ខេត្តកំពង់ស្ពឺ ៖ ក្រុមជនសង្ស័យចំនួន០៣នាក់ ត្រូវបានកម្លាំងនគរបាលស្រុកសំរោងទង ធ្វើការឃាត់ខ្លួនបាន រួមជាមួយវត្ថុតាងគ្រឿ.ងញៀ.នចំនួន១០កញ្ចប់។ ករណីនេះកើតឡើងកាលពីនៅវេលាម៉ោង០១និង០៥នាទីរសៀល ថ្ងៃទី១១ ខែកក្កដា ឆ្នាំ២០២៥…
ខេត្តកំពង់ស្ពឺ ៖ ក្រុមជនសង្ស័យចំនួន០៣នាក់ ត្រូវបានកម្លាំងនគរបាលស្រុកសំរោងទង ធ្វើការឃាត់ខ្លួនបាន រួមជាមួយវត្ថុតាងគ្រឿ.ងញៀ.នចំនួន១០កញ្ចប់។ ករណីនេះកើតឡើងកាលពីនៅវេលាម៉ោង០១និង០៥នាទីរសៀល ថ្ងៃទី១១ ខែកក្កដា ឆ្នាំ២០២៥ នៅចំណុចភូមិព្រៃរំដួល ស្ថិតក្នុងឃុំសែនដី ស្រុកសំរោងទង ខេត្តកំពង់ស្ពឺ។
បើតាមលោក ឃុត សុផល អធិការនគរបាលស្រុកសំរោងទង បាននិយាយឱ្យដឹងថា ដោយអនុវត្តតាមបទបញ្ជាលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅវេលាម៉ោង០១និង០៥នាទីរសៀល ថ្ងៃទី១១ ខែកក្កដា នៅចំណុចភូមិព្រៃរំដួល ឃុំសែនដី ខេត្តកំពង់ស្ពឺនោះ កំលាំងនគរបាលទទួលបានព័ត៌មានពីប្រជាពលរដ្ឋល្អ បានរាយការណ៍អំពីមុខសញ្ញាគ្រឿ.ងញៀ.ន ពាក់ព័ន្ធករណីជួញដូរដោយខុសច្បាប់នូវសារធាតុញៀ.នជាប្រចាំ បន្ទាប់មកកំលាំងបានធ្វើការស្រាវជ្រាវ និងឃាត់ជនសង្ស័យចំនួន៣នាក់។
លោកអធិការនគរបាលស្រុកសំរោងទង បានបន្តថា ក្រុមជនសង្ស័យដែលនគរបាលឃាត់ខ្លួនបានខាងលើនេះ រួមមាន ៖ ១- ឈ្មោះ យ៉ុង ចិត្ត ភេទប្រុស អាយុ៣១ឆ្នាំ រស់នៅភូមិព្រៃរំដួល ឃុំសែនដី ដកហូតម្សៅក្រាមពណ៌សថ្លា ដោយសង្ស័យថា ជាគ្រឿ.ងញៀន.ចំនួន៣កញ្ចប់ (មធ្យម១កញ្ចប់ និងតូច ២កញ្ចប់) ទូរស័ព្ទដៃ១គ្រឿង និងម៉ូតូ១គ្រឿងផងដែរ ។
បើយោងតាមចម្លើយសារភាពរបស់ឈ្មោះ យ៉ុង ចិត្ត ខាងលើ សមត្ថកិច្ចនគរបាល បានបន្តឃាត់ជនសង្ស័យឈ្មោះ ឆេង ចាន់ណា ហៅរស្មី អាយុ៣៩ឆ្នាំ នៅចំណុចភូមិស្រែត្រោក ឃុំសែនដី ព្រមទាំងដកហូតសារធាតុសង្ស័យគ្រឿ.ងញៀ.នចំនួន៤កញ្ចប់ (មធ្យម១កញ្ចប់, តូច៣កញ្ចប់), ទូរស័ព្ទដៃ១គ្រឿង ។ បន្ទាប់មក សមត្ថកិច្ចបន្ដឃាត់បានសង្ស័យម្នាក់ទៀតមានឈ្មោះ គុជ ជីវ័ន្ត ហៅពៅ អាយុ៣៥ឆ្នាំ នៅចំណុចភូមិអង្គមេត្រី ឃុំរលាំងគ្រើល ហើយដកហូតសារធាតុសង្ស័យគ្រឿ.ងញៀ.នចំនួន៣កញ្ចប់មធ្យម, ទូរស័ព្ទដៃចំនួន០២គ្រឿង និងជញ្ជីងអេឡិចត្រូនិចសម្រាប់ថ្លឹងគ្រឿ.ងញៀ.ន១គ្រឿងផងដែរ។
លោក ឃុត សុផល អធិការនគរបាលស្រុកសំរោងទង បានបញ្ជាក់ឱ្យដឹងទៀតថា ប្រតិបត្តិការខាងលើនេះ សមត្ថកិច្ចឃាត់បានមុខសញ្ញាចំនួន៣នាក់, ម្សៅក្រាមពណ៌សថ្លា សង្ស័យជាគ្រឿ.ងញៀ.នចំនួន១០កញ្ចប់ (មធ្យម៥កញ្ចប់ ,តូច៥កញ្ចប់), ទូរស័ព្ទដៃចំនួន៤គ្រឿង, ម៉ូតូ១គ្រឿង និងជញ្ជីងអេឡិចត្រូនិចសម្រាប់ថ្លឹងគ្រឿ.ងញៀ.ន០១គ្រឿង។ ក្រោយឃាត់ខ្លួន ជនសង្ស័យទាំងអស់ត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសួរនាំ និងកសាងសំណុំរឿង បញ្ជូនបន្តទៅការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺ ដើម្បីមានចំណាត់ការបន្តតាមផ្លូវច្បាប់៕
ចែករំលែកព័តមាននេះ