ខេត្តកណ្តាល ៖ កម្លាំងសមត្ថកិច្ចក្រុងអរិយក្សត្រ បានធើ្វការស្រាវជ្រាវ ឃាត់ខ្លួនជនសង្ស័យម្នាក់បញ្ជូនទៅតុលាការ ក្រោយធើ្វសកម្មភាពឆ.ក់យ៉ាងសកម្មក្នុងភូមិសាស្ត្រក្រុងអរិយក្សត្រ បណ្ដាលឲ្យមានជនរងគ្រោះរងរបួសនៅពេលធើ្វសកម្មឆ.ក់ ចំណែកបក្សពួកកំពុងរត់គេចខ្លួន កម្លាំងសមត្ថកិច្ចកំពុងធើ្វការស្រាវជ្រាវបន្ត ។…
ខេត្តកណ្តាល ៖ កម្លាំងសមត្ថកិច្ចក្រុងអរិយក្សត្រ បានធើ្វការស្រាវជ្រាវ ឃាត់ខ្លួនជនសង្ស័យម្នាក់បញ្ជូនទៅតុលាការ ក្រោយធើ្វសកម្មភាពឆ.ក់យ៉ាងសកម្មក្នុងភូមិសាស្ត្រក្រុងអរិយក្សត្រ បណ្ដាលឲ្យមានជនរងគ្រោះរងរបួសនៅពេលធើ្វសកម្មឆ.ក់ ចំណែកបក្សពួកកំពុងរត់គេចខ្លួន កម្លាំងសមត្ថកិច្ចកំពុងធើ្វការស្រាវជ្រាវបន្ត ។
ប្រតិបត្តិការធើ្វការស្រាវជ្រាវបង្ក្រាបជនសង្ស័យធើ្វឡើងក្រោយទទួលបានពាក្យបណ្ដឹងពីជនរងគ្រោះ កាលពីថ្ងៃទីថ្ងៃទី២០ ខែមិថុនា ឆ្នាំ២០២៥ មានជនសង្ស័យម្នាក់ជិះម៉ូតូមកធើ្វសកម្មភាពឆ.ក់ជនរងគ្រោះបានសម្រេចបណ្ដាលឲ្យដួលរងរបួសឈា.មត្រង់ចង្កាក្បាលជង្គង់ និងបា.ក់ធ្មេញ ។
ក្នុងនោះមានជនរងគ្រោះចំនួន០៣នាក់ ៖ ១-ឈ្មោះ ឆុំ ខួច ភេទស្រី អាយុ៣៥ឆ្នាំ ជនជាតិខ្មែរ សញ្ជាតិខ្មែរ មុខរបរលក់ដូរ មានទីលំនៅភូមិស្វាយ ឃុំស្វាយ ស្រុកស្រីសន្ធរ ខេត្តកំពង់ចាម (មានស្នាមរបួសឈា.មត្រង់ចង្កា ក្បាលជង្គង់ និងបាក់ធ្មេញ )
២-ឈ្មោះ ស៊ន សម្ផស្ស ភេទស្រី អាយុ១៨ ឆ្នាំជនជាតិខ្មែរ សញ្ជាតិខ្មែរ មុខរបរលក់អនឡាញ មានទីលំនៅភូមិឃ្លាំងមឿងត្បូង សង្កាត់ព្រែកអំពិល ក្រុងអរិយក្សត្រ ខេត្តកណ្តាល ។
៣-ឈ្មោះ សើរ សុភារ៉ា ភេទស្រី អាយុ៤៣ឆ្នាំ ជនជាតិខ្មែរ សញ្ជាតិខ្មែរ មុខរបរកសិករ មានទីលំនៅភូមិព្រែកក្របៅទី៣ សង្កាត់ព្រែកអំពិល ក្រុងអរិយក្សត្រ ខេត្តកណ្តាល។
បើតាមការបញ្ចាក់ពីសមត្ថកិច្ចបានអោយដឹងថា ជនសង្ស័យទាំង២នាក់ ៖ ១-ឈ្មោះ ហេង វីរៈបុត្រ ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិកណ្ដាល ឃុំព្រែកអញ្ចាញ ស្រុកមុខកំពូល ខេត្តកណ្ដាល ។ តេស្តិ៍ទឹកនោមរកសារធាតុញៀ.ន លទ្ធផល(វិជ្ជមាន) ។ ២-ឈ្មោះ វល់ រ៉ាវុធ ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិក្នុង ឃុំព្រែកតាម៉ាក ស្រុកខ្សាច់កណ្តាល ខេត្តកណ្តាល ។ (គេចខ្លួន)
ក្នុងនោះសមត្ថកិច្ចដកហូតវត្ថុតាងរួមមាន ៖ ម៉ូតូចំនួន០១គ្រឿង ម៉ាកហុងដាឌ្រីម សេ១២៥ ស៊េរី២០១៦ ពាក់ផ្លាកលេខ ភ្នំពេញ-1FQ-6283 ,កាបូបស្ពាយសាច់ក្រណាត់ ពណ៌ខ្មៅចំនួន០១ (មានអក្សរឡាតាំង OULANSHI) ,មួកសុវត្ថិភាព ពណ៌ខ្មៅចំនួន០១ (មានអក្សរ SPC) ,រូបព្រះពុទ្ធ សង់ពីឈើ ពណ៌ខ្មៅចំនួន០១ ,ទូរស័ព្ទ ម៉ាកOppo ពណ៌សលាយផ្ទៃមេឃចំនួន០១គ្រឿង, ទូរស័ព្ទ ម៉ាក Iphone 13 Pro Max ពណ៌ស ចំនួន០១គ្រឿង ,អាវយឺតដៃវែង ពណ៌ខ្មៅ ចំនួន០១ ,អាវយឺតដៃវែង ក្រឡាការ៉ូ ចំនួន០១ ,ប្រាក់រៀលចំនួន ៧,៣២០០រៀល (ប្រាំពីរម៉ឺនបីពាន់ពីររយររៀល) (ចាប់យកពីជនសង្ស័យ ហេង វីរៈបុត្រ) ។
សមត្ថកិច្ចលោកបានបន្តអោយដឹងថា នៅថ្ងៃទី០៨ ខែមិថុនា ឆ្នាំ២០២៥ វេលាម៉ោង០២និង២០នាទីរសៀល ជនរងគ្រោះឈ្មោះ ឆុំ ខួច ជិះម៉ូតូម្នាក់ឯង តាមផ្លូវត្រឡប់មកពីលក់តាប៉ែមកដល់ចំណុចភូមិឃ្លាំងមឿងជើង សង្កាត់ព្រែកអំពិល ក្រុងអរិយក្សត្រ ក៏ស្រាប់មានជនសង្ស័យម្នាក់ ជាមនុស្សប្រុសជិះម៉ូតូម្នាក់ឯង បានធ្វើសកម្មភាពឆ.ក់កាបូបលុយស្ពាយជំហៀងរបស់គាត់បានសម្រេច បណ្តាលឲ្យជនរងគ្រោះដួលរងរបួស ពេលធ្វើសកម្មភាពរួចជនសង្ស័យបានបើកម៉ូតូគេចខ្លួនឡើងទៅខាងស្រុកខ្សាច់កណ្តាលបាត់ ទើបជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលព្រែកអំពិល។
បន្ទាប់មកថ្ងៃទី១០ ខែមិថុនា ឆ្នាំ២០២៥ វេលាម៉ោង១១និង២០នាទីថ្ងៃត្រង់ ជនរងគ្រោះឈ្មោះ ស៊ន សម្ផស្ស បានជិះម៉ូតូម្នាក់ឯងចេញពីផ្ទះដើម្បីយកភេសជ្ជៈឲ្យភ្ញៀវដែលគេកម្មង់ នៅសង្កាត់ព្រែកលួង ដោយមានព្យួរកាបូបស្ពាយពណ៌ទឹកប្រាក់ នៅលើស្មាខាងស្តាំផងដែលលុះពេលធ្វើដំណើរដល់ចំណុចកើតហេតុ ស្ថិតនៅភូមិព្រែកដូនហែម សង្កាត់ព្រែកអំពិល ក៏ស្រាប់តែមានជនសង្ស័យម្នាក់ជាមនុស្សប្រុសបានជិះម៉ូតូមកជិតធ្វើសកម្មភាពឆ.ក់កាបូបរបស់ជនរងគ្រោះបានសម្រេចរួចជិះគេចខ្លួនទៅបាត់តែម្តង រួចជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលព្រែកអំពិល ។
រហូតមកដល់ថ្ងៃទី២០ ខែមិថុនា ឆ្នាំ២០២៥ វេលាម៉ោង០២និង៤៥ នាទីរសៀលជនរងគ្រោះឈ្មោះ សើរ សុភារ៉ា បានជិះម៉ូតូម្នាក់ឯងចេញពីផ្ទះសំដៅទៅផ្ទះឈ្មោះ គ្រូយន់ នៅភូមិព្រែកក្របៅទី២ សង្កាត់ព្រែកអំពិល ដើម្បីធ្វើសំបុត្រកំណើតឲ្យកូនដែលទើបនឹងកើតលុះពេលធ្វើដំណើរចូលតាមផ្លូវបេតុងជិះដល់ផ្ទះគ្រូយន់ក៏ត្រូវបានជនសង្ស័យម្នាក់បានធ្វើសកម្មភាពឆ.ក់កាបូបលុយពីគាត់បានសម្រេចជិះគេចខ្លួនទៅបាត់ ភ្លាមៗនោះក៏មានប្រជាពលរដ្ឋបានរាយការណ៍ តាមទូរស័ព្ទមកកាន់សមត្ថកិច្ចថា មានជនសង្ស័យធ្វើសកម្មភាពឆ.ក់កាបូបក៏កម្លាំងជំនាញនៃអធិការដ្ឋាននគរបាលស្រុកខ្សាច់កណ្តាលធ្វើការចេញល្បាតពួនស្ទាក់ក្នុងភូមិសាស្ត្រ រហូតធ្វើការប្រដេញចាប់ឃាត់ខ្លួនបានជនសង្ស័យម្នាក់ រួចជាវត្ថុតាងយកមកធ្វើការសារសួរនាំ ។
នៅចំពោះមុខ សមត្ថកិច្ចជនសង្ស័យឈ្មោះ ហេង វិរៈបុត្រ បានសារភាពថា ខ្លួនគេពិតជាបានធ្វើសកម្មភាពឆក់កាបូបរបស់ប្រជាពលរដ្ឋ ក្នុងភូមិសាស្ត្រក្រុងអរិយក្សត្រ ចំនួន០៣ ករណីពិតប្រាកដមែន ។
បច្ចុប្បន្នជនសង្ស័យបាននាំមកកាន់អធិការដ្ឋាននគរបាលក្រុងអរិយក្សត្របន្តចាត់ការតាមនីតិវិធី ចំណែកបក្សពួកនៅសេសសល់សមត្ថកិច្ចកំពុងបើកការ ស្រាវជ្រាវបន្តយកអនុវត្តតាមនីតិវិធី ៕ អែល មេសា
ចែករំលែកព័តមាននេះ