ប្រភពពីសារព័ត៌មានថៃបានផ្សាយថា ឪពុករបស់ទាហានរូបនេះបានលាតត្រដាងពីមូលហេតុដែលកូនរបស់ខ្លួនមានសតិមិនប្រក្រតីរត់ចេញពីបន្ទាយ ហើយបាញ់អ្នកភូមិ២នាក់ អោយរងរបួសនៅស្រុកកាប់ឆឹង ខេត្តសុរិន្ទ ។ លោក Prayoon) ជាឪពុករបស់ពលទាហានរដ្ឋាភូមិបានលាតត្រដាងថា លោកត្រូវបានប៉ូលិសប្រាប់ថា…
ប្រភពពីសារព័ត៌មានថៃបានផ្សាយថា ឪពុករបស់ទាហានរូបនេះបានលាតត្រដាងពីមូលហេតុដែលកូនរបស់ខ្លួនមានសតិមិនប្រក្រតីរត់ចេញពីបន្ទាយ ហើយបាញ់អ្នកភូមិ២នាក់ អោយរងរបួសនៅស្រុកកាប់ឆឹង ខេត្តសុរិន្ទ ។
លោក Prayoon) ជាឪពុករបស់ពលទាហានរដ្ឋាភូមិបានលាតត្រដាងថា លោកត្រូវបានប៉ូលិសប្រាប់ថា កូនប្រុសរបស់លោកបានរត់ចេញពីបន្ទាយទាំងមានអាវុធពេញខ្លួន ហើយបានបាញ់ប្រហារទៅលើអ្នកភូមិ ។
លោកប្រយូរបានបន្តថា លោកបានប្រញាប់ប្រញាល់ចូលរួមក្នុងការស្វែងរកកូនប្រុសរបស់លោកនៅម៉ោង៤:០០ទៀបភ្លឺ។ លោកបានព្យាយាមបញ្ចុះបញ្ចូលទៅកូនប្រុសឲ្យប្រគល់ខ្លួន ប៉ុន្តែកូនប្រុសរបស់លោកមិនបានលើកទូរស័ព្ទ ឬឆ្លើយតបសាររបស់លោកឡើយ ដែលធ្វើឲ្យលោកបារម្ភយ៉ាងខ្លាំង ។ លោកបាននិយាយថា កូនប្រុសរបស់លោកធ្លាប់និយាយថា គាត់មានភាពតានតឹង ហើយមិនបានទៅផ្ទះអស់រយៈពេល២ខែហើយ ប៉ុន្តែគាត់មិនដែលនិយាយពីបញ្ហាផ្សេងទៀតឡើយ ក្រៅពីចង់ទៅផ្ទះ។
ក្រោយមក មានសេចក្ដីរាយការណ៍ថា ប៉ូលិសបានរកឃើញសាកសពមួយនៅក្នុងព្រៃចម្ងាយប្រហែល២០០ម៉ែត្រពីកន្លែងកើតហេតុ។ ការត្រួតពិនិត្យបឋមបានកំណត់អត្តសញ្ញាណសាកសពថា ជាពលទាហានរដ្ឋាភូមិ ដែលបន្ទាប់ពីបាញ់អ្នកភូមិហើយបានរត់គេចខ្លួន និងបានសម្លាប់ខ្លួនដោយអាវុធប្រចាំការរបស់គាត់។
ចែករំលែកព័តមាននេះ