ខេត្តបន្ទាយមានជ័យ៖ប្រជាពលរដ្ឋចំនួន១២គ្រួសារស្មើ៦ខ្នងផ្ទះ ដែលទាហានសៀមដាក់លួសបន្លានិងបិតផ្លូវត្រូវបាននាំគ្នាបោះតងជាប់របងការពារផ្ទះមិនអោយសៀមបំផ្លាញចោលទៀតទេនៅថ្ងៃទី១៥ ខែសីហា ឆ្នាំ២០២៥ នៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ លោក កែវ ដារ៉ារស្មី…
ខេត្តបន្ទាយមានជ័យ៖ប្រជាពលរដ្ឋចំនួន១២គ្រួសារស្មើ៦ខ្នងផ្ទះ ដែលទាហានសៀមដាក់លួសបន្លានិងបិតផ្លូវត្រូវបាននាំគ្នាបោះតងជាប់របងការពារផ្ទះមិនអោយសៀមបំផ្លាញចោលទៀតទេនៅថ្ងៃទី១៥ ខែសីហា ឆ្នាំ២០២៥ នៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
លោក កែវ ដារ៉ារស្មី អភិបាលស្រុកអូរជ្រៅបានប្រាប់ថា៖មានប្រជាពលរដ្ឋចំនួន១២គ្រួសារក្រោយទាហានថៃបានយកលួសបន្លាដាក់កង់ឡានបិតផ្លូវនិងបណ្តេញពួកគាត់ចេញពីផ្ទៈបាននាំគ្នាបោះតង់ជាប់របងលួសបន្លាដើម្បីការពារផ្ទៈរបស់គាត់មិនអោយទាហានថៃបំផ្លិចបំផ្លាញចោលជាក់ស្តែងនៅច្រកតំបន់៥ចំនួន៦ខ្នងផ្ទៈស្មើ៦គ្រួសារចំនួន៣២នាក់ និងច្រកណង់ចាន់ចំនួន៦ខ្នងផ្ទៈក្នុងនោះគ្រួសារយោធា២គ្រួសារស្មើ២៧នាក់។
លោកបានបញ្ជាក់ថា៖កាលពីថ្ងៃទី១២ ខែសីហា ឆ្នាំ២០២៥នៅចំណុចច្រកណង់ចាន់ស្ថិតភូមិជោគជ័យ មានទាហានថៃឯកសណ្ឋានប៉ារ៉ាប្រមាណ៣០នាក់ប្រដាប់ដោយអាវុធបានចូលដាក់លួសបន្លាព័ទ្ធផ្ទៈប្រជាពលរដ្ឋចំនួន៦ខ្នងផ្ទៈក្នុងនោះមានផ្ទៈប្រជាពលរដ្ឋ៤ខ្នងផ្ទៈនិងប៉ុស្តិ៍យោធា២កន្លែង នៅថ្ងៃទី១៣ ខែសីហា ឆ្នាំ២០២៥ច្រកតំបន់៥ស្ថិតភូមិព្រៃចាន់ ឃុំអូរបីជាន់ ស្រុកអូរជ្រៅ មានរថយន្ត២គ្រឿងដឹកទាហានថៃប្រមាណជាង៥០នាក់ប្រដាប់ដោយអាវុធបានចូលព័ទ្ធលួសបន្លាបិតផ្លូវព័ទ្ធផ្ទៈប្រជាពលរដ្ឋ៦ខ្នងផ្ទៈនៅខាងជើងផ្លូវត្រូវបានទាហានថៃប្រកាសតាមមេក្រូដេញពលរដ្ឋខ្មែរចេញពីផ្ទៈនិង៣ខ្នងផ្ទៈខាងត្បូងផ្លូវដោយទាហានថៃបិតផ្លូវចេញ.ចូលមិនបានទើបចាក់ចេញពីលំនៅដ្ឋាន។
ប្រជាពលរដ្ឋបានបញ្ជាក់ថា៖មូលហេតុដែលពួកគាត់នាំគ្នាបោះតង់ក្បែររបងលួសបន្លាដែលទាហានសៀមដាក់ ដើម្បីការពារមើលថែផ្ទៈសម្បែងមិនអោយទាហានសៀមបំផ្លាញហើយសុំអោយក្រុមអ្នកសង្កេតការណ៍អន្តរកាល(IOT)ចំនួន៧ប្រទេសដែលបានចុះមកពិនិត្យជាក់ស្តែងដែលទាហានសៀមរំលោភបំពានសិទ្ធិមនុស្សអន្តរជាតិនិងអធិបតេយ្យភាពកម្ពុជាទទួលបានភាពយុត្តិធម៌បានចូលផ្ទៈរស់នៅវិញ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ