ខេត្តបន្ទាយមានជ័យ ៖ ពលរដ្ឋថៃប្រុស/ស្រីប្រមាណ៦នាក់បានលួចឆ្លងអូរព្រំដែនចូលមកទឹកដីកម្ពុជា ត្រូវបានកម្លាំងល្បាតប្រទៈឃើញដេញចូលដីថៃវិញ នៅយប់ថ្ងៃទី១៥ ខែកក្កដា ឆ្នាំ២០២៥ នៅចំណុចភូមិថ្មី ឃុំអូរស្រឡៅ ស្រុកម៉ាឡៃ…
ខេត្តបន្ទាយមានជ័យ ៖ ពលរដ្ឋថៃប្រុស/ស្រីប្រមាណ៦នាក់បានលួចឆ្លងអូរព្រំដែនចូលមកទឹកដីកម្ពុជា ត្រូវបានកម្លាំងល្បាតប្រទៈឃើញដេញចូលដីថៃវិញ នៅយប់ថ្ងៃទី១៥ ខែកក្កដា ឆ្នាំ២០២៥ នៅចំណុចភូមិថ្មី ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ។
លោកវរៈសេនីយ៍ឯក សួង សៅ មេបញ្ជាការនគរបាលវរៈការពារព្រំដែនគោកលេខ៨១៥បានឱ្យដឹងថា នៅពេលកម្លាំងនគរបាលវរៈការពារព្រំដែនគោកលេខ៨១៥ បានសហការជាមួយកម្លាំងយោធាតំបន់ប្រតិបត្តិការសឹករងស្រុកម៉ាឡៃ ចេញល្បាតតាមបន្ទាត់ព្រំដែនហើយប្រទះឃើញពលរដ្ឋថៃមានប្រុស/ស្រីចំនួន៦នាក់បានឆ្លងអូរព្រំដែនចូលមកកម្ពុជាត្រូវបានដេញអោយត្រឡប់ចូលទឹកដីថៃវិញទាំងកណ្តាលយប់។
លោកបានបញ្ជាក់ថា រយៈពេលកន្លងថ្មីៗនេះកម្លាំងចម្រុះបានចេញល្បាតប្រទៈឃើញជនជាតិថៃនិងភូមាបានលួចឆ្លងកាត់ព្រៃចូលមកទឹកដីកម្ពុជាត្រូវបានកម្លាំងប្រទៈឃើញហើយបានដេញអោយត្រឡប់ចូលទឹកដីថៃវិញព្រោះអំពើរខុសច្បាប់ដែលលួចឆ្លងដែន ហើយធ្លាប់មានជនជាតិថៃដែលបម្រុងលួចចេញពីទឹកដីកម្ពុជាទៅថៃដោយល្មើសច្បាប់ត្រូវបានកម្លាំងចម្រុះឃាត់បានប្រគល់ជូនកម្លាំងជំនាញអនុវត្តន៍ច្បាប់លួចឆ្លងដែនដោយខុសច្បាប់។
លោកវរៈសេនីយ៍ឯក សួង សៅ បានបញ្ជាក់ថា ជាការណែនាំពីឯកឧត្តម អ៊ុំ រាត្រី អភិបាលខេត្តនិងជាប្រធានគណៈបញ្ជាការឯកភាពខេត្តបន្ទាយមានជ័យនិងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានណែនាំដល់កម្លាំងជំនាញត្រូវយកចិត្តទុកដាក់ការពារបូរណភាពទឹកនិងមាតុភូមិកម្ពុជា និងទប់ស្កាត់ពលរដ្ឋលួចឆ្លងដែនដោយខុសច្បាប់និងទប់ស្កាត់បទល្មើសលួចឆ្លងដែននិងទំនិញសត្វពាហណៈដែលត្រូវបានហាមឃាត់មិនអោយនាំចូលពីប្រទេសជិតខាងដាច់ខាត់ទប់ស្កាត់អោយខានតែបាន ៕
ចែករំលែកព័តមាននេះ