រាជធានីភ្នំពេញ ៖ មន្ទីរពេទ្យកាល់ម៉ែតបានប្រកាសជាសាធារណៈកាលពីថ្ងៃទី៧ ខែកក្កដានេះថា ជំងឺដាច់សរសៃឈាមខួរក្បាលដោយសម្ពាធឈាមខ្ពស់គ្រប់គ្រងមិនបានល្អ ។ មន្ទីរពេទ្យកាល់ម៉ែតបានបន្តថា ជំងឺប្រភេទនេះ គឺសំដៅការដាច់សរសៃឈា.មខួរក្បាល ដោយឯកឯង…
រាជធានីភ្នំពេញ ៖ មន្ទីរពេទ្យកាល់ម៉ែតបានប្រកាសជាសាធារណៈកាលពីថ្ងៃទី៧ ខែកក្កដានេះថា ជំងឺដាច់សរសៃឈាមខួរក្បាលដោយសម្ពាធឈាមខ្ពស់គ្រប់គ្រងមិនបានល្អ ។
មន្ទីរពេទ្យកាល់ម៉ែតបានបន្តថា ជំងឺប្រភេទនេះ គឺសំដៅការដាច់សរសៃឈា.មខួរក្បាល ដោយឯកឯង ដែលបណ្តាលមកពីសម្ពាធឈា.មឡើងខ្ពស់ភ្លាមៗគ្រប់គ្រងមិនបានល្អ ហើយដែលនាំអោយមានឈា.មកកនៅក្នុងខួរក្បាល ។
១.ផលវិបាកនៃការដាច់សរសៃឈា.មនេះធ្វើអោយ ៖
– អ្នកជំងឺមានពិការភាពដោយសារខ្វះឈាមទៅចិញ្ចឹមខួរក្បាលនៅជុំវិញតំបន់នោះ និងដោយការសង្កត់នៃដុំឈា.ម
– អាចបង្កគ្រោះថ្នាក់ដល់ជីវិតភ្លាមៗ ឬពេលវេលាណាមួយបើដុំឈា.មមានទំហំធំវាអាចធ្វើអោយមានការកើនឡើងនៃសម្ពាធក្នុងក្បាល។
២. រោគសញ្ញា៖
– ឈឺក្បាលខ្លាំង ភ្លាមៗ
– មានសភាពខ្សោយនៃការកំរើកសាច់ដុំ (ទន់មួយចំហៀងខ្លួន, ដៃ, ជើង ឬមុខ)
– វង្វេងស្មារតី ឬសន្ល.ប់
៣. មូលហេតុ៖
យើងជួបប្រទះភាគច្រើន គឺបណ្តាលមកពីជំងឺលើសឈា.ម (៦០-៧០%) គួបផ្សំនឹងកត្តាមួយចំនួនទៀតដូចជា៖
– ជំងឺទឹកនោមផ្អែម
– ការពិសាស្រា និងបារីច្រើន
៤. ការធ្វើរោគវិនិច្ឆ័យ៖
ដើម្បីបញ្ជាក់អោយដឹងថា លោកអ្នកមានជំងឺដាច់សរសៃឈា.មក្នុងខួរក្បាល ឬក៏អត់លោកអ្នកតម្រូវអោយធ្វើ CT Scan ខួរក្បាល ហើយវាអាចបញ្ជាក់ពីទីតាំង និងទំហំនៃដុំឈា.មកក ដើម្បីងាយស្រួលអោយគ្រូពេទ្យជ្រើសរើសវិធីសាស្ត្រព្យាបាល។
៥. ការព្យាបាល៖
ក) ការព្យាបាលដោយការប្រើថ្នាំ (មិនវះកាត់)៖
– គ្រប់គ្រងសម្ពាធឈា.មអោយបានត្រឹមត្រូវ និងតាមដានជាប់លាប់ជាប្រចាំ
– ការប្រើប្រាស់ថ្នាំបន្ថយការឈឺចាប់
– ការសម្រាក និងដាក់ក្បាលខ្ពស់៣០ដឺក្រេ។
ខ) ការព្យាបាលដោយការវះកាត់៖
គោលបំណងនៃការវះកាត់យកឈា.មចេញ គឺជាការបន្ថយសម្ពាធតឹងណែននៅក្នុងក្បាល ដើម្បីជួយជីវិតអ្នកជំងឺ។
យើងធ្វើការវះកាត់នៅពេលដែល៖
– ទំហំនៃដុំឈាមកក (លើសពី៣៥ សង់ទីម៉ែត្រគីប)
– អ្នកជំងឺថិតក្នុងសភាពសន្លប់ (GCS ៨-១២)
– ដុំឈាមនៅរាក់ប្រហែល ១សង់ទីម៉ែត្រ ពីឆ្អឹង ៕
ចែករំលែកព័តមាននេះ