ខេត្តស្វាយរៀង ៖ សមត្ថកិច្ចបានបញ្ជូនជនសង្ស័យជាឧក្រិដ្ឋជន ជនជាតិវៀតណាមចំនួន០៥នាក់ ស្រី០១ នាក់ដែលជាប់ទាក់ទិនក្នុងករណីជួញដូរ រក្សាទុកប្រើប្រាស់ដោយខុសច្បាប់នូវសារធាតុញៀននិងកាន់កាប់ រក្សាទុកអាវុធគ្រាប់រំសេវដោយគ្មានការអនុញ្ញាតិត្រូវបានកម្លាំងជំនាញផែន ការងារប្រឆាំងគ្រឿងញៀន នៃស្នងការដ្ឋាននគរបាលខេត្តស្វាយរៀងបង្ក្រាបនិងចាប់ឃាត់ខ្លួនបញ្ជូនទៅកាន់សាលាដំបូងខេត្តដើម្បីចាត់ការបន្តតាមច្បាប់។
បើតាមសមត្ថកិច្ចបានឲ្យដឹងថា កិច្ចប្រតិបត្តិការបង្ក្រាក្រុមឧក្រិដ្ឋជននេះធ្វើឡើងកាលពីថ្ងៃទី០៨ដល់ថ្ងៃទី១១ ខែមិថុនា ឆ្នាំ២០២៥នៅក្រុងបាវិត ខេត្តស្វាយរៀង ក្រោមបទបញ្ជាដ៍មុឺងម៉ាត់របស់លោកឧត្តមសេនីយ៍ទោ ពេជ្រ វីរះ ស្នងការនគរបាលខេត្តនិងដឹកនាំបញ្ជាផ្ទាល់ពីលោកឧត្តម សេនីយ៍ត្រី កែវ សុថា ស្នងការរងទទួលផែនការងារប្រឆាំងគ្រឿងញៀននិងលោកវរសនីយ័ឯក កាន កេន នាយការិយាល័យប្រឆាំងគ្រឿងញៀនសហការជាមួយកម្លាំងអធិការដ្ឋាននគរបាលក្រុងបាវិត ដោយមានការសម្របសម្រូលនីតិវិធីពីលោក ចាន់ វណ្ណះ ព្រះរាជអាជ្ញារងអមសាលាដំបូងខេត្ត។
ជាលទ្ធផល:- ឃាត់ខ្លួនជនសង្ស័យជនជាតិវៀតណាម ចំនួន០៥ នាក់ ស្រី០១ នាក់
- ដកហូតនិងចាប់យកសម្ភារ:វត្តុតាងរួមមាន:
១.ថ្នាំញៀនប្រភេទកេតាមីន ០២ កញ្ចប់ទម្ងន់ ១៤.២០ក្រាម
២.ថ្នាំញៀនប្រភេទមេតំហ្វេតាមីន ០៥ កញ្ចប់ទម្ងន់ ១១.៨៥ក្រាម
៣.ថ្នាំគ្រាប់ពណ៌ក្រហម(WY)ប្រភេទកេតាមីនចំនួន១០៣គ្រាប់
៤.ថ្នាំគ្រាប់ពណ៌ក្រហម(A)ប្រភេទមេតំហ្វេតាមីន ចំនួន ០១គ្រាប់
៥.ថ្នាំគ្រាប់ពណ៌ផ្ទៃមេឃប្រភេទ(MDMA)ចំនួន ០៨ គ្រាប់
៦.ថ្នាំគ្រាប់ពណ៌បៃតងប្រភេទ(MDMA)ចំនួន ១៩ គ្រាប់
៧.ថ្នាំញៀនប្រភេទ(MDMA)សញ្ញារូបសេះ ០១ កញ្ចប់
៨.ជរ័អាភៀន ០១ កញ្ចប់
៩.អាវុធខ្លីចំនួន ០៣ ដើម-បង់ចំនួន០៣ -គ្រាប់ចំនួន ៤៣ គ្រាប់
១០.កាំបិត ០៤ -ដំបងឆក់ន០១
១១.ជញ្ជីងថ្លឹងថ្នាំញៀន ០២ គ្រឿង
១២.ទូរសព្ទ័ដៃ ០៩ គ្រឿង
១៣.រថយន្តចំនួន ០៣ គ្រឿង ព្រមទាំងឧបករណ៍ សម្ភារះមួយចំនួនទៀត។
- ប្រភពបន្តថា ក្រោយពីតាមប្រមាញ់និងចាប់ខ្លួនជនសង្ស័យបានជាបន្តបន្ទាប់និងបានកសាងសំនុំរឿងបញ្ជូនជនសង្ស័យនិងវត្ថុតាងទៅសាលាដំបូងនៅព្រឹកថ្ងៃទី១២មិថុនា២០២៥លោកចៅក្រមបានបញ្ជូនជនសង្ស័យដាក់ពន្ធនាគារបណ្តោះអាសន្នរួចហើយនៅល្ងាចថ្ងៃទី១៣មិថុនា២០២៥នេះ៕
-
ចែករំលែកព័តមាននេះ