ថៃ ៖ ក្រសួងសុខាភិបាលថៃ បានចាត់ទុកស្ថានភាពឆ្លងរាលដាលនៃជំងឺគ្រុនឈា.មទូទាំងប្រទេស នាពេលបច្ចុប្បន្ននេះថា កំពុងបង្កការហានីភ័យយ៉ាងធ្ងន់ធ្ងរ ទៅលើសុខភាពសាធារណៈ ជាពិសេស ជំងឺដែលគេស្គាល់ច្បាស់ដូចថ្ងៃ ដែលអាចប្រល័យជីវិតអ្នកជំងឺ…
ថៃ ៖ ក្រសួងសុខាភិបាលថៃ បានចាត់ទុកស្ថានភាពឆ្លងរាលដាលនៃជំងឺគ្រុនឈា.មទូទាំងប្រទេស នាពេលបច្ចុប្បន្ននេះថា កំពុងបង្កការហានីភ័យយ៉ាងធ្ងន់ធ្ងរ ទៅលើសុខភាពសាធារណៈ ជាពិសេស ជំងឺដែលគេស្គាល់ច្បាស់ដូចថ្ងៃ ដែលអាចប្រល័យជីវិតអ្នកជំងឺ ក្នុងរយៈពេលដ៏លឿនរហ័ស ក្នុងករណីធ្វេសប្រហែសបណ្តែតបណ្តោយអោយអ្នកជំងឺឈានដល់អាការៈធ្ងន់ធ្ងរ ជាពិសេសទីក្រុងបាងកក កំពុងរងការព្រមាន ។
ប្រភពពីសារព័ត៌មាន The Nation បានរាយការណ៍នៅថ្ងៃទី០៨ ខែមិថុនា ឆ្នាំ២០២៥ថា នាយកដ្ឋានសុខាភិបាលនៃរដ្ឋបាលក្រុងបាងកក ប្រទេសថៃ កំពុងបង្កើនយុទ្ធនាការផ្សព្វផ្សាយ ដើម្បីជំរុញឱ្យសាធារណជនទូទាំងទីក្រុងមួយនេះបង្កើនវិធានការបង្ការការពារខ្លួន និងក្រុមគ្រួសារពីជំងឺគ្រុនឈា.ម ខណៈដែលនិន្នាការនៃអ្នកកើតជំងឺគ្រុនឈា.ម កំពុងបន្តតែកើនឡើងគួរឱ្យកត់សម្គាល់ទូទាំងប្រទេសថៃ ។
ការអំពាវនាវរបស់នាយកដ្ឋានសុខាភិបាល នៃរដ្ឋបាលក្រុងបាងកក ធ្វើឡើងស្របពេលដែលរាជធានីបាងកកបានកត់ត្រាករណីជំងឺគ្រុនឈា.មកើនឡើងចំនួន៧៨៧ករណី ដោយមានម្នាក់បានរាយការណ៍ថា បានស្លា.ប់ចាប់តាំងពីដើមឆ្នាំ២០២៥មក ។
យោងតាមការធ្វើបច្ចុប្បន្នភាព ចុងក្រោយបំផុតរបស់រដ្ឋបាលក្រុងបាងកក សម្រាប់សប្តាហ៍ទី២២ ឆ្នាំ២០២៥ (រាប់ចាប់ពីថ្ងៃទី១ ខែមករា ដល់ថ្ងៃទី៣១ ខែឧសភា ឆ្នាំ២០២៥) អត្រាឆ្លងជំងឺគ្រុនឈា.ម លើពលរដ្ឋ ឬក្រុងបាងកកបច្ចុប្បន្នមានជាង១៤ករណី ក្នុងចំណោមប្រជាជន១០ម៉ឺននាក់ ដែលឆ្លុះបញ្ចាំងពីនិន្នាការដ៏គួរឱ្យព្រួយបារម្ភ និងខ្ពស់ជាងមធ្យមភាគច្រើន នៃការឆ្លងរាលដាលនៅទូទាំប្រទេស ។
ជាក់ស្តែងរយៈពេល៥ខែដើម ឆ្នាំ២០២៥ របាយការណ៍បង្ហាញថា នៅទូទាំងប្រទេសថៃ មានករណីជំងឺគ្រុនឈា.មកើនឡើងដល់ទៅ១២,១៤៤ករណីក្នុង ដោយសម្លា.ប់មនុស្សចំនួន១៦នាក់ ។ អត្រាឆ្លងថ្នាក់ជាតិ គឺជាង១៨ករណី ក្នុងចំណោមមនុស្ស១០ម៉ឺននាក់ ហើយទោះបីជាអត្រាមរណៈនៅតែមាន ០.១៣%ក៏ដោយចុះ ក៏ជំងឺកាចសាហា.វដែលចម្លងដោយសត្វមូសខ្លាខាំ នាបច្ចុប្បន្ននេះ វាកំពុងត្រូវបានគេចាត់ថ្នាក់ថា កំពុងបង្កការហានីភ័យ យ៉ាងធ្ងន់ធ្ងរដល់សុខភាពសាធារណៈ ។
ឆ្លើយតបទៅនឹងនិន្នាការដ៏គួរឱ្យព្រួយបារម្ភ នៃជំងឺគ្រុនឈា.ម នាដើមរដូវវស្សានេះ រដ្ឋបាលក្រុងបាងកក បានដាក់យុទ្ធនាការ «5Ps»: ដើម្បីជាវិធានការទប់ស្កាត់ការឆ្លងរីករាលដាល ដោយផ្តោតជាសំខាន់ពីការអនុវត្តដែលផ្តើមចេញពីពលរដ្ឋម្នាក់ៗនៅតាមផ្ទះរបស់ពួកគេរៀងៗខ្លួន ។
រដ្ឋបាលក្រុងបាងកកអះអាងថា វិធានបង្ការជំងឺគ្រុនឈាមនៅតាមផ្ទះនីមួយៗ ទាមទារកិច្ចសហការចូលរួមអោយបានជាប់លាប់ពីសាធារណជន ដើម្បីកាត់បន្ថយប្រភពមូសខ្លា កាត់បន្ថយហានិភ័យនៃការចម្លង ហើយទីបំផុតទីក្រុងបាងកក និងប្រទេសថៃ ឆ្លងកាត់បញ្ហាប្រឈមសុខភាពសាធារណៈនេះបាន ។
ដូច្នេះហើយ រដ្ឋបាលក្រុងបាងកក កំពុងជំរុញឱ្យប្រជាពលរដ្ឋអនុវត្តយ៉ាងតឹងរ៉ឹងនូវយុទ្ធនាការបង្ការជំងឺគ្រុនឈា.ម «5 Ps» ដែលរួមមាន ៖ គម្រប – ធុងទឹក ពាងទឹក និងអាងទឹកទាំងអស់ ត្រូវតែគ្របឱ្យជិត ដើម្បីការពារកុំអោយមូសចូលពង ។ ផ្លាស់ប្តូរ – ផ្លាស់ប្តូរទឹកនៅក្នុងថូ ចានទម្រ និងថូផ្កានានាជារៀងរាល់សប្តាហ៍ ដើម្បីជៀសវាងការកកើតរបស់ដង្កូវទឹក ។ ព្រលែងកូនត្រី – ចិញ្ចឹមកូនត្រីដើម្បីស៊ីដង្កូវទឹក ដូចជា ត្រីក្រឹម ត្រី៧ពណ៌ ចូលទៅក្នុងពាង ឬអាងស្តុក ។ កែលម្អ – លុបបំបាត់ទីជម្រកបង្កាត់ពូជរបស់មូសខ្លា ដោយការរៀបចំបរិស្ថានជុំវិញ ជាពិសេសវត្ថុដែលអាចដកទឹកបាន ៕
ចែករំលែកព័តមាននេះ