ពេលមានមាន់ ឬទា ឬបក្សីចិញ្ចឹមក៏ដោយ ព្រៃក៏ដោយងាប់ និងមិនដឹងមូលហេតុ សូមកុំស្តាយ ហើយកុំយកវាមកច្នៃធ្វើម្ហូបពីព្រោះវាអាចជាប្រភពចម្លងមេរោគគ្រុនផ្តាសបក្សី ដែលអាចសម្លា.ប់យើងបាន ។ ជាទូទៅ…
ពេលមានមាន់ ឬទា ឬបក្សីចិញ្ចឹមក៏ដោយ ព្រៃក៏ដោយងាប់ និងមិនដឹងមូលហេតុ សូមកុំស្តាយ ហើយកុំយកវាមកច្នៃធ្វើម្ហូបពីព្រោះវាអាចជាប្រភពចម្លងមេរោគគ្រុនផ្តាសបក្សី ដែលអាចសម្លា.ប់យើងបាន ។
ជាទូទៅ តាមទម្លាប់របស់អ្នកភូមិនៅជនបទ ពេលមាន់ ឬទាចិញ្ចឹមងាប់ ពួកគេច្រើនតែស្តាយ ហើយយកវាទៅធ្វើម្ហូប ។ ប៉ុន្តែសម័យនេះមាន់ ឬទា ឬក្ងានដែលចិញ្ចឹមងាប់ វាអាចផ្ទុកមេរោគផ្តាសាយបក្សីដែលអាចចម្លងមកមនុស្ស ហើយអាចសម្លា.ប់ជីវិតយើងបាន ។
គិតត្រឹមថ្ងៃចន្ទដើមសប្តាហ៍កន្លងទៅ មានស្ត្រី វ័យ៤១ឆ្នាំម្នាក់ ធ្លាក់ខ្លួនឈឺនឹងជំងឺនេះហើយ ។ ស្ត្រីរូបនោះត្រូវបានគេដឹងថា មានទីលំនៅក្នុងភូមិល្បើក ឃុំដូនកែវ ស្រុកពួក ខេត្ដសៀមរាប ។ ស្ត្រីរងគ្រោះ ត្រូវបានគេដឹងថា បានឆ្លងជំងឺផ្ដាសាយបក្សីH5N1 ក្រោយពេលដែលគេយកសំណាកទៅបញ្ជាក់នៅវិទ្យាជាតិសុខភាពសាធារណៈ កាលពីថ្ងៃទី២៣ ខែមិថុនា ឆ្នាំ២០២៥ ។ ស្ដ្រីរូបនេះមានរោគសញ្ញាគ្រុនក្ដៅ ក្អក ហត់ និងពិបាកដកដង្ហើម ។
តាមការសាកសួរនៅផ្ទះ អ្នកជំងឺ និងនៅផ្ទះអ្នកជិតខាង មានករណីមាន់ទាឈឺ និងងាប់ ហើយអ្នកជំងឺបានកាន់ និងប៉ះពាល់មាន់ឈឺ និងងាប់រួចយកមកធ្វើម្ហូបទទួលទាន៥ថ្ងៃមុនថ្ងៃ ដែលអ្នកជំងឺចាប់ផ្ដើមឈឺ ។
ស្ត្រីអ្នកជំងឺរូបនេះ មិនមែនជាករណីថ្មីដែលទើបរកឃើញមេរោគ H5N1 នេះដំបូងនៅទេ ។ អ្នកជំងឺ គឺជាជនរងគ្រោះម្នាក់ពីព្រោះថា កាលពីថ្ងៃទី១២ ខែមិថុនា ក៏មានស្ដ្រីអាយុ៦៥ឆ្នាំម្នាក់ រស់នៅក្នុងភូមិក្រាំងអំពិល ឃុំតាំងយ៉ាប ស្រុកព្រៃកប្បាស ខេត្ដតាកែវ បានឆ្លងជំងឺផ្ដាសាយបក្សីផងដែរ ។
ដោយឡែក គិតពីដើមឆ្នាំ២០២៥ មកដល់ពេលនេះ មានមនុស្ស៤នាក់ ហើយបានស្លា.ប់ដោយសារជំងឺផ្តាសាយបក្សី ។ ក្នុងនោះ ករណីទី១កើតឡើង នៅខែមករា ដោយជនរងគ្រោះជាបុរស អាយុ២៨ឆ្នាំម្នាក់នៅខេត្តកំពង់ចាម, ករណីទី២ នៅខេត្ដព្រៃវែងកាលពីអំឡុងខែកុម្ភៈ, ករណីទី៣កើតលើកុមារាអាយុ១១ឆ្នាំម្នាក់នៅខេត្ដកំពង់ស្ពឺកាលពីខែឧសភា ហើយករណីទី៤ កើតលើបុរស អាយុ៥២ឆ្នាំ រស់នៅខេត្តស្វាយរៀង បានស្លា.ប់ កាលពីថ្ងៃទី១៩ ខែមិថុនា ឆ្នាំ២០២៥ ។
តាមអង្គការសុខភាពពិភពលោក បានឲ្យដឹងថា គ្រឹមត្រឹមខែកុម្ភៈ ឆ្នាំ២០២៥ ករណីឆ្លងមេរោគនេះ មាន ៩៧២ករណី នៅក្នុងនោះវាសម្លា.ប់មនុស្សប្រមាណជា៤៦៨ នាក់ ។ មេរោគនេះវាកើតនៅលើបក្សីច្រើន ប៉ុន្តែប្រសិនបើវាឆ្លងមកមនុស្សអត្រាស្លា.ប់ខ្ពស់ ប៉ុន្តែវាសំណាងត្រង់នៅមិនទាន់មានករណីមនុស្សឆ្លងទៅមនុស្សនៅឡើយទេ ។
ដើម្បីបង្ការ និងការពារខ្លួនពីជំងឺនេះ គឺកុំប៉ះពាល់ ឬទទួលទានមាន់ ឬទាដែលឈឺ ឬងាប់ ហើយពេលចម្អិនគួរតែចម្អិនឲ្យបានល្អ ។ ដោយឡែក នៅពេលធ្វើម្ហូប គួរតែពាក់ស្រោមដៃ និងម៉ាស់ ហើយចម្អិនឲ្យឆ្អិនល្អ ។ អ្នកនិយមទទួលទានស៊ុតបែបជ័រព្នៅ គឺគួរចៀសវាង ។ ការទុកដាក់ គឺត្រូវទុកដាក់ម្ហូបអាហរដែលចម្អិនហើយឲ្យឆ្ងាយពីពពួកអាហារឆៅ ជាពិសេសអាហារពីសត្វបក្សាបក្សី ។ នៅពេលមានអាការៈក្តៅខ្លួន ក្អក ហូរសំបោរ ឬពិបាកដកដង្កើម សូមប្រញាប់ទៅស្វែងរកសេវាសុខភាពដែលជិតបំផុត ក្រោយពេលដែលសង្ស័យថា បានប៉ះពាល់បក្សីឈឺ ៕
ចែករំលែកព័តមាននេះ