ខេត្តព្រៃវែង ៖ ខ្យល់កន្ត្រាក់ដែលបោកបក់មកជាមួយនឹងភ្លៀងមួយមេធំ បានបំផ្លាញផ្ទះប្រជាពលរដ្ឋអស់ចំនួន17ខ្នង ជាមួយគ្នានោះ ដើមឈើនឹងផលដំណាំជាច្រើន ក៏ត្រូវបានបំផ្លាញខ្ទេចខ្ទីរផងដែរ។ គ្រោះធម្មជាតិខ្យល់កន្ត្រាក់នេះ បានកើតឡើងកាលពីវេលាម៉ោង១រសៀលថ្ងៃទី13 មិថុនា…
ខេត្តព្រៃវែង ៖ ខ្យល់កន្ត្រាក់ដែលបោកបក់មកជាមួយនឹងភ្លៀងមួយមេធំ បានបំផ្លាញផ្ទះប្រជាពលរដ្ឋអស់ចំនួន17ខ្នង ជាមួយគ្នានោះ ដើមឈើនឹងផលដំណាំជាច្រើន ក៏ត្រូវបានបំផ្លាញខ្ទេចខ្ទីរផងដែរ។
គ្រោះធម្មជាតិខ្យល់កន្ត្រាក់នេះ បានកើតឡើងកាលពីវេលាម៉ោង១រសៀលថ្ងៃទី13 មិថុនា នៅចំណុចភូមិស្ទឹងសន្តិភាព ឃុំអ្នកលឿង ស្រុកពាមរក៍ ខេត្តព្រៃវែង ។
យោងតាមរបាយការណ៍របស់អាជ្ញាធរមូលដ្ឋានបានឲ្យដឹងថា គ្រោះមហន្តរាយខ្យល់កន្ត្រាក់នេះបានធ្វើឲ្យផ្ទះប្រជាពលរដ្ឋចំនួន 17 ខ្នង ត្រូវរងការខូចខាត ក្នុងនោះផ្ទះចំនួន 14 ខ្នងបានប៉ើងដំបូលនិងជញ្ជាំង និង3ខ្នងផ្សេងទៀតដួលរលំរៀបដល់ដី ជាមួយគ្នានោះដើមឈើធំៗជាច្រើនដើម និងដំណាំជាច្រើនហិចតា ក៏ត្រូវរងការ បំផ្លាញផងដែរ។
លោក ភោគ ផានី មេឃុំអ្នកលឿង បានឲ្យដឹងនៅរសៀលថ្ងៃទី 14 មីនថុនាថា ក្រោយពីទទួលបានព័ត៌មាន ថាកើតមានគ្រោះធម្មជាតិខ្យល់កន្ត្រាក់ បក់បំផ្លាញផ្ទះសម្បែងប្រជាពលរដ្ឋភ្លាម អាជ្ញាធរឃុំនិងស្រុក ព្រមទាំងមន្ត្រីអនុសាខាកាកបាទ ក្រហមស្រុក ក៏បានចុះទៅត្រួតពិនិត្យ និងជួយអន្តរាគមន៍ភ្លាមៗ ហើយគ្រោងនឹងនាំយកជំនួយមនុស្សធម៌របស់កាកបាទក្រហម ទៅចែកជូនដល់គ្រួសារដែលរងគ្រោះទាំងអស់ នៅថ្ងៃអាទិត្យទី 15 មិថុនា ស្អែកនេះ ។
ចែករំលែកព័តមាននេះ