រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាចាប់ឃាត់ខ្លួន បន្ទាប់ពីធ្វើសកម្មភាពលួចបូមសាំងពីរ៉ឺម៉កម៉ូតូទុកមុខផ្ទះ ចំណែកជនសង្ស័យម្នាក់ទៀតរត់គេចខ្លួនបាត់ ។ ហេតុការណ៍ខាងលើនេះបង្កឲ្យមានការភ្ញាក់ផ្អើលនៅវេលាម៉ោង៤និង១៥នាទីទៀបភ្លឺថ្ងៃទី១៨ ខែកក្កដា ឆ្នាំ២០២៥ ក្នុងសង្កាត់ចោមចៅ២…
រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាចាប់ឃាត់ខ្លួន បន្ទាប់ពីធ្វើសកម្មភាពលួចបូមសាំងពីរ៉ឺម៉កម៉ូតូទុកមុខផ្ទះ ចំណែកជនសង្ស័យម្នាក់ទៀតរត់គេចខ្លួនបាត់ ។
ហេតុការណ៍ខាងលើនេះបង្កឲ្យមានការភ្ញាក់ផ្អើលនៅវេលាម៉ោង៤និង១៥នាទីទៀបភ្លឺថ្ងៃទី១៨ ខែកក្កដា ឆ្នាំ២០២៥ ក្នុងសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យម្នាក់ដែលឃាត់ខ្លួនបានឈ្មោះ ទុយ អំរិន ភេទប្រុស អាយុ១៥ឆ្នាំ មុខរបរនៅផ្ទះ រស់នៅម្តុំថ្មគោល២ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ។ ម៉ូតូដែលជិះធ្វើសកម្មភាពម៉ាកស៊ុយស៊ីគីនិច ពណ៌ស ពាក់ស្លាកលេខភ្នំពេញ1KL-7957 ។
តាមការបញ្ជាក់ពីប្រជាពលរដ្ឋបានឲ្យដឹងថា នៅមុនពេលកើតហេតុ ខណៈម្ចាស់រ៉ឺម៉កម៉ូតូបើកទ្វារចេញពីក្នុងផ្ទះមករៀបចំយករ៉ឺម៉កម៉ូតូទៅដឹកផ្លែឈើលក់ដូរដូចសព្វដង ស្រាប់តែឃើញជនសង្ស័យមានគ្នា២នាក់កំពុងតែធ្វើសកម្មភាពលួចបង្ហូរសាំងចេញពីម៉ូតូសណ្ដោងរ៉ឺម៉កយកមកដាក់និងម៉ូតូរបស់ពួកគេ ។ បន្ទាប់ពីឃើញបែបនេះ ប្រជពលរដ្ឋបានស្រែកចោរៗ បង្កការភ្ញាក់ផ្អើលដល់អ្នកជិតខាងឮ នាំគ្នាចេញមកព្រោងព្រាត និងនាំគ្នាស្ទាក់ឃាត់ខ្លួនបានម្នាក់ ចំណែកម្នាក់ទៀតបានរត់គេចខ្លួនរួចទៅបាត់។
តាមប្រភពដដែលបានបន្តទៀតថា កន្លងមកតែងតែបាត់របស់របរដូចជាផ្លែឈើនិងបាត់រ៉ឺម៉កអស់ចំនួន២គ្រឿង ដោយរកមុខជនសង្ស័យទាំងនោះពុំឃើញឡើយ ចៃដន្យថ្ងៃនេះទើបឃាត់បានចាប់ចងដៃមកក្រោយតែម្ដង រួចទាក់ទងប្ដឹងទៅសមត្ថកិច្ចមូលដ្ឋានអោយមកយកជនសង្ស័យរូបនេះ ។
ក្រោយពេលកើតហេតុ ប្រជាពលរដ្ឋសម្រេចចិត្តដឹកយកជនសង្ស័យខាងលើទៅប្រគល់ជូនសមត្ថកិច្ចដល់ប៉ុស្តិ៍តែម្ដង ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ