ទីភ្នាក់ងារព័ត៌មានអ៊ីរ៉ង់ MEHR រាយការណ៍កាលពីថ្ងៃទី១០ កក្កដា ថា មេបញ្ជាការកងទ័ពអាកាសរបស់កងឆ្មាំបដិវត្តន៍អ៊ីរ៉ង់ឧត្តមសេនីយ៍អាមៀរ អាលី ហាជីហ្សាដេ បានអំពាវនាវឱ្យដកបណ្តានាវាចម្បាំងបរទេសចេញពីឈូងសមុទ្រពែរ្ស៍ដោយគូសបញ្ជាក់ថា ពេលវេលានៃការចាកចេញរបស់នាវាទាំងនេះមកដល់ហើយ។
មេបញ្ជាការអ៊ីរ៉ង់រូបនេះថ្លែងថា បណ្តាប្រទេសក្នុងតំបន់ពុំត្រូវការវត្តមានកងទ័ពបរទេសក្នុងតំបន់ឈូងសមុទ្រនេះឡើយ ដោយអះអាងថា បណ្តាប្រទេសទាំងនេះអាចការពារដោយខ្លួនឯងនូវសន្តិសុខ និងស្ថេរភាពក្នុងតំបន់បានហើយ។
ប្រដាប់ដោយមីស៊ីលអាចបាញ់ចម្ងាយរហូតដល់២.០០០គីឡូម៉ែត្រ អ៊ីរ៉ង់ពុំមានបំណងផលិតមីស៊ីលទាំងឡាយដែលបាញ់បានឆ្ងាយជាងនេះទៀតឡើយដោយអះអាងថា បណ្តាសត្រូវរបស់ខ្លួនបច្ចុប្បន្នអាចបាញ់មីស៊ីលទាំងនេះទៅដល់ហើយ ។ នាពេលថ្មីៗនេះសាធារណរដ្ឋអ៊ិស្លាមអ៊ីរ៉ង់បានធ្វើសមយុទ្ធបាញ់សាកល្បងមីស៊ីលមួយដែលមានរយៈពេល១០ថ្ងៃ ៕
ចែករំលែកព័តមាននេះ