ខេត្តកណ្តាល ៖ ជនសង្ស័យចំនួន០៩នាក់ កំពុងនាំគ្នាជក់គ្រឿងញៀនក្នុងផ្ទះ សមត្ថកិច្ចទៅដល់នាំគ្នារត់ប្រាសអាយុ ចូលព្រៃល្មុតខាងក្រោយផ្ទះ ដេញចាប់យ៉ាងប្រផាប់ប្រភីង បានចំនួន៤នាក់មកវិញ ចំណែក០៥នាក់ទៀតគេចខ្លួនបាត់ ពីបទរក្សាទុកផ្តល់ទីតាំងឱ្យប្រើប្រាស់…
ខេត្តកណ្តាល ៖ ជនសង្ស័យចំនួន០៩នាក់ កំពុងនាំគ្នាជក់គ្រឿងញៀនក្នុងផ្ទះ សមត្ថកិច្ចទៅដល់នាំគ្នារត់ប្រាសអាយុ ចូលព្រៃល្មុតខាងក្រោយផ្ទះ ដេញចាប់យ៉ាងប្រផាប់ប្រភីង បានចំនួន៤នាក់មកវិញ ចំណែក០៥នាក់ទៀតគេចខ្លួនបាត់ ពីបទរក្សាទុកផ្តល់ទីតាំងឱ្យប្រើប្រាស់ និងប្រើប្រាស់ដោយខុសច្បាប់ នូវសារធាតុញៀន ។
ការបង្ក្រាបនេះបានធ្វើឡើងនៅវេលាម៉ោង១២និង០០នាទីថ្ងៃត្រង់ ត្រូវនឹងថ្ងៃទី០៨ ខែមិថុនា ឆ្នាំ២០២៥ នៅចំណុចភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្ដាល ។
សមត្ថកិច្ចស្រុកកោះធំ បានឲ្យដឹងថា ជនសង្ស័យទាំងអស់ចំនួន ០៩នាក់ (ឃាត់ខ្លួន០៤នាក់ គេចខ្លួន ០៥នាក់) រួមមាន ៖
១-ឈ្មោះ ស៊ុន ប៊ុនថន ភេទប្រុស អាយុ ៣៩ឆ្នាំ ជនជាតិខ្មែរ មានទីលំនៅភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្ដាល មុខរបរ មិនពិតប្រាកដ(ឃាត់ខ្លួន) ។
២-ឈ្មោះ ឃាន សីហា ភេទប្រុស អាយុ ១៧ឆ្នាំ ជនជាតិខ្មែរ រស់នៅភូមិកោះចាស់ សង្កាត់ព្រែកស្តី ក្រុងសំពៅពូន ខេត្តកណ្តាល មុខរបរ កូនកាំបិតចុងភៅ (ឃាត់ខ្លួន) ។
៣-ឈ្មោះ ម៉ាក់ ណាង ភេទប្រុស អាយុ១៨ឆ្នាំ ជនជាតិខ្មែរ រស់នៅភូមិព្រែកតាមេម សង្កាត់ព្រែកស្តី ក្រុងសំពៅពូន ខេត្តកណ្តាល មុខរបរ កម្មករ (ឃាត់ខ្លួន) ។
៤-ឈ្មោះ ឯ ប៊ុនធឿន ហៅប្រុស អាយុ៣០ឆ្នាំ ជនជាតិខ្មែរ រស់នៅភូមិកំពង់ស្វាយក្រោម ឃុំព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល មុខរបរ មិនពិតប្រាកដ (ឃាត់ខ្លួន) ។
ជនសង្ស័យទាំង០៤នាក់ខាងលើបានធ្វើតេស្ដរកសារធាតុញៀនក្នុងទឹកនោម លទ្ធផលវិជ្ជមាន(+)ទាំងអស់ ។
៥-ឈ្មោះ ស៊ុយ ស្រីហុង (ហៅខ្មៅ) ភេទប្រុស អាយុ ២៥ឆ្នាំ ជនជាតិខ្មែរ រស់នៅភូមិកំពង់ស្វាយកណ្ដាល ឃុំព្រែកថ្មី ស្រុកកោះធំ ខេត្តកណ្ដាល មុខរបរ មិនពិតប្រាកដ។
៦-ឈ្មោះ ឡឹម មករា (ហៅអាកណ្ដុរ) ភេទប្រុស អាយុ ២៣ឆ្នាំ ជនជាតិខ្មែរ រស់នៅភូមិកំពង់ស្វាយក្រោម ឃុំព្រែកថ្មី ស្រុកកោះធំ ខេត្តកណ្ដាល មុខរបរ មិនពិតប្រាកដ។
៧-ឈ្មោះ ច្រោ វ៉ាន់ណារ៉ា (ហៅអាច្រៀច) ភេទប្រុស អាយុ ១៨ឆ្នាំ ជនជាតិខ្មែរ រស់នៅភូមិកំពង់ស្វាយកណ្ដាល ឃុំព្រែកថ្មី ស្រុកកោះធំ ខេត្តកណ្ដាល មុខរបរ មិនពិតប្រាកដ។
៨-ឈ្មោះ សុវណ្ណ ដេវីត (ហៅវីត) ភេទប្រុស អាយុ ២០ឆ្នាំ ជនជាតិខ្មែរ រស់នៅភូមិកំពង់សំបួរលើ ឃុំព្រែកថ្មី ស្រុកកោះធំ ខេត្តកណ្ដាល មុខរបរ មិនពិតប្រាកដ។
៩-ឈ្មោះ អាតឿ ភេទប្រុស អាយុ ប្រហែល២០ឆ្នាំ ជនជាតិខ្មែរ ពុំស្គាល់ទីលំនៅ។
ជនសង្ស័យទាំង០៥នាក់ខាងលើនេះ កំពុងរត់គេចខ្លួន ។
ក្នុងនោះសមត្ថកិច្ចធ្វើការដកហូតវត្ថុតាងរួមមាន ៖
១-ថ្នាំញៀនប្រភេទមេតំហ្វេតាមីនម៉ាទឹកកក (Ice) ចំនួន០១ កញ្ចប់តូច ទម្ងន់០,១៨ក្រាម (សូន្យក្បៀសដប់ប្រាំបីក្រាម) ។
២-ទូរស័ព្ទដៃ ០៤គ្រឿង ៖
-ម៉ាក Vivo ពណ៌ត្រួយចេក ០១គ្រឿង។
-ម៉ាក HTC ពណ៌ខ្មៅ ០១គ្រឿង។
-ម៉ាក IPhone ពណ៌ខ្មៅ ០១គ្រឿង និង Iphone ពណ៌ទឹកប្រាក់ ០១គ្រឿង។
៣-ឧបករណ៍កែច្នៃសម្រាប់ជក់ថ្នាំញៀន មួយចំនួន, កញ្ចប់បារី Cocopalm ០១កញ្ចប់និងដែកកេះ០១ដើម ,កាំបិតខ្វែវ០១។
៤-ម៉ូតូ ០៣គ្រឿងៈ
-ម៉ាក Zusuki Nex 110C ពណ៌បៃតង-ស ពាក់ស្លាកលេខ កណ្ដាល 1R-8682 មានលេខតួ 316277 និងលេខម៉ាស៊ីន 316865។
-ម៉ាក Honda Wave S ពណ៌ទឹកមាស-ខ្មៅ គ្មានស្លាកលេខ ពុំស្គាល់សេរី មានលេខតួ RLHJC5273DY027302 លេខម៉ាស៊ីន JC52E-1375033។
-ម៉ាក Honda Dream C125 សេរីឆ្នាំ ២០១៩ ពាក់ស្លាកលេខ ភ្នំពេញ 1GI-8876 មានលេខតួ និងលេខម៉ាស៊ីន 5435819។
សមត្ថកិច្ចស្រុកកោះធំបានឲ្យដឹងទៀតថា នៅមុនពេលកើតខាងលើ មានប្រជាពលរដ្ឋល្អបានរាយការណ៍ជូនសមត្ថកិច្ច ផ្នែកជំនាញប្រឆាំងគ្រឿងញៀនស្រុកកោះធំថា មានមុខសញ្ញសង្ស័យ កំពុងពពាក់ពពូនប្រមូលផ្ដុំគ្នា ប្រើប្រាស់គ្រឿងញៀន នៅចំណុចផ្ទះជនសង្ស័យ ស៊ុន ប៊ុនថន ស្ថិតនៅភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្តាល ។
ក្រោយពីទទួលបានព័ត៌មានភ្លាម កម្លាំងនគរបាលផ្នែកប្រឆាំងបទល្មើសគ្រឿងញៀនស្រុក សហការជាមួយកម្លាំងនគរបាលប៉ុស្តិ៍ព្រែកថ្មី បានចុះធ្វើការឆ្មក់ចូលទៅបង្ក្រាប ស្រាប់តែជនសង្ស័យជាច្រើននាក់បាននាំគ្នារត់ប្រាសអាយុ ចូលព្រៃល្មុតខាងក្រោយផ្ទះដេញចាប់យ៉ាងប្រផាប់ប្រភីង រហូតឃាត់ខ្លួនជនសង្ស័យម្នាក់ ជាម្ចាស់ផ្ទះឈ្មោះ ស៊ុន ប៊ុនថន ភេទប្រុសអាយុ៣៩ឆ្នាំ ជនជាតិខ្មែរ រស់នៅភូមិកំពង់ស្វាយលើ ឃុំព្រែកថ្មី ស្រុកកោះធំ ។ពេលនោះកម្លាំងសមត្ថកិច្ចក៏បន្តតាមស្វែងរកចាប់ខ្លួនជនសង្ស័យដែលរត់គេច រហូតនៅវេលាម៉ោង ០១ និង ១០នាទីរសៀល ក៏បានឃាត់ជនសង្ស័យ០៣នាក់ទៀត ១-ឈ្មោះ ឃាន សីហា ភេទប្រុស អាយុ១៧ឆ្នាំ ជនជាតិខ្មែរ រស់នៅភូមិកោះចាស់ សង្កាត់ព្រែកស្តី ។ ២-ឈ្មោះ ម៉ាក់ ណា ភេទប្រុស អាយុ១៨ឆ្នាំ ជនជាតិខ្មែរ រស់នៅភូមិព្រែកតាមេម សង្កាត់ព្រែកស្តី ។ ៣-ឈ្មោះ ឯ ប៊ុនធឿន ហៅប្រុសអាយុ២៩ឆ្នាំ ជនជាតិខ្មែរ រស់នៅភូមិកំពង់ស្វាយក្រោម ឃុំព្រែកថ្មី ។ នាំខ្លួនយកមកកាន់អធិការដ្ឋាននគរបាលស្រុកកោះធំ ដើម្បីសួរនាំតាមនីតិវិធី ។
នៅចំពោះមុខសមត្ថកិច្ចជនសង្ស័យទាំង ០៤នាក់ខាងលើ បានសារភាពថា ពួកគេពិតជាបានប្រើប្រាស់(ជក់)ថ្នាំញៀនខុសច្បាប់ជាមួយគ្នា រួមជាមួយឈ្មោះ ឡឹម មករា(ហៅអាកណ្ដុរ) ,ឈ្មោះ ច្រោ វ៉ាន់ណារ៉ា(ហៅអាច្រៀច),ឈ្មោះ សុវណ្ណ ដេវីត(ហៅវីត) ,ឈ្មោះ ស្រ៊ុយ ស្រីហុង(ហៅខ្មៅ) និងឈ្មោះ តឿ ប្រាកដមែន ហើយថ្នាំញៀន ០១កញ្ចប់តូចខាងលើ គឺជារបស់ឈ្មោះ ស្រ៊ុយ ស្រីហុង(ហៅខ្មៅ) ដែលយកមកចែកឲ្យពួកគេជក់ ។
បច្ចុប្បន្ន ជនសង្ស័យទាំង០៤នាក់ រួមនិងវត្ថុតាងត្រូវបានកម្លាំងនគរបាលស្រុកកោះធំ កំពុងកសាងណុំរឿង បញ្ចូនខ្លួនទៅកាន់តុលាចាត់ការបន្តតាមនីតិវិធី ៕
ចែករំលែកព័តមាននេះ