ខេត្តកំពង់ចាម ៖ រថយន្ត២គ្រឿង បានពន្លះគ្នានៅលើដងផ្លូវ លាន់ដូចរន្ទះ បង្កឱ្យមានការភ្ញាក់ផ្អើលកាលពីថ្ងៃទី១១ ខែកក្តដា ឆ្នាំ២០២៥ វេលាម៉ោង៤និង១០នាទីរសៀល នៅលើផ្លូវក្រាលកៅស៊ូថ្មី…
ខេត្តកំពង់ចាម ៖ រថយន្ត២គ្រឿង បានពន្លះគ្នានៅលើដងផ្លូវ លាន់ដូចរន្ទះ បង្កឱ្យមានការភ្ញាក់ផ្អើលកាលពីថ្ងៃទី១១ ខែកក្តដា ឆ្នាំ២០២៥ វេលាម៉ោង៤និង១០នាទីរសៀល នៅលើផ្លូវក្រាលកៅស៊ូថ្មី ស្ថិតក្នុងភូមិវាល ឃុំស្ពឺ ស្រុកចំការលើ បណ្ដាលឱ្យស្លា.ប់ភ្លាមៗនៅកន្លែងកើតហេតុចំនួន៣នាក់ និងរងរបួសធ្ងន់-ស្រាលចំនួន៧នាក់ ត្រូវបានគេបញ្ជូនទៅសង្គ្រោះនៅមន្ទីរពេទ្យភ្លាមៗផងដែរ។
បើតាមសមត្ថកិច្ចមូលដ្ឋាន បានប្រាប់ឲ្យដឹងថា មុនពេលកើតហេតុ រថយន្តម៉ាក Tundra ពណ៍ស ពាក់ស្លាកលេខ ភ្នំពេញ 2AQ-5318 បើកបរឈ្មោះ សុផល វិមាន ភេទប្រុស អាយុ២៤ឆ្នាំ (របួសធ្ងន់) និងអ្នករួមដំណើរ៣នាក់ទៀត ដោយ១- ឈ្មោះ ឈី នរិន្ត ភេទប្រុស អាយុ៣១ឆ្នាំ (របួសស្រាល), ២-ឈ្មោះ វិឆាយ តារ៉ារិទ្ធ ភេទប្រុស អាយុ២៦ឆ្នាំ (របួសស្រាល), ៣-ឈ្មោះ ជុត ប៊ុនឡុង ភេទប្រុស អាយុ២០ឆ្នាំ (របួសស្រាល) ទាំង៤នាក់ រស់នៅសង្កាត់ដង្កោ ខណ្ឌដង្កោ រាជធានីភ្នំពេញ បានធ្វើដំណើរតាមផ្លូវ១៩ ស្ថិតក្នុងភូមិប្រការ សង្កាត់ព្រៃស ខណ្ឌដង្កោ ភ្នំពេញ ក្នុងមានទិសដៅពីកើតទៅលិច (ផ្លូវបិទសិទ្ធ) ក៏បានបុ.កជាមួយរថយន្តមួយគ្រឿងទៀត ម៉ាក Toyota Prius ពណ៌ទឹកមាស ពាក់ស្លាកលេខ ភ្នំពេញ2AX-578 បើកបរដោយឈ្មោះ ឈាន ជីអូន ប្រុស អាយុ២៥ឆ្នាំ រស់នៅភូមិព្រែកភ្នៅ សង្កាត់ព្រែកភ្នៅ ខណ្ឌព្រែកភ្នៅ រាជធានីភ្នំពេញ និងអ្នករួមដំណើរ០៥នាក់។
សមត្ថកិច្ចបានបន្តឲ្យដឹងទៀតថា ចំពោះអ្នករួមដំណើរក្នុងរថយន្តព្រុស រួមមាន ១-ឈ្មោះ ព្រំ ប៊ុនជួប ភេទប្រុស អាយុ៦៥ឆ្នាំ (របួសធ្ងន់) រស់នៅភូមិព្រែកភ្នៅ សង្កាត់ព្រែកភ្នៅ ខណ្ឌព្រែកភ្នៅ រាជធានីភ្នំពេញ ។ ២-ឈ្មោះ រឿន ឌឿន ភេទប្រុស អាយុ៣៨ឆ្នាំ (ស្លា.ប់) , ៣-ឈ្មោះ ឆឹម សុខឃី ភេទប្រុស អាយុ៤៥ឆ្នាំ (ស្លា.ប់) រស់នៅរកាទី១ ឃុំរកាជន្លឹង ស្រុកខ្សាច់កណ្ដាល ខេត្តកណ្ដាល។ ៤- ឈ្មោះ ខាត់ ភឿន ភេទប្រុស អាយុ៦០ឆ្នាំ (របួសស្រាល) រស់នៅសង្កាត់សួង ក្រុងសួង ខេត្តត្បូងឃ្មុំ និង៥- ឈ្មោះ អឹម សារី ភេទប្រុស អាយុ៥៤ឆ្នាំ (ស្លា.ប់) រស់នៅភូមិថ្នល់បែកកើត ឃុំស្វាយទាប ស្រុកចំការលើ ខេត្តកំពង់ចាម ទិសដៅពីត្បូងទៅជើង ។
នៅក្នុងហេតុការណ៍ខាងលើនេះ ត្រូវបានកម្លាំងជំនាញចរាចរណ៍ស្រុកពិនិត្យឃើញថា មូលហេតុ គឺមកពីអ្នកបើកបររថយន្តម៉ាក Tundra ពណ៍ស បានប្រើប្រាស់ល្បឿនលឿន និងមិនគោរពសិទ្ធិអាទិភាពនៅចំណុចផ្លូវប្រសព្វឡើយ ទើបបណ្ដាលឱ្យបុ.កជាមួយរថយន្តព្រុស និងធ្វើឱ្យស្លា.ប់មនុស្សចំនួន០៣នាក់ និងរបួសធ្ងន់-ស្រាល០៧នាក់។ ព្រមទាំងខូចខាតរថយន្ត២គ្រឿង (កម្រិតធ្ងន់) ។
ក្រោយកើតហេតុ វត្ថុតាងរថយន្តទាំង០២គ្រឿង ត្រូវបានកម្លាំងជំនាញកំពុងចាត់ចែងយកមករក្សាទុកនៅអធិការដ្ឋាននគរបាលស្រុកចំការលើ ជាបណ្ដោះអាសន្ន ដើម្បីរង់ចាំដោះស្រាយតាមផ្លូវច្បាប់។
ចែករំលែកព័តមាននេះ