ខេត្តបាត់ដំបង៖ លំនៅឋានរបស់ប្រជាពលរដ្ឋយ៉ាងតិចចំនួន១ខ្នង និងសាលាឆាន់០១ខ្នងផងនោះ ត្រូវបានបំផ្លាញដោយខ្យល់កន្ត្រាក់ ដែលបានវាយប្រហារយ៉ាងធ្ងន់ធ្ងរ កាលពីល្ងាចថ្ងៃទី ១៧ មិថុនា នៅភូមិកោះថ្កូវ ឃុំគារ…
ខេត្តបាត់ដំបង៖ លំនៅឋានរបស់ប្រជាពលរដ្ឋយ៉ាងតិចចំនួន១ខ្នង និងសាលាឆាន់០១ខ្នងផងនោះ ត្រូវបានបំផ្លាញដោយខ្យល់កន្ត្រាក់ ដែលបានវាយប្រហារយ៉ាងធ្ងន់ធ្ងរ កាលពីល្ងាចថ្ងៃទី ១៧ មិថុនា នៅភូមិកោះថ្កូវ ឃុំគារ ស្រុកមោងឬស្សី តែពុំមានគ្រោះថ្នាក់ដល់មនុស្សទេ។
មន្ត្រីរដ្ឋបាល ស្រុកមោងឬស្សី បានរាយការណ៏ថា ភ្លៀងធ្លាក់ ដែលមានឡាយជាមួយនូវខ្យល់កន្ត្រាក់មួយប្រាវផង បានវាយប្រហារទៅលើលំនៅឋានប្រជាពលរដ្ឋ និង សាលាឆាន់នៅក្នុងវត្ត បណ្ដាលឲ្យខូចខាតយ៉ាងធ្ងន់ធ្ងរ។
ប្រភពដដែលបានបញ្ជាក់ថា ក្រៅពីខូចខាតផ្ទះសម្បែង ក៏មានដើមឈើបាក់រលំ គ្រប់លើដងផ្លូវ និង សង្កត់ផ្ទះដែរ តែពុំមានគ្រោះថ្នាក់ដល់មនុស្សទេ។
របាយការណ៏សមត្ថកិច្ច ដែលបានចុះទៅកាន់កន្លែងកើតហេតុ បានរាយការណ៏ថា លំនៅឋានរបស់ប្រជាពលរដ្ឋចំនួន១៦ខ្នង និង សាលាឆាន់នៅក្នុងវត្ត ០១ ខ្នង បានរងការខូចខាត ដែលភាគច្រើនរបើ់កដំបូល។ បង្គោលដែកសម្រាប់បំពាក់មេក្រូ នៅក្នុងវត្ត០១ក៏ដួលរលំដែរ ថែមទាំងធ្វើខូចខាតមេក្រូចំនួន០២ទៀត។
បើតាមអ្នកភូមិបានឲ្យដឹងដែរថា ភ្លៀងហាក់មិនសូវធ្លាក់ខ្លាំងប៉ុន្មានទេ តែខ្យល់កន្ត្រាក់បានវាយប្រហារខ្លាំងត្រិមរយៈពេលមួយប៉ព្រិចភ្នែក បំផ្លាញផ្ទះសម្បែងរបស់ប្រជាពលរដ្ឋក្នុងភូមិ ខូចខាតយ៉ាងធ្ងន់ធ្ងរ។ យ៉ាងណា ពេលនេះអាជ្ញាធរ ដែនដី និង មន្ត្រីជំនាញ បាននិងកំពុងចុះពិនិត្យស្ថានភាពនៅកន្លែងកើតហេតុ ដើម្បីធ្វើរបាយការណ៏សុំជំនួយបឋមពីថ្នាក់លើ ជួយដល់គ្រួសារដែលរងគ្រោះ៕
ចែករំលែកព័តមាននេះ