ខេត្តកំពង់ស្ពឺ ៖ ជនបរទេសប្រមាណ៦៣នាក់ ក្នុងនោះ មានស្រីចំនួន៤នាក់ ត្រូវបាន សមត្ថកិច្ចខេត្តកំពង់ស្ពឺ ឆ្មក់បង្ក្រាបការឆបោកតាមប្រព័ន្ធបច្ចេកវិទ្យា កាលពីយប់ថ្ងៃទី១៦ ខែកក្កដា…
ខេត្តកំពង់ស្ពឺ ៖ ជនបរទេសប្រមាណ៦៣នាក់ ក្នុងនោះ មានស្រីចំនួន៤នាក់ ត្រូវបាន សមត្ថកិច្ចខេត្តកំពង់ស្ពឺ ឆ្មក់បង្ក្រាបការឆបោកតាមប្រព័ន្ធបច្ចេកវិទ្យា កាលពីយប់ថ្ងៃទី១៦ ខែកក្កដា ឆ្នាំ២០២៥ ។
ក្នុងប្រតិបត្តិការបង្ក្រាបការឆបោកតាមប្រព័ន្ធបច្ចេកវិទ្យា គណៈបញ្ជាការឯកភាពខេត្តកំពង់ស្ពឺ បានធ្វើការដឹកនាំសមត្ថកិច្ច កងកម្លាំង និងអាជ្ញាធរពាក់ព័ន្ធក្នុងខេត្ត បានចុះបង្ក្រាបទីតាំងសង្ស័យថា មានការលួចលាក់បង្កប់បទល្មើស Online Scams នៅទីតាំងផ្ទះសំណាក់១កន្លែង ដែលមានអគារចំនួន៩ ក្នុងភូមិជៃតាកួន ឃុំរកាកោះ ស្រុកគងពិសី ដោយបានរកឃើញជនជាតិបរទេសដែលភាគច្រើនជាជនជាតិចិន សរុបចំនួន ៦៣នាក់ ក្នុងនោះមានស្ត្រីចំនួន៤នាក់ ។
ក្រោយឃាត់ក្រុមជនសង្ស័យខាងលើ សមត្ថកិច្ចបានធ្វើការដកហូតសម្ភារវត្ថុតាងរួមមាន÷ កំព្យូទ័រ, ទូរស័ព្ទ និងឧបករណ៍សម្រាប់បម្រើឱ្យការធ្វើសកម្មភាព ឆបោកតាមអនឡាញមួយចំនួនទៀតផងដែរ។
បច្ចុប្បន្ន ក្រុមជនសង្ស័យត្រូវបានឃាត់ខ្លួន រួមជាមួយនិងវត្ថុតាងទាំងអស់ ត្រូវបានប្រគល់ជូនស្នងការដ្ឋាននគរបាលខេត្តកំពង់ស្ពឺ ដើម្បីបន្តអនុវត្តនីតិវិធី ខណៈសមត្ថកិច្ចនឹងចាត់វិធានការ តាមផ្លូវច្បាប់ឱ្យតឹងរឹងបំផុតចំពោះមេក្លោងទាំងឡាយដែលជាប់ពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យានេះផងដែរ៕
ចែករំលែកព័តមាននេះ