រាជធានីភ្នំពេញ ៖ ប្រធានក្រុមប្រឹក្សាធម្មនុញ្ញ ឯកឧត្តម ហ៊ី សោភា បានលើកឡើងថា ការស្នើសុំធ្វើវិសោធនកម្ម ដើម្បីដកសញ្ជាតិខ្មែរពីប្រជាពលរដ្ឋដែលឃុបឃិតជាមួយបរទេសបំផ្លាញកម្ពុជា ដើម្បីលើកកម្ពស់ឧត្ដមគតិជាតិ…
រាជធានីភ្នំពេញ ៖ ប្រធានក្រុមប្រឹក្សាធម្មនុញ្ញ ឯកឧត្តម ហ៊ី សោភា បានលើកឡើងថា ការស្នើសុំធ្វើវិសោធនកម្ម ដើម្បីដកសញ្ជាតិខ្មែរពីប្រជាពលរដ្ឋដែលឃុបឃិតជាមួយបរទេសបំផ្លាញកម្ពុជា ដើម្បីលើកកម្ពស់ឧត្ដមគតិជាតិ មនសិការស្នេហាជាតិ ។
ការលើកឡើងរបស់ឯកឧត្តមហ៊ី សោភា ដែលទើបតែឡើងកាន់ដំណែងជាប្រធានក្រុមប្រឹក្សា អាណត្តិថ្មីនេះ បន្ទាប់ពីសមាជិកក្រុមប្រឹក្សាធម្មនុញ្ញ៩សំឡេងនៃចំ នួនសមាជិក ក្រុមប្រឹក្សាធម្មនុញ្ញទាំងមូល បានលើកដៃអនុម័តចំពោះការស្នើសុំ ធ្វើវិសោធនកម្ម ដកស ញ្ជាតិខ្មែរ ។
យោងតាមលិខិតទូលថ្វាយព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា របស់ក្រុមប្រឹក្សាធម្មនុញ្ញ កាលពីថ្ងៃ២ កក្កដា ឆ្នាំ២០២៥បា នលើសេចក្តីស្នើសុំធ្វើវិសោធនកម្ម មាត្រា៣៣ នៃរដ្ឋធម្មនុញ្ញកម្ពុជា បានឲ្យដឹងថា ការផ្តួចផ្តើមគំនិតធ្វើវិសោធនកម្មមាត្រា៣៣ នៃរដ្ឋធម្មនុញ្ញកម្ពុជា មានគោលបំណង សំខាន់ដើម្បីបើកផ្លូវអនុញ្ញាតឲ្យមានការរៀបចំក្របខណ្ឌច្បាប់សម្រាប់ដកសញ្ជាតិខ្មែរ ពីប្រជាពលរដ្ឋខ្មែរណាដែលបានប្រព្រឹត្តអំពើក្បត់ជាតិ ឬធ្វើសកម្មភាពប៉ះពាល់ ធ្ងន់ធ្ងរដល់ ផលប្រយោជន៍របស់កម្ពុជា និងប្រជាពលរដ្ឋខ្មែរ ពិសេសអំពើឃុបឃិតជាមួយបរទេស ដែលធ្វើឲ្យប៉ះពាល់ដល់សន្តិសុខជាតិ សេចក្តីសុខសាន្តរបស់ប្រជាជន និងឧត្តមប្រយោជន៍របស់ប្រទេសជាតិ។
លិខិតបញ្ជាក់ថា ៖“ក្នុងន័យនេះ ការស្នើសុំធ្វើវិសោធនកម្មបទប្បញ្ញត្តិនៃមាត្រាខាងលើ គឺដើម្បីលើកកម្ពស់ ឧត្តមគតិជាតិ មនសិការស្នេហាជាតិ និងគោលជំហរស្មោះត្រង់ឥតងាករេរបស់ប្រជាពលរដ្ឋខ្មែរគ្រប់រូបចំពោះជាតិមាតុភូមិ និងប្រជាជនកម្ពុជានៅ គ្រប់កាលៈទេសៈទាំងអស់ ពិសេសការតម្កល់ផលប្រយោជន៍ជាតិជាធំស្របតាមមាត្រា៤៩ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា”។
លិខិតក៏បានលើកឡើងថា ជាមួយគ្នានេះ ក្នុងលិខិតក៏បានលើកឡើងថាការធ្វើវិសោធនកម្មដកសញ្ជាតិខ្មែរក៏បានរួមចំណែកយ៉ាងសំខាន់ក្នុងការប្រឆាំងនឹងការជ្រៀតជ្រែកពីខាងក្រៅចូលមកក្នុង កិច្ចការផ្ទៃក្នុងរបស់កម្ពុជា ។
លិខិតបានបន្ថែមថា វិសោធនកម្មនេះ ពុំមានអ្វីប៉ះពាល់ដល់ប្រព័ន្ធ ប្រជាធិបតេយ្យ សេរីពហុបក្ស និងរបបរាជានិយមអាស្រ័យដោយរដ្ឋធម្មនុញ្ញឡើយ ព្រមទាំងធ្វើឡើងនៅពេល ប្រទេសជាតិមិនឋិតក្នុងភាពអាសន្ន៕
ចែករំលែកព័តមាននេះ