេសង្កេតឃើញបងប្អូនប្រជាពលរដ្ឋនាំគ្នាទៅលេងប្រឡាយព្រែកសឿ ក្នុង១ថ្ងៃជិត២.០០០នាក់ កាលពីថ្ងៃទី២១ ខែកក្តដា ឆ្នាំ២០២៥ នៅឃុំសឿ ស្រុកមង្គលបូរី…
ខេត្តបន្ទាយមានជ័យ ៖ ក្រោយជំនន់ទឹកភ្លៀងស្រក គេសង្កេតឃើញបងប្អូនប្រជាពលរដ្ឋនាំគ្នាទៅលេងប្រឡាយព្រែកសឿ ក្នុង១ថ្ងៃជិត២.០០០នាក់ កាលពីថ្ងៃទី២១ ខែកក្តដា ឆ្នាំ២០២៥ នៅឃុំសឿ ស្រុកមង្គលបូរី ខេត្តបន្ទាយមានជ័យ ។
លោក ជា ទី មេឃុំសឿបានប្រាប់ថា រយៈពេលជាង១សប្តាហ៍ហើយ គេសង្កេតឃើញបងប្អូនប្រជាពលរដ្ឋមកពីគ្រប់ទិសទីបាននាំគ្នាមកលេងកំសាន្តក្នុង១ថ្ងៃជិត២.០០០នាក់នៅប្រឡាយព្រែកសឿ ក្រោយជំនន់ទឹកភ្លៀងត្រូវបានស្រក ដែលទៅលេងនៅទីនោះទេគឺទៅមើលទេសភាពវាលស្រែស្រូវពេលល្ងាចជាលក្ខណៈគ្រួសារ។
លោកបានបញ្ជាក់ថា៖នៅពេលប្រជាពលរដ្ឋនាំគ្នាសម្រុកមកលេងនៅប្រឡាយព្រែកសឿ១ថ្ងៃរាប់ពាន់នាក់នេះឃើញមានបងប្អូនប្រជាពលរដ្ឋក្នុងភូមិបានលក់ដូរជាចំណីចំណុកប្រមាណជាមិនជាង៥០ទៅ៦០កន្លែងតាមដងផ្លូវនិងមាត់ប្រឡាយព្រែកសឿដែលទៅលេងមានប្រជាពលរដ្ឋមកគ្រប់ទិសទីបានលេងកំសាន្តដែលមកជាលក្ខណៈគ្រួសារក្រាលកន្ទេលអង្គុយលើខ្នងប្រឡាយហើយទិញនំចំណីហូប។
លោក ជា ទី បានបញ្ជាក់ថា នៅពេលដែលប្រជាពលរដ្ឋនាំគ្នាសម្រុកមកលេងច្រើននៅប្រឡាយព្រែកសឿនៅពេលក្រាលកន្ទេលក្បែរមាត់ប្រឡាយជាការព្រួយបារម្យកុំក្រាលកន្ទេលក្បែរមាត់ប្រឡាយទឹកអាចប្រឈមគ្រោះរអិលធ្លាក់ប្រឡាយមានទឹកហូរខ្លាំងហើយជម្រៅ ត្រូវការពារចំពោះកូនចៅដែលមកលេងជាមួយ ព្រោះពេលនេះប្រជាពលរដ្ឋនាំគ្នាសម្រុកមកលេងច្រើន១ថ្ងៃជិត២.០០០នាក់មកលេងតាមប្រឡាយ៤ទៅ៥កន្លែងពេញទាំងអស់ហើយប្រឡាយព្រែកសឿគឺតភ្ជាប់ទៅប្រឡាយព្រែកចំណោមនៅផ្នែកខាងក្រោមអត់មានអ្នកទៅលេង ៕
ចែករំលែកព័តមាននេះ