ខេត្តបន្ទាយមានជ័យ ៖ ក្រុមមន្ត្រីកម្ពុជានិងថៃ កាលពីថ្ងៃទី១០ ខែមិថុនា ឆ្នាំ២០២៥កន្លងទៅ បានធ្វើការពិភាក្សាគ្នានៅច្រកទ្វារព្រំដែនអន្តរជាតិប៉ោយប៉ែត ក្នុងការសម្រួលពេលវេលាដល់សិស្សានុសិស្សចូលមកសិក្សានៅសាលាកម្ពុជា ចាប់ពីម៉ោង៦ដល់ម៉ោង៨ព្រឹក និងចេញទៅវិញពីម៉ោង៥ដល់ម៉ោង៦ល្ងាច…
ខេត្តបន្ទាយមានជ័យ ៖ ក្រុមមន្ត្រីកម្ពុជានិងថៃ កាលពីថ្ងៃទី១០ ខែមិថុនា ឆ្នាំ២០២៥កន្លងទៅ បានធ្វើការពិភាក្សាគ្នានៅច្រកទ្វារព្រំដែនអន្តរជាតិប៉ោយប៉ែត ក្នុងការសម្រួលពេលវេលាដល់សិស្សានុសិស្សចូលមកសិក្សានៅសាលាកម្ពុជា ចាប់ពីម៉ោង៦ដល់ម៉ោង៨ព្រឹក និងចេញទៅវិញពីម៉ោង៥ដល់ម៉ោង៦ល្ងាច ។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែត បានឲ្យដឹងថា ក្រោយពីជួបពិភាក្សាគ្នារវាងអាជ្ញាធរកម្ពុជា-ថៃ បានសម្រួលពេលវេលាក្នុងការចេញចូលរបស់សិស្សានុសិស្ស ដែលតាមឪពុកម្តាយស្នាក់នៅលក់ដូរក្នុងផ្សាររុងក្លឿ ប្រទេសថៃ ចូលមកសិក្សានៅក្រុងប៉ោយប៉ែត ដោយអនុវត្តចាប់ពីថ្ងៃទី១១ ខែមិថុនា ឆ្នាំ២០២៥ ។
ការបើកឱ្យចេញចូល សម្រាប់សិស្សនៅពេលព្រឹកចាប់ពីម៉ោង៦ដល់ម៉ោង៨ព្រឹក និងល្ងាចចាប់ពីម៉ោង៥ដល់ម៉ោង៦ល្ងាច ។លោក វ៉ាន់ ដារ៉ាន់ បន្តថា ដោយឡែកភ្ញៀវជាតិនិងអន្តរជាតិដែលចេញចូលតាមច្រកព្រំដែនកម្ពុជា-ថៃ នៅអនុវត្តដដែល ដោយកម្ពុជាបើកទ្វារនៅម៉ោង៩ព្រឹក បិទនៅម៉ោង៤រសៀល ឯភាគីថៃបើកនៅម៉ោង៨ព្រឹក បិទនៅម៉ោង៤រសៀលដែរ ។
មូលហេតុប៉ះពាល់ដល់ការសិក្សារបស់សិស្ស ដែលរស់នៅតាមឪពុកម្តាយលក់ដូរនៅផ្សាររុងក្លឿ ប្រទេសថៃ ទើបអាជ្ញាធរកម្ពុជា-ថៃ បានសម្រួលពេលវេលាដល់សិស្សបានចេញចូលតាមពេលវេលាងាយស្រួល ៕
ចែករំលែកព័តមាននេះ