ខេត្តបន្ទាយមានជ័យ ៖ សេចក្តីរាយការបឋមបានឱ្យដឹងថា កាលពីរសៀលថ្ងៃ ទី១០ ខែមិថុនា ឆ្នាំ២០២៥ មានប្រជាពលរដ្ឋម្នាក់បានប្រទះឃើ ញសាកសពមនុស្សស្លាប់ នៅក្បែរកាប៊ីនភ្លើងសិលាខ្មែរចន្លោះបង្គោលគីឡូម៉ែត្រលេខ១១…
ខេត្តបន្ទាយមានជ័យ ៖ សេចក្តីរាយការបឋមបានឱ្យដឹងថា កាលពីរសៀលថ្ងៃ ទី១០ ខែមិថុនា ឆ្នាំ២០២៥ មានប្រជាពលរដ្ឋម្នាក់បានប្រទះឃើ ញសាកសពមនុស្សស្លាប់ នៅក្បែរកាប៊ីនភ្លើងសិលាខ្មែរចន្លោះបង្គោលគីឡូម៉ែត្រលេខ១១ និង១២ ផ្លូវលេខ៥៨ ភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្ដបន្ទាយមានជ័យ ។
សពជនរងគ្រោះ មិនត្រូវបានស្គាល់អត្តសញ្ញាណនោះទេ មានអាយុប្រហែលជាង៤០ឆ្នាំ ទំនងជាជនជាតិចិន ។
បន្ទាប់ពីមានប្រជាពលរដ្ឋប្រទះឃើញសាកសពខាងលើនោះ សមត្តកិច្ចនគរបាលគ្រប់ជំនាញ តាំងពីថ្នាក់មូលដ្ឋានដល់ខេត្ត មានទាំងស្ថាប័នអយ្យការអមសាលាដំបូងផងដែរ បានចុះទៅដល់កន្លែងកើតហេតុ ដោយបានបង្កើតគណកម្មការពិនិត្យសាកសព ។
បើតាមព័ត៌មានបឋមនោះសាកសព ត្រូវជនមិនស្គាល់អត្តសញ្ញាណ យកថង់ប្លាស្ទិចពណ៌ខ្មៅរុំក្បាលជិត អាចសន្និដ្ឋានបានថា ជនរង គ្រោះស្លាប់ដោយសារការធ្វើអំពើមនុស្សឃាត (យកថ្លង់ប្លាស្ទិចរុំក្បាលរហូត ដល់ផុតស្លាប់) ហើយជនដៃដល់បានដឹកសាកសពតាមរថយន្តយកទៅទម្លាក់ចោលនៅកម្ពោធព្រៃរបោះ ។
សាកសពមានស្ថាន ភាពហើម និងធំក្លិនស្អុយ ទំនងជាស្លាប់មុននេះ២ថ្ងៃ ហើយត្រូវជនមិនស្គាល់អត្តសញ្ញាណ ដឹកយកទៅទម្លាប់ចោលទើបប្រជា ពលរដ្ឋប្រទះឃើញនោះ ។
ក្រោយពេលពិនិត្យចប់សព្វគ្រប់គណកម្មការចម្រុះ បានឯកភាពយកសាកសពទៅតម្កល់ទុក នៅឈា បនដ្ឋានវត្តប៉ាលិលេយ្យ ដើម្បីបន្តនីតិវិធី ។ តែទោះជាយ៉ាងណាក្តីករណីខាងលើនេះ សមត្តកិច្ចគ្រប់ជំនាញ បាននិងកំពុងធ្វើការស្រាវជ្រាវ ដោយយ៉ាងយកចិត្តទុកដាក់បំផុត ៕
ចែករំលែកព័តមាននេះ