ខេត្តកោះកុង ៖ លោក ម៉ៅ សានសូណា អនុប្រធានសាខាគយ និងរដ្ឋាករខេត្តកោះកុង ទទួលបន្ទុកចល័ត និងមានទីតាំងរោងប្រចាំការឈរជើងឥតលើកស្លាកសម្គាល់ដូចជាកុងត្រូលជជុះនោះត្រូវអ្នករកស៊ីដឹកទំនិញចោទប្រកាន់ថាជំរឹតទាប្រាក់ពីពួកគាត់ដែលស៊ីឈ្នួលដឹកទំនិញនិងគ្រឿងសមុទ្រ ច្រើនៗពេក…
ខេត្តកោះកុង ៖ លោក ម៉ៅ សានសូណា អនុប្រធានសាខាគយ និងរដ្ឋាករខេត្តកោះកុង ទទួលបន្ទុកចល័ត និងមានទីតាំងរោងប្រចាំការឈរជើងឥតលើកស្លាកសម្គាល់ដូចជាកុងត្រូលជជុះនោះត្រូវអ្នករកស៊ីដឹកទំនិញចោទប្រកាន់ថាជំរឹតទាប្រាក់ពីពួកគាត់ដែលស៊ីឈ្នួលដឹកទំនិញនិងគ្រឿងសមុទ្រ ច្រើនៗពេក ។
គយ និងរដ្ឋាករខេត្តកោះកុង ទទួលបន្ទុកចល័ត និងមានទីតាំងរោងប្រចាំការឈរជើងឥតលើកស្លាកសម្គាល់ដូចជាកុងត្រូលជជុះនោះមានទីតាំងនៅជាប់ផ្លូវជាតិលេខ ៤៨ ក្នុងឃុំអណ្ដូងទឹក ស្រុកបូទុមសាគរ ខេត្តកោះកុងហើយត្រូវបានរងការចោទថា ប្រើរថយន្តស្លាកលេខរដ្ឋ និងរថយន្តគ្នីគ្នាពាក់ស្លាកលេខស៊ីវិលម៉ាកប្រូសមកឈរជើងនៅរង្វង់មូលសាយភូថងដើម្បីប្រដេញឃាត់ស្ទាក់រថយន្តអ្នកដឹកទំនិញទារប្រាក់ គ្មានក្តីមេត្តាសោះ ។
ប្រភពពីពលរដ្ឋបានឱ្យដឹងថា លោក សានសូណា អនុវត្តន៍ច្បាប់ល្មើសក្រមសីលធម៌ សម្ដីឈ្លើយអញហែងសម្លុតឱ្យពលរដ្ឋរើទំនិញបើកតង់ បើកទ្វារ និងគំរាម យកប្រាក់ពីពលរដ្ឋអ្នកស៊ីឈ្នួលដឹកទំនិញក្នុងស្រុកដែលមានជារបស់ប្រើប្រាស់ និងចំណីអាហារ។
ជនជាតិចិនដឹកបន្លែក៏បានរអ៊ូរទាំប្រាប់អាជ្ញាធរភូមិថា មានលោកគយនៅចំណុចខាងលើដេញស្ទាក់ឃាត់សួររកលិខិតស្នាមទាមទារលុយ រហូតចិនធុញទ្រាន់ពេកឱ្យ២០ដុល្លារទើបព្រម។
អ្នកភូមិស៊ីឈ្នួលដឹកគ្រឿងសមុទ្រចេញពីឃុំថ្មសក៏ត្រូវលោកគយនោះចោទថា ជាទំនិញនាំមកពីប្រទេសថៃទាំងគ្មានភស្តុតាងពិតប្រាកដទាលុយ២០០ដុល្លារចុងក្រោយពលរដ្ឋធុញនិងខ្លាចខូចគុណភាពសាច់ក៏ព្រមឱ្យលោក១០០ដុល្លារទៅ។
កាលពីថ្ងៃទី ០៨ សីហា ឆ្នាំ២០២៥ លោក សានសូណា ក៏បានដេញស្ទាក់ចាប់រថយន្តអ្នកស៊ីឈ្នួលដឹកប្រេងម៉ាស៊ីន ម៉ូទ័រ សម្បុកអ៊ែរ និងម៉ាស៊ីនវីស៊ីម៉ងត៍ ទិសដៅពីភ្នំពេញទៅថ្មស ដោយចោទថា បិទពន្ធក្លែងក្លាយ (ដែលដំបូងឡើយឃាត់តាមផ្លូវលោកគយទារប្រាក់លើទំនិញ២លាន និងរថយន្ត២លានរៀលគេមិនព្រមឱ្យ ក៏អូសទៅកន្លែងកុងត្រូលជជុះដែលឥតមានលើកស្លាកសម្គាល់ទារលុយ១៥០០ដុល្លារ ជាថ្នូរដោះលែងរថយន្ត បន្ទាប់ពីតថ្លៃលោកគយព្រមយក៣០០ដុល្លារ តែដកហូតទំនិញ។
ហើយគ្រប់អ្នកដឹកទំនិញលោកបង្គាប់បញ្ជាឱ្យបង់លុយ ២ម៉ឺនរៀលថ្លៃបាយទឹកក្នុងមួយជើង ទោះឱ្យ១ម៉ឺនប្រាំពាន់ក៏មិនព្រមដែរ ដែលមានប័ណ្ណវេរលុយផង យកមកបង្ហាញអ្នកកាសែតកោះសន្តិភាព ។
ទាក់ទងការលើកឡើងនេះ លោក ម៉ៅ សានសូណា អនុប្រធានគយសាខាខេត្តកោះកុងក៏បានលើកឡើងថា លោកចេះធ្វើការលើជំនាញរបស់លោកបានច្បាស់លាស់ ណាស់ហើយប្រភពព័ត៌មានដែលគេឱ្យទៅអ្នកសារព័ត៌មាននោះ បំផ្លើសការពិតទាំងស្រុងទេ។
លោក ទុំ ណូ ប្រធានគយ និងរដ្ឋាករ សាខាខេត្តកោះកុង មិនទាន់អាចទំនាក់ទំនងសូមការបញ្ជាក់បាននៅឡើយទេ ។ ប្រសិនបើមានការបំភ្លឺ យើងនឹងផ្សាយជូនបន្តទៀត ។
ទោះយ៉ាងនេះក្ដីក្រុមអ្នករកស៊ីបន្តិចបន្តួចដែលផ្ញើទំនិញតាមឡានកំពុងផ្ដិតមេដៃប្ដឹងលោក ម៉ៅ សានសូណា អនុប្រធានសាខាគយខេត្តកោះកុង ទៅអាជ្ញាធរ និងថ្នាក់លើឱ្យចាត់វិធានការតាមនីតិវិធី កុំឱ្យធ្វើទុក្ខបុកម្នេញបន្តទៀត ព្រោះពួកគាត់រកស៊ីរាប់សិបឆ្នាំមកហើយ មិនដែលជួបសកម្មភាពធ្វើលើសជ្រុលហួសហេតុក្នុងកំឡុងពេលជិត១ឆ្នាំដែលលោកគយរូបនេះមកកាន់ការងារនៅភូមិស្រុករបស់ពួកគាត់នោះទេ ។
កោះសន្តិភាពយល់ព្រមទទួលពាក្យបណ្តឹងមកផ្សាយជូននៅពេលណាមួយ ក្រោយពីបានទទួល ។
ព័ត៌មានបន្ថែមនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ