តារាសម្តែងអ្នកនាង រឿន ណាត បានបញ្ជាក់ថា បច្ចុប្បន្ន នាងមើលឃើញពីទង្វើស្វាមីរបស់ខ្លួនកាន់តែល្អទៅ បន្ទាប់ពីបានរួមរស់នៅជាមួយគ្នាជាប្តីប្រពន្ធមួយរយៈពេលកន្លងមក ខណៈពេលដែលពួកនាងកំពុងសាងសុភមង្គលនៅលើទឹកដីអាមេរិក ។ ការលើកឡើងពីអតីតបេក្ខភាពបវរកញ្ញារូបនេះធ្វើឡើង…
តារាសម្តែងអ្នកនាង រឿន ណាត បានបញ្ជាក់ថា បច្ចុប្បន្ន នាងមើលឃើញពីទង្វើស្វាមីរបស់ខ្លួនកាន់តែល្អទៅ បន្ទាប់ពីបានរួមរស់នៅជាមួយគ្នាជាប្តីប្រពន្ធមួយរយៈពេលកន្លងមក ខណៈពេលដែលពួកនាងកំពុងសាងសុភមង្គលនៅលើទឹកដីអាមេរិក ។
ការលើកឡើងពីអតីតបេក្ខភាពបវរកញ្ញារូបនេះធ្វើឡើង ដើម្បីជម្នះនូវមតិពីមហាជនមួយចំនួនដែលថា ចំណងស្នេហ៍របស់ពួកនាងនឹងមិនបានយូរឡើយ ដ្បិតពួកនាងសុទ្ធតែស្ថិតក្នុងចង្កោមអ្នកសិល្បៈដូចគ្នា ។
រឿន ណាត បានរំលេចសំណេរខ្លីមួយនៅលើបណ្តាញសង្គមថា មានមតិជាច្រើននិយាយថាបានតែដំបូងទេ តែសម្រាប់ខ្ញុំគាត់កាន់តែល្អទៅៗនឹងកាន់តែស្រលាញ់គ្នាខ្លាំងទៅៗ ។ ក្រោយការលើកឡើងខាងលើនេះ គេឃើញមានមហាជន ជាពិសេស បណ្តាអ្នកគាំទ្ររឿន ណាត ជាច្រើន បានសម្តែងការគាំទ្រ និងលើកទឹកចិត្តឱ្យអ្នកទាំងពីរស្រឡាញ់គ្នាជារៀងរហូត ដោយកុំឱ្យចាប់អារម្មណ៍ពីសំដីអ្នកដទៃ ។
ជាងនេះទៅទៀត ក្រោយឃើញការបង្ហោះពី រឿន ណាត នាពេលនេះ គេក៏បានឃើញស្វាមីរបស់នាង គឺតារាសម្តែងលោក លី វេងហួរ ក៏បានចូលទៅធ្វើការខមមិនពីក្រោមដោយនិយាយខ្លីថា «ចំណងស្នេហ៍របស់ពួកគេគឺមានតែស្អិតល្មួតទៅៗ» ។
ដោយឡែក អ្វីកាន់តែពិសេសថែមទៀតនោះ រឿន ណាត ក៏បានអះអាងប្រាប់បណ្តាអ្នកគាំទ្រដែរថា នាង និងស្វាមីជិតមានដំណឹងល្អ គឺការទទួលបានកូនជាលើកដំបូង ក្នុងជីវិតជាប្តីប្រពន្ធរបស់ពួកគេអស់រយៈពេលប៉ុន្មានឆ្នាំមកនេះ ។
ដំណឹងពីការមានកូនលើកដំបូងរបស់ រឿន ណាត នាពេលនេះ គឺជាដំណឹងដ៏ល្អសម្រាប់នាង និងការចង់ឃើញពីអ្នកគាំទ្រ ខណៈពេលដែលចំណងដៃកូនដំបូងនាពេលនេះ នឹងធ្វើអោយចំណងស្នេហារបស់ពួកគេកាន់តែមានភាពរឹងមាំ ខុសពីការយល់ឃើញខាងលើពីមហាជនមួយចំនួន ។
គួរបញ្ជាក់ថា តារាសម្តែង រឿន ណាត និងតារាប្រុសលោក លី វេងហួរ បានសម្រេចរៀបចំពិធីមង្គលការ និងចុះអេតាស៊ីវិលជាប្តីប្រពន្ធលើទឹកដីសហរដ្ឋអាមេរិក កាលពីអំឡុងខែឧសភា ឆ្នាំ២០២៥ បន្ទាប់ពីនាងបានរៀបចំពិធីភ្ជាប់ពាក្យនៅស្រុកខ្មែរ កាលពីចុងឆ្នាំ២០២៤ ។
ក្រោយរៀបចំពិធីរៀបការតាមបែបបស្ចឹមប្រទេសនោះរួចមក តារាសម្តែង រឿន ណាត នៅពុំទាន់មានគម្រោងនឹងត្រឡប់មកប្រទេសកម្ពុជាវិញនៅពេលណាមួយនោះនៅឡើយ ដោយសារនាងត្រៀមខ្លួនយកសញ្ជាតិនៅទីនោះសិន បន្ទាប់ពីបានចុះអេតាស៊ីវិលទៅតាមផ្លូវច្បាប់ជាមួយស្វាមីលោកលាវ វេងហួរ ៕
ចែករំលែកព័តមាននេះ