គ្រាន់តែឃើញផ្លែម្ជូរស្រស់ៗ ជ្រលក់ជាមួយទឹកកាពិហិរៗ ឬប្រឡាក់អំបិលម្ទេសជូរអែមក៏ស្រក់ទឹកមាត់ដែរ! ជាពិសេសសុភាពនារីតែម្តង គឺមិនងាយនឹងបដិសេធម្ជូរបានឡើយ។ តែចាំបន្តិច! ទោះបីម្ជូរមានរសជាតិឆ្ងាញ់ជាប់ចិត្តយ៉ាងណា ក៏ការញ៉ាំច្រើនហួសហេតុអាចបង្កបញ្ហាដល់សុខភាពយើងបានដែរ។ បើអ្នកជាអ្នកញ៉ាំម្ជូរជើងឯក សូមមកដឹងពីគុណវិបត្តិដែលអាចនឹងកើតឡើងទាំងអស់គ្នា៖…
គ្រាន់តែឃើញផ្លែម្ជូរស្រស់ៗ ជ្រលក់ជាមួយទឹកកាពិហិរៗ ឬប្រឡាក់អំបិលម្ទេសជូរអែមក៏ស្រក់ទឹកមាត់ដែរ! ជាពិសេសសុភាពនារីតែម្តង គឺមិនងាយនឹងបដិសេធម្ជូរបានឡើយ។ តែចាំបន្តិច! ទោះបីម្ជូរមានរសជាតិឆ្ងាញ់ជាប់ចិត្តយ៉ាងណា ក៏ការញ៉ាំច្រើនហួសហេតុអាចបង្កបញ្ហាដល់សុខភាពយើងបានដែរ។ បើអ្នកជាអ្នកញ៉ាំម្ជូរជើងឯក សូមមកដឹងពីគុណវិបត្តិដែលអាចនឹងកើតឡើងទាំងអស់គ្នា៖
១. ធ្មេញពុកផុយ ឈឺរហូតដល់ញ៉ាំអីក៏មិនកើត!
តើអ្នកដឹងទេថា ម្ជូរភាគច្រើនមានជាតិអាស៊ីតខ្ពស់? ជាតិអាស៊ីតនេះហើយជាមេខ្លោងបំផ្លាញស្រទាប់ការពារធ្មេញរបស់យើងបន្តិចម្តងៗ រហូតដល់ធ្មេញស្តើង ពុកផុយ និងងាយប្រហោង។ បើញ៉ាំម្ជូរច្រើនពេក មិនយូរមិនឆាប់អ្នកនឹងពិបាកញ៉ាំអាហារក្តៅត្រជាក់ ឬអាចឈឺធ្មេញរហូតដេកមិនលក់ក៏ថាបាន!
២. ក្រពះរើឡើង ចុកឆ្អល់ដេកដួល!
សម្រាប់អ្នកដែលមានបញ្ហាក្រពះរុំារ៉ៃ ឬក្រពះខ្សោយស្រាប់ ការញ៉ាំម្ជូរគឺដូចជាចាក់សាំងបន្ថែមភ្លើងអ៊ីចឹង! ជាតិអាស៊ីតក្នុងម្ជូរនឹងធ្វើឲ្យអាការៈចុកឆ្អល់ ក្រហាយទ្រូង និងរាគរូសកាន់តែធ្ងន់ធ្ងរ។ មិនតែប៉ុណ្ណោះ វាអាចបង្កជាដំបៅក្រពះថែមទៀត ដែលធ្វើឲ្យអ្នកត្រូវចំណាយលុយព្យាបាលមិនខុសពីបាយផង។
៣. ស្បែកស្រអាប់ បាត់បង់សំណើម ហើយមុខឡើងហើមដូចគេទះ!
ទោះបីម្ជូរខ្លះមានវីតាមីន C ក៏ដោយ តែបើញ៉ាំច្រើនពេក ជាពិសេសម្ជូរដែលមានជ្រលក់ពណ៌ ឬដាក់ម្សៅស៊ុបច្រើន អាចធ្វើឲ្យស្បែកអ្នកបាត់បង់សំណើម ស្រអាប់មិនភ្លឺថ្លា ហើយថែមទាំងអាចឡើងមុនទៀតផង។ កុំភ្លេចថា ជាតិប្រៃក្នុងទឹកជ្រលក់ក៏អាចធ្វើឲ្យមុខនិងខ្លួនអ្នកហើមដូចគេទះដែរ!
៤. ជាតិស្ករឡើងខ្ពស់ ប្រយ័ត្នក្លាយជាអ្នកជំងឺទឹកនោមផ្អែម!
ម្ជូរមួយចំនួន ពិសេសម្ជូរកំប៉ុង ឬម្ជូរដែលគេប្រឡាក់ស្ករច្រើន គឺផ្ទុកជាតិស្ករខ្ពស់ណាស់។ ការញ៉ាំប្រភេទនេះញឹកញាប់ពេក គឺដូចជាចាក់ជាតិស្ករចូលខ្លួនឥតឈប់ឈរអីចឹង។ យូរៗទៅកម្រិតជាតិស្ករក្នុងឈាមនឹងកើនឡើងខ្ពស់ ដែលបង្កើនហានិភ័យនៃជំងឺទឹកនោមផ្អែម។
៥. តម្រងនោមធ្វើការធ្ងន់រហូតដល់ខូច!
ម្ជូរដែលមានជាតិប្រៃខ្ពស់ ឬមានសារធាតុគីមីសម្រាប់រក្សាទុកឲ្យបានយូរ នឹងធ្វើឲ្យតម្រងនោមរបស់អ្នកធ្វើការធ្ងន់ខ្លាំងដើម្បីច្រោះជាតិពុលចេញពីរាងកាយ។ បើអ្នកញ៉ាំម្ជូរប្រភេទនេះជាប្រចាំ អាចនឹងបង្កឲ្យមានបញ្ហាតម្រងនោមធ្ងន់ធ្ងរនៅថ្ងៃណាមួយជាមិនខាន៕
ចែករំលែកព័តមាននេះ