ខេត្តតំបន់ឆ្នេរ អាជ្ញាធររដ្ឋបាលខេត្តតំបន់ឆ្នេរ មានខេត្តព្រះសីហនុ កោះកុង កំពត និងខេត្តកែប បានអំពាវនាវឲ្យពលរដ្ឋអ្នកនេសាទ ឬអ្នកធ្វើដំណើរផ្លូវសមុទ្រ បង្កើនការប្រុងប្រយ័ត្នអំពីធាតុអាកាស ចាប់ពីថ្ងៃ១៩…
ខេត្តតំបន់ឆ្នេរ អាជ្ញាធររដ្ឋបាលខេត្តតំបន់ឆ្នេរ មានខេត្តព្រះសីហនុ កោះកុង កំពត និងខេត្តកែប បានអំពាវនាវឲ្យពលរដ្ឋអ្នកនេសាទ ឬអ្នកធ្វើដំណើរផ្លូវសមុទ្រ បង្កើនការប្រុងប្រយ័ត្នអំពីធាតុអាកាស ចាប់ពីថ្ងៃ១៩ កក្កដា រហូតដល់ថ្ងៃ២៣ កក្កដា ២០២៥ ដោយឥទ្ធិពលព្យុះវិផា ដែលមានភ្លៀង ខ្យល់ និងរលកសមុទ្រខ្ពស់ ។
មន្ត្រីបញ្ជាក់ថា យោងតាមការព្យាករណ៍ធាតុអាកាសបន្ថែម នៅថ្ងៃទី២០ ខែកក្កដា ឆ្នាំ២០២៥នេះ ឲ្យដឹងថា ព្យុះទីហ្វុងឈ្មោះវិផា (WIPHA) បាន និងកំពុងតែស្ថិតនៅតំបន់សមុទ្រចិនខាងត្បូង ក្បែរទីក្រុងហុងកុង ក្នុងល្បឿនចន្លោះពី(១២០គម/ម- ១៤៨គម/ម) ដោយមានទិសដៅ ទៅកាន់កោះហៃណាន ប្រទេសចិន និងរដ្ឋធានីហាណូយ ប្រទេសវៀតណាម ។
បើតាមការព្យាករណ៍ពីមន្ត្រីជំនាញថា ព្យុះទីហ្វុងនេះនឹងថមថយល្បឿនទៅវិញ នៅថ្ងៃទី២៤ ខែកក្កដា ឆ្នាំ២០២៥ ។
សូមបញ្ជាក់ថា ព្យុះទីហ្វុងនេះនឹងជះឥទ្ធិពលមកលើប្រទេសកម្ពុជាយើងដែរ ដូច្នេះអាជ្ញាធរនិងផ្នែកជំនាញអំពាវសូមបងប្អូនប្រជាពលរដ្ឋទាំងអស់ ជាពិសេសបងប្អូនប្រជានេសាទនិងអ្នកដំណើរតាមផ្លូវសមុទ្រទាំងអស់បង្កើនការប្រុងប្រយ័ត្នឲ្យបានខ្ពស់បំផុត ៕
ចែករំលែកព័តមាននេះ