រាជធានីភ្នំពេញ ៖ ឃ្លាំងស្តុកកម្ទេចសំរាមនៅក្នុងរោងចក្រស្បែកជើងមួយកន្លែង ត្រូវបានឆ្លងចរន្តទុស្សេខ្សែភ្លើងឆាបឆេះយ៉ាងសន្ធោសន្ធៅផ្អើលពលរដ្ឋ និងសមត្ថកិច្ចទាក់ទងហៅរថយន្តពន្លត់ អគ្គិភ័យមកបាញ់ទប់ស្កាត់ជាច្រើនគ្រឿង កើតឡើងនៅវេលាម៉ោង១រំលងអធ្រាត្រ ឈានចូលថ្ងៃទី២៣ ខែកក្កដា ឆ្នាំ២០២៥…
រាជធានីភ្នំពេញ ៖ ឃ្លាំងស្តុកកម្ទេចសំរាមនៅក្នុងរោងចក្រស្បែកជើងមួយកន្លែង ត្រូវបានឆ្លងចរន្តទុស្សេខ្សែភ្លើងឆាបឆេះយ៉ាងសន្ធោសន្ធៅផ្អើលពលរដ្ឋ និងសមត្ថកិច្ចទាក់ទងហៅរថយន្តពន្លត់ អគ្គិភ័យមកបាញ់ទប់ស្កាត់ជាច្រើនគ្រឿង កើតឡើងនៅវេលាម៉ោង១រំលងអធ្រាត្រ ឈានចូលថ្ងៃទី២៣ ខែកក្កដា ឆ្នាំ២០២៥ ស្ថិតក្នុងភូមិអង្គកែវ សង្កាត់ចោមចៅ3 ខណ្ឌពោធិសែនជ័យ រាជធានីភ្នំពេញ។
ប្រភពព័ត៌មានបានឲ្យដឹងថា នៅមុនពេលកើតហេតុ ខាងសន្តិសុខយាមកាមនៅក្នុងរោងចក្របានដើរល្បាតក្នុងបរិវេណផ្នែកខាងក្រោយក៏ឃើញភ្លើងកំពុងតែឆាបឆេះយ៉ាងសន្ធោសន្ធៅក្នុងកន្លែងស្តុកកំទេចសំរាម ។
ភ្លាមៗនោះ បាននាំគ្នាស្ទុះស្ទារទាញទុយោទឹកមកបាញ់ទប់ស្កាត់ដែរ តែមិនអាចគ្រប់គ្រងស្ថានការណ៍ភ្លើងឆេះបានក៏ទាក់ទងទៅសមត្ថកិច្ចមូលដ្ឋានសុំជំនួយរថយន្តពន្លត់អគ្គិភ័យមកបាញ់ជាច្រើនគ្រឿងទើបភ្លើងអន់ថយរហូតរលត់គ្រប់គ្រងបានទាំងស្រុង ក្នុងនោះផងដែរ មិនបង្កឲ្យមានរាលដាលឆ្លងទៅអគារផ្សេងទៀតទេ និងមិនបង្កឲ្យមានអ្នករបួសដែរ គ្រាន់តែខូចខាតឃ្លាំងស្តុកប្រកស័ង្កសីប៉ុណ្ណោះ។
ក្នុងហេតុការណ៍អគ្គីភ័យឆេះខាងលើនោះ ខាងសមត្ថកិច្ចផ្នែកជំនាញពន្លត់អគ្គិភ័យបញ្ជាក់ថា មូលហេតុមកពីការឆ្លងចរន្តទុស្សេខ្សែភ្លើងទើបបង្កឲ្យឆាបឆេះតែម្តង ៕
ចែករំលែកព័តមាននេះ