ខេត្តបន្ទាយមានជ័យ ៖ មានសត្វគោញីនិងឈ្មោល១៧ក្បាលត្រូវបានឈ្មួញលួចនាំចូលពីប្រទេសថៃមកកម្ពុជាត្រូវបានមន្ត្រីចម្រុះឃាត់ទុកនៅថ្ងៃទី១៥ ខែកក្កដា ឆ្នាំ២០២៥ស្ថិតភូមិសន្តិភាព ឃុំទួលពង្រ ស្រុកម៉ាឡៃ។ លោក ហ៊ុយ តូច…
ខេត្តបន្ទាយមានជ័យ ៖ មានសត្វគោញីនិងឈ្មោល១៧ក្បាលត្រូវបានឈ្មួញលួចនាំចូលពីប្រទេសថៃមកកម្ពុជាត្រូវបានមន្ត្រីចម្រុះឃាត់ទុកនៅថ្ងៃទី១៥ ខែកក្កដា ឆ្នាំ២០២៥ស្ថិតភូមិសន្តិភាព ឃុំទួលពង្រ ស្រុកម៉ាឡៃ។
លោក ហ៊ុយ តូច ប្រធានការិយាល័យផលិតកម្មនិងបសុព្យាបាលខេត្តបន្ទាយមានជ័យបានប្រាប់ថា៖ក្រោយទទួលបទបញ្ជាយ៉ាងម៉ឺងម៉ាត់បីរាជរដ្ឋាភិបាលកម្ពុជាហាមផ្តាច់មិនអោយនាំទំនិញនិងសាច់ផលិតផលៗនិងបន្លែផ្លែឈើគ្រប់ប្រភេទមិនអោយនាំចូលពីប្រទេសថៃ ហើយមន្ត្រីជំនាញបានសហការជាមួយអាជ្ញាធរស្រុកម៉ាឡៃ បានឃាត់គោញីនិងឈ្មោលចំនួន១៧ក្បាលដែលឈ្មួញលួចលាក់នាំចូលឆ្លងដែនពីប្រទេសថៃចូលមកកម្ពុជាដោយខុសច្បាប់។
លោកបានបញ្ជាក់ថា៖ក្រោយមន្ត្រីចម្រុះឃាត់ចំនួន១៧ក្បាលដោយខុសច្បាប់ហើយម្ចាស់រឺឈ្មួញត្រូវបានគេចខ្លួនអស់បន្សល់ទុកតែគោត្រូវបានយកមករក្សាទុកនៅការិយាល័យផលិតកម្មនិងបសុព្យាបាលខេត្តបន្ទាយមានជ័យ និងស្រាវជ្រាវរកចាប់ឈ្មួញរឺម្ចាស់គោដើម្បីចាត់ការតាមច្បាប់ដែលថ្លើមធំហ៊ាននាំសត្វពីថៃចូលមកកម្ពុជាដោយខុសច្បាប់។
លោក ហ៊ុយ ទូច បានបញ្ជាក់ថា៖មន្ត្រីជំនាញនិងសហការជាមួយអាជ្ញាធរនិងកងកម្លាំងដែលកំពុងឈរជើងតាមបន្ទាត់ព្រំដែនត្រូវចូលរួមទប់ស្កាត់សត្វគោនិងសាច់ផលិតផលត្រូវបានហាមឃាត់មិនអោយនាំចូលមកកម្ពុជាហើយត្រូវពង្រឹងការទប់ស្កាត់មិនអោយនាំចូលមកកម្ពុជាឡើយ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ