ខេត្តបាត់ដំបង ៖ រថយន្តដឹកទំនិញធំៗរបស់ប្រទេសថៃ ហាក់មានការកើតឡើងខុសថ្ងៃធម្មតា នៅព្រឹកថ្ងៃទី១៤ មិថុនា ដែលបានដឹកទំនិញចូលទឹកដីកម្ពុជា តាមច្រកទ្វារអន្តរជាតិ«ភ្នំដី»ស្រុកសំពៅលូន ក្រោយពីភាគីកម្ពុជាបានបិទខ្ទប់ទ្វារធំនៅច្រកអន្តរជាតិ«ដូង»ក្នុងស្រុកកំរៀង មិនអនុញ្ញាតឲ្យរថយន្តដឹកទំនិញគ្រប់ប្រភេទចេញ-ចូល…
ខេត្តបាត់ដំបង ៖ រថយន្តដឹកទំនិញធំៗរបស់ប្រទេសថៃ ហាក់មានការកើតឡើងខុសថ្ងៃធម្មតា នៅព្រឹកថ្ងៃទី១៤ មិថុនា ដែលបានដឹកទំនិញចូលទឹកដីកម្ពុជា តាមច្រកទ្វារអន្តរជាតិ«ភ្នំដី»ស្រុកសំពៅលូន ក្រោយពីភាគីកម្ពុជាបានបិទខ្ទប់ទ្វារធំនៅច្រកអន្តរជាតិ«ដូង»ក្នុងស្រុកកំរៀង មិនអនុញ្ញាតឲ្យរថយន្តដឹកទំនិញគ្រប់ប្រភេទចេញ-ចូល កាលពីម្សិលមិញ។ នេះបើតាមព័ត៌មានបឋមពីមន្ត្រីព្រំ ដែនដែលបានកត់សម្គាល់។
សេចក្ដីរាយបានឲ្យដឹងថា ក្រោយពីឆ្មាំច្រកទ្វារព្រំដែន បើកទ្វារនៅម៉ោង៩ព្រឹក តាមការកំណត់ នៅថ្ងៃទី១៤ មិថុនា នេះ គេឃើញរថយន្តដឹកទំនិញធំៗ ប្រភេទកុងតឺន័ររបស់ប្រទេសថៃ បានសម្រុកចូលទឹកដីកម្ពុជា ហាក់មានចំនួនច្រើនខុសពីសព្វដង ដែលមានចំនួនរថយន្តចេញចូលតាមការកំណត់បស់ភាគីកម្ពុជា-ថៃ សម្រាប់ច្រកទ្វារអន្តរជាតិ«ភ្នំដី»នៅស្រុកសំពៅលូននេះ។
មន្ត្រីស្រុកសំពៅលូនដែលបានឃ្លាំមើលសកម្មភាពចរាចរណ៍នៅច្រកទ្វារអន្តរជាតិភ្នំដី បានផ្ដល់ព័ត៌មានបឋមថា រថយន្តដឹកទំនិញរបស់ថៃ ពិតជាមានចំនួនច្រើនខុសសព្វដងមែន នៅព្រឹកថ្ងៃទី ១៤ មិថុនានេះ ។
ប្រភពបានឲ្យដឹងទៀតថា បើតាមការពិនិត្យជាក់ស្ដែង រថយន្តដឹកទំនិញភាគច្រើនជាប្រភេទកុងតឺន័រ ហើយដឹកទំនិញភាគច្រើនសម្ភារប្រើប្រាស់ និងសម្ភារសំណង់ ហើយមានទាំងម៉ូតូផង។ សេចក្ដីរាយការណ៍ដដែលបានកត់សម្គាល់ដែរថា ការកើនឡើងនៃរថយន្តដឹកទំនិញចូលពីប្រទេសថៃ នៅច្រកទ្វារអន្តរជាតិភ្នំដីខាងលើនេះ ស្របពេលដែរច្រកទ្វារអន្តរជាតិដូង នៅស្រក
កំរៀង ត្រូវបានភាគីកម្ពុជា សម្រេចបិទទ្វារធំ កាលពីម្សលមិញ មិនអនុញ្ញាតឲ្យរថយន្តដឹកទំនិញគ្រប់ប្រភេទទាំង២ភាគីចេញចូលបាន ហេតុដូច្នេះហើយ ទើបរថយន្តដឹកទំនិញរបស់ភាគីថៃ មកដឹកចូលកម្ពុជាតាមច្រកទ្វារអន្តរជាតិ ភ្នំដី នៅស្រុកសំពៅលូនវិញ ។
ប៉ុន្តែយ៉ាងណា ការបើកទ្វារឲ្យរថយន្តដឹកទំនិញរបស់ថៃ ចេញ-ចូលតាមច្រកទ្វារអន្តរជាតិខាងលើនេះ ក៏ត្រូវមានកំណត់ដែរ។ នេះគ្រាន់តែសេចក្ដីរាយការបឋមប៉ុណ្ណោះ៕
ចែករំលែកព័តមាននេះ