រាជធានីភ្នំពេញ ៖ បុរសម្នាក់ត្រូវបានកម្លាំងកងរាជអាវុធហត្ថរាជធានីភ្នំពេញឃាត់ខ្លួន បន្ទាប់ពីដើរជួលកាមេរ៉ាថតរូបនិងលែន ដែលមានតម្លៃថ្លៃយកទៅលក់ជាបន្តបន្ទាប់ បានប្រាក់សរុបចំនួន៤០ ៤៤៤ដុល្លាអាមេរិក តែទីបំផុត ត្រូវជាប់ខ្នោះ។ តាមកងរាជអាវុធហត្ថរាជធានីភ្នំពេញបានឲ្យដឹងថា…
រាជធានីភ្នំពេញ ៖ បុរសម្នាក់ត្រូវបានកម្លាំងកងរាជអាវុធហត្ថរាជធានីភ្នំពេញឃាត់ខ្លួន បន្ទាប់ពីដើរជួលកាមេរ៉ាថតរូបនិងលែន ដែលមានតម្លៃថ្លៃយកទៅលក់ជាបន្តបន្ទាប់ បានប្រាក់សរុបចំនួន៤០ ៤៤៤ដុល្លាអាមេរិក តែទីបំផុត ត្រូវជាប់ខ្នោះ។
តាមកងរាជអាវុធហត្ថរាជធានីភ្នំពេញបានឲ្យដឹងថា បុរសម្នាក់ត្រូវបានកម្លាំងជំនាញកងរាជអាវុធហត្ថរាជធានីភ្នំពេញ ឃាត់ខ្លួនកាលពីថ្ងៃទី១៧ ខែកក្កដា ឆ្នាំ២០២៥ នៅចំណុចហាងលក់កាមេរ៉ាមួយកន្លែង ស្ថិតលើផ្លូវមុន្នីវង្ស សង្កាត់ផ្សារថ្មី ខណ្ឌដូនពេញ រាជធានីភ្នំពេញ ។
បន្ទាប់ពីបុរសរូបនេះ បានដើរជួលកាមេរ៉ាថតរូបសរុប១១គ្រឿង រួមនិងលែនកាមេរ៉ាជាច្រើនដើមទៀត ពីជនរងគ្រោះចំនួន០៩នាក់ ហើយយកទៅលក់តាមហាងកាមេរាខុសៗគ្នា ក្នុងតម្លៃ ០១គ្រឿងៗ ចំនួន១២៥០ដុល្លារ រហូតដល់២២៥០ដុល្លារ តាមម៉ាករបស់កាមេរ៉ានីមួយៗ សរុបបានលុយចំនួន៤០,៤៤៤ដុល្លាអាមេរិក។
ជនសង្ស័យរូបនោះ ឈ្មោះ ជា លឹមហេង ភេទប្រុស អាយុ២០ឆ្នាំ បានសារភាពថា ខ្លួនទើបតែចាប់ផ្តើមប្រព្រឹត្តសកម្មភាពដូចខាងលើ ចាប់តាំងពីខែឧសភា ឆ្នាំ២០២៥ ហើយក៏ត្រូវបានកម្លាំងកងរាជអាវុធហត្ថរាជធានីភ្នំពេញ ឃាត់ខ្លួននិង កសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ