រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅថ្ងៃទី១០ មិថុនា ២០២៥នេះ…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅថ្ងៃទី១០ មិថុនា ២០២៥នេះ បានសម្រេច សម្រេចបង្កើតគណៈកម្មការរៀបចំឯកសារ ដើម្បីប្តឹងទៅតុលាការយុត្តិធម៌អន្តរជាតិ ICJ ករណីតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ។
សូមជម្រាបថា រដ្ឋាភិបាលកម្ពុជា កាលថ្ងៃទី២ ខែមិថុនា ឆ្នាំ២០២៥ សម្រេចបញ្ជូនវិវាទចំនួនបួន គឺតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ទៅកាន់តុលាការយុត្តិធម៌អន្តរជាតិ ICJ នៅទីក្រុងឡាអេ ។ ហើយគម្រោងជួបជាមួយភាគីថៃ នៅថ្ងៃទី១៤ ខែមិថុនា ខាងមុននេះ កម្ពុជានឹងមិនយកបញ្ហានៅតំបន់មុំ៣ ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ដាក់បញ្ចូលក្នុងរបៀបវារៈ នៃកិច្ចប្រជុំ JBC នោះទេ ព្រោះកម្ពុជា បានសម្រេចបញ្ជូនបញ្ហានេះទៅ ICJ រួចហើយ ។
ការដែលកម្ពុជា ប្តឹងថៃទៅតុលាការអន្តរជាតិ ICJ នេះ ក្រោយពីមេទ័ពកម្ពុជាអះអាងថា កងទ័ពថៃ កាលពីថ្ងៃទី២៨ ខែឧសភា ឆ្នាំ២០២៥ វេលាម៉ោងប្រហែល ៥:៣០នាទីព្រឹក បានបើកការបាញ់ប្រហារមកលើទីតាំងកងទ័ពកម្ពុជា ក្នុងភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដែលជាតំបន់ ដែលគេទទួលស្គាល់ថា ជាប៉ុស្តិ៍យោធាកម្ពុជា បណ្តាលឱ្យទាហានខ្មែរម្នាក់ពលីជីវិត គឺព្រឹន្ធបាលឯក សួន រ៉ោន ។
ការបញ្ជាក់ជំហររបស់កម្ពុជា គឺដើម្បីស្វែងរកដំណោះស្រាយបញ្ហាព្រំដែននៅតំបន់ទាំងនោះ ដោយសន្តិវិធី អោយបានឆាប់ចប់ ជាស្ថាពរ ជាជាងបន្សល់ទុកបញ្ហា អោយនៅបន្តស្រពិចស្រពិលរយៈពេលវែង ដែលអាចបង្កអោយកើតមានជាជម្លោះប្រដាប់អាវុធសារជាថ្មី ។
សេចក្តីសម្រេចបង្កើតគណៈកម្មការ មានសមាសភាពដូចខាងក្រោម ៖
ចែករំលែកព័តមាននេះ