ខេត្តបាត់ដំបង ៖ អ្នកបើកកាណូតម្នាក់រើសបានគ្រាប់CkC ឡង់ ហើយយកទៅឲ្យជាងជួសជុលម៉ាស៊ីនកែច្នៃធ្វើបំពង់ស៊ីម៉ាំងបំពាក់ម៉ាស៊ីនកាណូតរបស់ខ្លួន តែចៃដន្យគ្រាប់បានផ្ទុះលាន់កក្រើក បណ្ដាលឲ្យរងរបួសធ្ងន់ ទាំងជាងច្នៃគ្រាប់ ទាំងម្ចាស់កាណូត កាលពីវេលាម៉ោង៥និង៣០នាទីល្ងាចថ្ងៃទី…
ខេត្តបាត់ដំបង ៖ អ្នកបើកកាណូតម្នាក់រើសបានគ្រាប់CkC ឡង់ ហើយយកទៅឲ្យជាងជួសជុលម៉ាស៊ីនកែច្នៃធ្វើបំពង់ស៊ីម៉ាំងបំពាក់ម៉ាស៊ីនកាណូតរបស់ខ្លួន តែចៃដន្យគ្រាប់បានផ្ទុះលាន់កក្រើក បណ្ដាលឲ្យរងរបួសធ្ងន់ ទាំងជាងច្នៃគ្រាប់ ទាំងម្ចាស់កាណូត កាលពីវេលាម៉ោង៥និង៣០នាទីល្ងាចថ្ងៃទី ១៤ កក្កដា នៅចំណុចរាំងត្បាល់ ភូមិបាក់ព្រា ឃុំព្រៃចាស់ ស្រុកឯកភ្នំ ។
របាយការណ៍បានឲ្យដឹងថា ជនរពឹសដៃច្នៃគ្រាប់ទាំង០២នាក់ ម្នាក់ឈ្មោះ យ៉ា រ៉ានី ភេទប្រុស អាយុ៣៧ឆ្នាំ មុខរបរជាងជួសជុលម៉ាស៊ីន (អ្នកច្នៃគ្រាប់) និងឈ្មោះ ផាន សុភ័ក្រ ភេទប្រុស អាយុ៣២ឆ្នាំ អ្នករើសគ្រាប់ឡង់យកកឲ្យជាងច្នៃធ្វើស៊ីម៉ាំងកាណូត ពួកគេរងរបួសធ្ងន់ទាំង០២នាក់ ។
ប្រភពពីសមត្ថកិច្ចបានឲ្យដឹងដែរថា ឈ្មោះ សុភ័ក្រ ជាអ្នកប្រើប្រាស់កាណូត ហើយមិនរើសបានគ្រប់ CkC ឡង់ ពីណាមកទេ ។ សមត្ថកិច្ចបានប្រាប់ថា ក្រោយរើសបានគ្រាប់ ក៏មានគំនិតយកទៅឲ្យជាងជួសជុលម៉ាស៊ីន ដើម្បីកែច្នៃធ្វើបំពង់ស៊ីម៉ាំង បំពាក់ម៉ាស៊ីនកាណូតរបស់ខ្លួន ។ ជាងម៉ាស៊ីនក៏យកគ្រាប់នោះទៅកែច្នៃខុសបច្ចេកទេសក៏ផ្ទុះលាន់កក្រើក បណ្ដាលឲ្យជាងច្នៃ និងម្ចាស់គ្រាប់រងរបួសទាំង០២នាក់ជាទម្ងន់ ហើយត្រូវក្រុមគ្រួសារបញ្ជូនភ្លាមៗ ទៅកាន់មន្ទីរពេទ្យបង្អែកខេត្ត ដើម្បីសង្គ្រោះបន្ទាន់ ។
ទង្វើរបស់បុរសទាំង០២នាក់ខាងនេះ បង្ហាញពីភាពខ្វះការយល់ដឹង ពីគ្រោះថ្នាក់ដោយសារគ្រប់មិនទាន់ផ្ទុះគ្រប់បរភេទ ។ ដូច្នេះ សូមបងប្អូនប្រជាពលរដ្ឋ កុំយកតម្រាប់តាមជាងម៉ាស៊ីន និងអ្នករើសគ្រាប់យកទៅច្នៃខាងលើនេះ ព្រោះប្រឈមនឹងគ្រោះបំផុត។
ផ្ទុយទៅវិញ បើបងប្អូនប្រទះឃើញគ្រាប់យុទ្ធភណ្ឌគ្រប់ប្រភេទ ត្រូវរាយការណ៍ទៅអាជ្ញាធរមានសមត្ថកិច្ច ដើម្បីចុះត្រូតពិនិត្យ និងចាត់វិធានការ៕
ចែករំលែកព័តមាននេះ