ខេត្តបន្ទាយមានជ័យ ៖ កម្ពុជា-ថៃពិភាក្សាគ្នាសម្រួលពេលវេលាដល់សិស្សកម្ពុជាដែលមានឪពុកម្តាយស្នាក់នៅលក់ដូរនៅផ្សាររុងក្លឿ ចូលមកសិក្សានៅក្រុងប៉ោយប៉ែតចាប់ពីម៉ោង៦ដល់ម៉ោង៨ព្រឹកនិងចេញទៅវិញម៉ោង៥ដល់ម៉ោង៦ល្ងាច ។ ការពិភាក្សារវាងភាគីទាំង២ បានធ្វើឡើងកាលពីថ្ងៃទី១០ ខែមិថុនា ឆ្នាំ២០២៥ នៅច្រកទ្វារព្រំដែនអន្តរជាតិប៉ោយប៉ែត។…
ខេត្តបន្ទាយមានជ័យ ៖ កម្ពុជា-ថៃពិភាក្សាគ្នាសម្រួលពេលវេលាដល់សិស្សកម្ពុជាដែលមានឪពុកម្តាយស្នាក់នៅលក់ដូរនៅផ្សាររុងក្លឿ ចូលមកសិក្សានៅក្រុងប៉ោយប៉ែតចាប់ពីម៉ោង៦ដល់ម៉ោង៨ព្រឹកនិងចេញទៅវិញម៉ោង៥ដល់ម៉ោង៦ល្ងាច ។ ការពិភាក្សារវាងភាគីទាំង២ បានធ្វើឡើងកាលពីថ្ងៃទី១០ ខែមិថុនា ឆ្នាំ២០២៥ នៅច្រកទ្វារព្រំដែនអន្តរជាតិប៉ោយប៉ែត។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានឱ្យដឹងថា ក្រោយជួបពិភាក្សាររវាងអាជ្ញាធរកម្ពុជា-ថៃ បានសម្រេចសម្រួលពេលវេលាការចេញ.ចូលដល់សិស្សដែលមានឪពុកម្តាយស្នាក់នៅលក់ដូរផ្សាររ៉ូងក្លឿប្រទេសថៃ ដើម្បីចូលមកសិក្សានៅក្រុងប៉ោយប៉ែត ដោយអនុវត្តចាប់ពីថ្ងៃទី១១ ខែមិថុនា ឆ្នាំ២០២៥ ដោយបើកសិស្សអោយចេញ.ចូល នៅពេលព្រឹកចាប់ពីម៉ោង៦ដល់ម៉ោង៨ព្រឹក និងល្ងាចចាប់ពីម៉ោង៥ដល់៦ល្ងាច។
លោកបានបញ្ជាក់ថា៖ដោយឡែកភ្ញៀវជាតិនិងអន្តរជាតិដែលចេញ.ចូលកម្ពុជា.ថៃនៅអនុវត្តដ៍ដែលកម្ពុជាបើកអោយចេញ.ចូលនៅម៉ោង៩ព្រឹកបិតច្រកទ្វារនៅម៉ោង៤ល្ងាច និងភាគីថៃបើកចេញ.ចូលនៅម៉ោង៨ព្រឹកបិតទ្វារព្រំដែននៅម៉ោង៤ល្ងាច ដែលមូលហេតុប៉ៈពាល់ការសិក្សាសិស្សតាមឪពុកម្តាយទៅដេកលក់ដូរនៅផ្សាររ៉ូងក្លឿប្រទេសថៃទើបអាជ្ញាធរកម្ពុជា.ថៃបានសម្រួលពេលវេលាដល់សិស្សចេញពីថៃចូលសិក្សានៅកម្ពុជាក្រុងប៉ោយប៉ែត។
លោក វ៉ាន់ ដារ៉ាន់ បានបញ្ជាក់ថា ក្រោយភាគីថៃបានបិទច្រកព្រំដែនកម្ពុជា.ថៃ នៅច្រកខ្លងលឹកថៃ ដែលឈមច្រកទ្វារព្រំដែនអន្តរជាតិប៉ោយប៉ែតកម្ពុជាហើយបានសម្រួលពេលវេលាដោយភាគីថៃបើកអោយចេញ.ចូលនៅម៉ោង៨ព្រឹកត្រូវបានច្រកទ្វារនៅម៉ោង៤ល្ងាច ដោយឡែកកម្ពុជាបានបើកអោយចេញ.ចូលនៅម៉ោង៩ព្រឹកហើយបិទទ្វារព្រំដែនម៉ោង៤ល្ងាចដូចគ្នានៅតែបន្តអនុវត្តសម្រាប់ភ្ញៀវចេញ.ចូលកម្ពុជា.ថៃ ៕
ចែករំលែកព័តមាននេះ