ខេត្តប៉ៃលិន ៖ ភាគីថៃ បានប្រកាសមិនអនុញ្ញាតឲ្យកម្ពុជានាំចេញ បន្លែ ផ្លែឈើ និងដំឡូងមី(គ្រៀម-ស្រស់) ចូលទៅក្នុងប្រទេសថៃ តាមរយៈច្រកទ្វារព្រំដែនអន្តរជាតិព្រំ ខេត្តប៉ៃលិន…
ខេត្តប៉ៃលិន ៖ ភាគីថៃ បានប្រកាសមិនអនុញ្ញាតឲ្យកម្ពុជានាំចេញ បន្លែ ផ្លែឈើ និងដំឡូងមី(គ្រៀម-ស្រស់) ចូលទៅក្នុងប្រទេសថៃ តាមរយៈច្រកទ្វារព្រំដែនអន្តរជាតិព្រំ ខេត្តប៉ៃលិន ទៀតឡើយ នៅថ្ងៃទី១៤ ខែមិថុនា ឆ្នាំ២០២៥នេះ ។
បើយោងតាមអាជ្ញាធរខេត្តប៉ៃលិន បានបញ្ជាក់ថា សមត្ថកិច្ចប្រចាំការនៅច្រកទ្វារព្រំ បានទទួលការជូនដំណឹងពីគយប្រចាំការនៅច្រកទ្វារបានផាកាត(ថៃ) ឲ្យដឹងថា ចាប់ពីពេលជូនដំណឹងនេះតទៅ ភាគីគយថៃ នឹងមិនអនុញ្ញាតឲ្យ បន្លែ ផ្លែឈើ ម្ទេស ស្វាយ និងដំឡូងមី ចូលទៅប្រទេសថៃ បានទៀតទេ ។
ការហាមឃាត់នេះ ត្រូវបានភាគីថៃបានអះអាងថា គឺជាបទបញ្ជាពីថ្នាក់ដឹកនាំជាន់ខ្ពស់របស់ពួកគេ ។
ជាការកត់សំគាល់ ចាប់ពីថ្ងៃទី០៧ ខែមិថុនា ឆ្នាំ២០២៥មក ច្រកតំបន់ និងច្រករបៀង រវាងព្រំដែនថៃ និងកម្ពុជា ត្រូវបានបិទជាបណ្ដោះអាសន្ន ដោយឯកតោភាគីរបស់ភាគីថៃ ដោយអគ្គមេបញ្ជាការកងទ័ពជើងគោកថៃ បានចុះហត្ថលេខាលើបទបញ្ជាមួយ ដោយអនុញ្ញាតឱ្យមេបញ្ជាការកងទ័ពជើងគោក ប្រចាំនៅ Burapha និង Suranaree គ្រប់គ្រងការបើក និងបិទចំណុចត្រួតពិនិត្យព្រំដែនទាំងអស់នៅជាប់កម្ពុជា ៕
ចែករំលែកព័តមាននេះ