អ្នកដែលប្រើប្រាស់មធ្យោបាយដឹកជញ្ជូន មានតាំងពីម៉ូតូដល់រថយន្តដែលបានយកទៅកែបំពង់ស៊ីម៉ាំងឲ្យលាន់ហើយឭខុសពីផលិតផលចេញពីរោងចក្រ គួរតែបញ្ឈប់ទៅ ។ វាមិនសង្ហារទេ ហើយវាក៏មិនឡូយដែរ ។ ប៉ុន្តែវាអាចត្រូវសមត្ថកិច្ចចាប់យកមកអប់រំនាំខាតពេលខាតវេលា ។ រឿងបំពុលដោយសំឡេង…
អ្នកដែលប្រើប្រាស់មធ្យោបាយដឹកជញ្ជូន មានតាំងពីម៉ូតូដល់រថយន្តដែលបានយកទៅកែបំពង់ស៊ីម៉ាំងឲ្យលាន់ហើយឭខុសពីផលិតផលចេញពីរោងចក្រ គួរតែបញ្ឈប់ទៅ ។ វាមិនសង្ហារទេ ហើយវាក៏មិនឡូយដែរ ។ ប៉ុន្តែវាអាចត្រូវសមត្ថកិច្ចចាប់យកមកអប់រំនាំខាតពេលខាតវេលា ។
រឿងបំពុលដោយសំឡេង គឺជាប្រធានបទក្តៅមួយ ដែលជជែកគ្នាច្រើន ហើយក៏មានអ្នកគាំទ្រ និងអ្នកជំទាស់ ប៉ុន្តែរហូតដល់ពេលនេះ អ្នកគាំទ្រទំនងជាមានច្រើន ។ រឿងនេះ បានអនុវត្តមកជាយូរដែរហើយ ប៉ុន្តែនៅតែមិនទាន់អស់ ហើយនៅតែមានអ្នកដែលយកបំពង់ស៊ីម៉ាំងនេះទៅកែច្នៃបំពងតម្លង់គេតម្លង់ឯងជាបន្តបន្ទាប់ ។
តាមពិតទៅរឿងកែច្នៃស៊ឺម៉ាំងនេះ វាមិនមែនជាអំពើឧក្រិ.ដ្ឋអីធ្ងន់ធ្ងរទេ ។ ប៉ុន្តែវាអាចជាផ្នែកមួយនៃសណ្តាប់ធ្នាប់សង្គម ។ ការដែលសមត្ថកិច្ចចុះចាប់ និងយកមកអប់រំនេះ គឺដោយយោងតាមសេចក្តីណែនាំស្តីពីការលុបបំបាត់ការបង្កសំឡេងរំខាន់លើសកម្រិតដោយយានយន្តគ្រប់ប្រភេទដែលចុះហត្ថលេខា ដោយសម្តេចក្រឡាហោម ស ខេង កាលពីឆ្នាំ២០២១ នៅពេលសម្តេចជាឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ។
ផ្អែកតាមសេចក្តីណែនាំនោះក៏ឃើញ សមត្ថកិច្ចធ្វើសកម្មភាពជាបន្តបន្ទាប់មក ។ ហើយមកដល់ពេលនេះខ្លះក៏បន្តធ្វើ ទីតាំងខ្លះក៏បានលេចចេញក្រុមអ្នកដែលចូលចិត្តច្នៃ និងធ្វើអ្វីខុសគេនេះកម្រើកឡើងវិញ ។ ទំនងជាក្រុមអ្នកដែលចូលចិត្តកែច្នៃបែបនេះកម្រើកឡើងវិញ ហើយទើបសមត្ថកិច្ចនៅតាមមូលដ្ឋានមួយចំនួនបានចាប់ផ្តើមអនុវត្តវាឡើងវិញ ។
ជាក់ស្តែង នៅថ្ងៃទី០៧ ខែមិថុនា ឆ្នាំ២០២៥ កម្លាំងប៉ុស្តិ៍នគរបាលរដ្ឋបាលទួលទំពូងទី២ នៃអធិការដ្ឋាននគរបាលខណ្ឌចំការមន បានចុះផ្សព្វផ្សាយណែនាំតាមបណ្ដាហាងជួសជុលលក់សម្ភារម៉ូតូ និងរថយន្ត ហាមមិនឱ្យមានលក់ និងតំឡើង ឬកែច្នៃបំពង់ស៊ីម៉ាំងម៉ូតូ និងរថយន្ដគ្រប់ប្រភេទ ។
មុននេះមួយថ្ងៃ ពោល គឺនៅថ្ងៃទី០៦ ខែមិថុនា ឆ្នាំ២០២៥ កម្លាំងនៃអធិការដ្ឋាននគរបាលខណ្ឌកំបូល បានឃាត់ម៉ូតូប្រីប្រាស់ស៊ីម៉ាំងបំពង់សំឡេងខុសលក្ខណបច្ចេកទេសចំនួន១៣គ្រឿង ។
បច្ចុប្បន្នកម្លាំងនៃធិការដ្ឋាននគរបាលខណ្ឌកំបូល បានណែនាំអប់រំ និងធ្វើកិច្ចសន្យាដល់អ្នកបើកបរម៉ូតូ និងតម្រូវឱ្យម្ចាស់ម៉ូតូយកបំពង់ស៊ីម៉ាំងដើមមកដោះដូរ ដើម្បីប្រគល់ម៉ូតូឱ្យត្រឡប់ទៅផ្ទះវិញ ។
ក្រោយសមត្ថកិច្ចអនុវត្តសកម្មភាពលើបញ្ហាបំពុលសំឡេងនេះ ហើយបង្ហោះនៅលើបណ្តាញសង្គមក៏មានអ្នកគាំទ្រព្រោងព្រាធ ប៉ុន្តែក៏មានអ្នកមកតវ៉ាដែរ ។ ក្រុមអ្នកដែលតវ៉ានោះ គឺលើកឡើងថា វាគួរតែអនុវត្តតាមច្បាប់ និងលិខិតបទដ្ឋានពីព្រោះ ច្បាប់ និងលិខិតបទដ្ឋានមិនបានហាមឃាត់ការកែច្នៃទេ ប៉ុន្តែ គឺគេមានកំណត់មាឌដ្ឋានតាមកម្លាំងម៉ាស៊ីនតាមប្រភេទយានយន្តជាដើម ។
សរុបទៅ គាំទ្រ ឬមិនគាំទ្រ គឺជាសិទ្ធិរបស់បុគ្គលម្នាក់ៗលើបញ្ហានេះ ប៉ុន្តែប្រសិនបើកុំអោយមានការរំខាន កុំអោយមានបញ្ហាកុំអោយមានពិរុទ្ធភាពដែលសមត្ថកិច្ចចាប់នាំឲ្យមានការតវ៉ា តាមផ្លូវច្បាប់យូរខាតពេលខាតវេលា គួរតែកុំកែច្នៃទៅវាចប់ហើយ ។ ម៉ូតូក៏ដោយរថយន្តក៏ដោយ ប្រសិនបើរោងចក្រគេតម្លើងមកយ៉ាងម៉េច គឺប្រើបែបនោះទៅវាចប់បញ្ហាហើយ ៕
ចែករំលែកព័តមាននេះ