សង្គ្រាមអីុស្រាអែល-អីុរ៉ង់ ៖ ប្រធានាធិបតីអាមេរិកលោកដូណាល់ត្រាំ ប្រកាសនាយប់ថ្ងៃទី២៣មិថុនា ពីឈប់បាញ់គ្នារយៈពេល១២ម៉ោង រវាងអីុស្រាអែលនិងអីុរ៉ង់ ដោយលោកអះអាងថាប្រសិនបើឈានដល់ក្លាយជាបទឈប់បាញ់គ្នាអចិន្ត្រៃយ៍នោះសង្គ្រាមនេះនឹងត្រូវបញ្ចប់។ ទោះបីយ៉ាងណាទាំងអីុរ៉ង់ទាំងអីុស្រាអែល នៅមិនទាន់ធ្វើអត្ថាធិប្បាយនៅឡើយទេ។ លោកត្រាំប្រកាសបែបនេះបន្ទាប់ពីអីុរ៉ង់បានតបតវិញ វាយបហារមូលដ្ឋានយោធាធំអាមេរិកនៅកាតា សងសឹកការវាយប្រហាររបស់អាមេរិកលើបណ្ដាទីតាំងនុយក្លេអ៊ែររបស់ខ្លួន។
ក្នុងសារមួយតាមបណ្ដាញសង្គមTRUTH SOCIAL ប្រធានាធិបតីអាមេរិកពន្យល់ថា បទឈប់បាញ់គ្នានោះត្រូវចូលជាធរមានជាដំណាក់កាល ចាប់ពីម៉ោង៦ព្រឹកម៉ោងនៅក្រុងប៉ារីសថ្ងៃទី២៤មិថុនាទៅ។ លោកបន្តថាទាំងអីុស្រាអែលទាំងអីុរ៉ង់បានយល់ស្របលើកិច្ចកិច្ចព្រមព្រៀងរួមមួយថា បទឈប់បាញ់គ្នាពេញលេញនិងទាំងស្រុងត្រូវមានក្នុងប្រមាណ៦ម៉ោងទៀតពេលដែលអីុស្រាអែលនិងអីុយរ៉ង់បង្ហើយបណ្ដាបេសកកម្មចុងក្រោយរបស់ពួកគេក្នុងរយៈពេល១២ម៉ោង ហើយបន្ទាប់ពីនេះសង្គ្រាមនឹងត្រូវចាត់ទុកថាបញ្ចប់។
យោងតាមសារនេះរបស់លោកត្រាំថា វាហាក់ដូចជាបទឈប់បាញ់គ្នា ត្រូវប្រព្រឹត្តទៅ ក្នុង២៤ម៉ោងជា២ពេល។ ដំបូងអីុរ៉ង់ត្រូវបញ្ឈប់រាល់ប្រតិបត្តិការរបស់ខ្លួន មុនពេលអីុស្រាអែលធ្វើដូចគ្នានេះ១២ម៉ោងក្រោយមក។ អំឡុងពេល២៤ម៉ោងការបញ្ចប់ជាផ្លូវការនៃសង្គ្រាមអស់ពេល១២ថ្ងៃមកនេះ នឹងត្រូវបានអបអរលើពិភពលោក។ លោកត្រាំងអះអាងទៀតថា ភាគីទាំង២បានព្រមទទួលយកសន្តិភាពនិងការគោរពគ្នាក្នុងដំណាក់កាលនិមួយៗនៃដំណើរការឈប់បាញ់។
ក្នុងបទសម្ភាសន៍មួយជាមួយFOX NEWSបន្ទាប់ពីការប្រកាសនោះរបស់លោកត្រាំ អនុប្រធានាធិបតីអាមេរិកលោកជីឌីវ៉ាន បានសរសើរលោកត្រាំដែលអាចឆ្លងកាត់ មកដល់ខ្សែទី។
មុននេះនាថ្ងៃទី២៣មិថុនាអីុរ៉ង់បានបាញ់មីសីុលលើមូលដ្ឋានអាកាសចរណ៍អាមេរិកAL-UDEID នៅប្រទេសកាតាតែមីសីុលទាំងនោះបានត្រូវស្ទាក់កម្ទេច។ ការវាយប្រហារនោះរបស់អីុរ៉ង់លើមូលដ្ឋានយោធាអាមេរិកនេះហាក់ដូចជាគ្រាន់តែធ្វើកុំឲ្យចាញ់ចិត្តប៉ុណ្ណោះ បន្ទាប់ពីអាមេរិកវាយប្រហារកម្ទេចទីតាំងនុយក្លេអ៊ែរអីុរ៉ង់៣កន្លែងមក៕
ចែករំលែកព័តមាននេះ