រាជធានីភ្នំពេញ ៖ គណៈកម្មាធិការសិទ្ធិមនុស្សកម្ពុជា បានដាក់ញ្ញត្តិទៅកាន់អ្នករាយការណ៍ពិសេសទទួលបន្ទុកសិទ្ធលំនៅដ្ឋាននៅទីក្រុងហ្សឺណែវ ដើម្បីទាមទារជំរុញឲ្យដៃដោះលែងកងទ័ពកម្ពុជា១៨រូបជាបន្ទាន់ និងគ្មានលក្ខខណ្ឌ ។ ឯកឧត្តម កែវ រ៉េមី…
រាជធានីភ្នំពេញ ៖ គណៈកម្មាធិការសិទ្ធិមនុស្សកម្ពុជា បានដាក់ញ្ញត្តិទៅកាន់អ្នករាយការណ៍ពិសេសទទួលបន្ទុកសិទ្ធលំនៅដ្ឋាននៅទីក្រុងហ្សឺណែវ ដើម្បីទាមទារជំរុញឲ្យដៃដោះលែងកងទ័ពកម្ពុជា១៨រូបជាបន្ទាន់ និងគ្មានលក្ខខណ្ឌ ។
ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជាបានសរសេរលើបណ្តាញសង្គម នៅថ្ងៃទី១៥ ខែសីហា ឆ្នាំ២០២៥ ថា ញ្ញត្តិបន្ទាន់របស់ប្រធានគណៈកម្មាធិការសិទ្ធិមនុស្សកម្ពុជាជូនទៅ: អ្នករាយការណ៍ពិសេសទទួលបន្ទុកសិទ្ធលំនៅដ្ឋាន មានទីតាំងប្រចាំនៅហ្សឺណែវ ។
ដោយមានគោលបំណង គឺជំរុញឱ្យភាគីថៃរើបន្លាលួស និងកង់ឡាន ដែលបានដាក់ពង្រាយខុសច្បាប់លើទឹកដីកម្ពុជាចេញវិញ ។
ធានាការប្រគល់ទ្រព្យសម្បត្តិ និងស្រែចម្ការរបស់ពលរដ្ឋខ្មែរទាំងអស់ដែលត្រូវបានភាគីថៃរំលោភយក ។ ជំរុញឱ្យភាគីថៃ គោរពកិច្ចព្រមព្រៀង ឈប់បាញ់ និងព្រមព្រៀង១៣ចំណុចនៃកិច្ចប្រជុំ GBC ។
បង្កើតក្រុមការងារចំពោះកិច្ចក្នុងការស៊ើបអង្កេត និងស្វែងរកអ្នកទទួលខុសត្រូវ និងអ្នកពាក់ព័ន្ធចំពោះអំពើរំលោ.ភបំពាននេះ ។
គណៈកម្មការសិទ្ធិមនុស្សកម្ពុជា ក៏បានស្នើឲ្យមានការជំរុញឱ្យភាគីថៃដោះលែងកងទ័ពកម្ពុជាទាំង១៨ ជាបន្ទាន់ និងឥតលក្ខខណ្ឌផងដែរ ៕
ចែករំលែកព័តមាននេះ