ខេត្តព្រហវិហារ ៖ តាមសេចក្ដីរាយការណ៍ព័ត៌មាន នៅព្រឹកថ្ងៃ១៥ សីហា ២០២៥ បានឱ្យដឹងថា វីរកងទ័ពកម្ពុជាដែលកំពុងឈរជើងនៅជាំតែ បានធ្វើការរុះរើរបងលួសបន្លាដែលទាហានឈុតខ្មៅសៀមបានរាយកាលពី២ថ្ងៃមុន តែឥឡូវនេះ…
ខេត្តព្រហវិហារ ៖ តាមសេចក្ដីរាយការណ៍ព័ត៌មាន នៅព្រឹកថ្ងៃ១៥ សីហា ២០២៥ បានឱ្យដឹងថា វីរកងទ័ពកម្ពុជាដែលកំពុងឈរជើងនៅជាំតែ បានធ្វើការរុះរើរបងលួសបន្លាដែលទាហានឈុតខ្មៅសៀមបានរាយកាលពី២ថ្ងៃមុន តែឥឡូវនេះ កងទ័ពកម្ពុជាបានទម្លាក់ទង់ជាតិថៃវិញ ហើយបានធ្វើការគ្រប់គ្រងផ្ទះតាម៉ុកឡើងវិញ ។
ការរាយលួសបន្លាចូលក្នុងតំបនជាំតែ ជាការរំលោភបំពានពីសំណាក់ទាហានសៀមមកលើអធិបតេយ្យភាពកម្ពុជា ព្រោះតំបន់នេះ មានភាពជាក់ស្ដែងណាស់ថា ជាទឹកដីកម្ពុជា មិនមែនជាទឹកដីសៀមឡើយ ជាក់ស្ដែង ផ្ទះតាម៉ុកដែលត្រូវបានជាកន្លែងទេសចរណ៍ប្រវត្តិសាស្ត្រមួយ ។
ផ្ទះតាម៉ុកក្នុងតំបន់ជាំតែ នៅជាប់ព្រំដែនកម្ពុជា-ថៃ ដែលបានប្រែក្លាយជាតំបន់ប្រវត្តិសាស្ត្រទេសចរណ៍ និងមានសក្តានុពលសម្រាប់សិក្សាស្រាវជ្រាវ ។ ផ្ទះតាម៉ុកអតីតកាលក្នុងសង្គ្រាមស៊ីវិលនាទសវត្សទី៨០ នៅតំបន់ជាំតែ ជាទីតាំងបញ្ជាទ័ពរបស់តាម៉ុក ដែលនៅទីនោះ មានផ្ទះពេទ្យលេណដ្ឋានបញ្ជា ឃ្លាំងចាស់ អាងទឹក និងអណ្ដូងទឹក ។
ផ្ទះតាម៉ុកមានទីតាំងស្ថិតនៅភូមិតេជោបុស្សស្បូវ ឃុំស្រអែម ស្រុកជាំក្សាន្ត ខេត្តព្រះវិហារ ដែលសង់អំពីឈើក្រោមធ្វើអំពីបេតុង និងសសរជាឈើគ្រញូង ។ មន្ត្រីយោធាតំបន់ប្រតិបត្តិការសឹករងខេត្តព្រះវិហារបញ្ជាក់ថា «តាមការសិក្សាស្រាវជ្រាវនាឆ្នាំ១៩៩៣ ផ្ទះតាម៉ុក ត្រូវបានគ្រប់គ្រងដោយខ្មែរក្រហមយកទៅកាន់កាប់ តែនៅក្រោយមានការចរចាគ្នាឆ្នាំ១៩៩៨ ទើបបានយកមកកាន់កាប់វិញ» ។
ភ្ញៀវទេសចរភាគច្រើនមិនបានដឹងអំពីប្រវត្តិដើមទងផ្ទះតាម៉ុកឡើយ ដោយភាគច្រើនស្គាល់តែផ្ទះតាម៉ុកនៅស្រុកអន្លង់វែង ខេត្តឧត្តរមានជ័យប៉ុណ្ណោះ ។ បច្ចុប្បន្ន ផ្ទះតាម៉ុកនាតំបន់ជាំតែ ត្រូវបានគ្រប់គ្រងដោយកងទ័ពកម្ពុជា ហើយទីតាំងនេះជាព្រំដែនកម្ពុជា-ថៃ ៕
ចែករំលែកព័តមាននេះ