ខេត្តកំពង់ស្ពឺ ៖ ក្មេងប្រុសម្នាក់បានស្លាប់ភ្លាមៗនៅកន្លែងកើតហេតុ ខណៈដែលទៅកាយកម្ទេចថ្មផេះជាមួយបងជីដូនមួយ ហើយបាក់សង្កត់លើកប់តែម្តងរើមិនរួច បង្កឱ្យមានការភ្ញាក់ផ្អើល។ ហេតុការណ៍បាក់ថ្មផេះសង្កត់ស្លាប់ក្មេងប្រុសម្នាក់ បានកើតឡើងកាលពីវេលាម៉ោង៩និង៤៥នាទី ព្រឹកថ្ងៃទី៥ ខែមិថុនា…
ខេត្តកំពង់ស្ពឺ ៖ ក្មេងប្រុសម្នាក់បានស្លាប់ភ្លាមៗនៅកន្លែងកើតហេតុ ខណៈដែលទៅកាយកម្ទេចថ្មផេះជាមួយបងជីដូនមួយ ហើយបាក់សង្កត់លើកប់តែម្តងរើមិនរួច បង្កឱ្យមានការភ្ញាក់ផ្អើល។
ហេតុការណ៍បាក់ថ្មផេះសង្កត់ស្លាប់ក្មេងប្រុសម្នាក់ បានកើតឡើងកាលពីវេលាម៉ោង៩និង៤៥នាទី ព្រឹកថ្ងៃទី៥ ខែមិថុនា ឆ្នាំ២០២៥ នៅចំណុចការដ្ឋានថ្មមួយកន្លែង (មិនដំណើរការដែលគេទុកចោល) ស្ថិតនៅក្នុងភូមិក្រាំងច្រេស ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
នគរបាលស្រុកភ្នំស្រួចបាននិយាយឱ្យដឹងថា ក្មេងប្រុសដែលថ្មផេះបាក់កិនសង្កត់កប់ស្លាប់មានឈ្មោះ ផន ម៉ាណែត អាយុ១៣ឆ្នាំ រស់នៅក្នុងភូមិក្រាំងពន្លៃ ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
នគរបាលស្រុកភ្នំស្រួចបានបន្តថា បើតាមការឱ្យដឹងពីឈ្មោះ ម៉ម សុខគង់ ភេទប្រុស អាយុ២៣ឆ្មាំ រស់នៅក្នុងភូមិក្រាំងពន្លៃ ឃុំគីរីវន្ត ត្រូវជាបងជីដូនមួយរបស់ជនរងគ្រោះ(ឈ្មោះ ផន ម៉ាណែត) រស់នៅក្នុងភូមិ~ឃុំ ជាមួយគ្នា បានរៀបរាប់ថា៖ នៅវេលាម៉ោង៧និង៤០នាទីព្រឹកថ្ងៃទី៥ ខែមិថុនា រូបខ្លួនបានរៀបចំបើកគោយន្តដើម្បីទៅដឹកថ្មផេះ នៅចំណុចការដ្ឋានថ្ម ស្ថិតនៅចំណុចកើតហេតុខាងលើ បន្ទាប់មកប្អូនប្រុសជីដូនមួយ(ជនរងគ្រោះ) ក៏បានសុំទៅតាមជួយ កាយថ្មផេះ រូបលោកក៏បានយល់ព្រម លុះទៅដល់ការដ្ឋាន វេលាម៉ោង៨និង២០នាទីថ្ងៃ ខែដដែល រូបខ្លួនក៏បានបើកគោយន្តថយក្រោយចូលទៅកាន់កន្លែងកាយ ក្រោយមកជនរងគ្រោះ កាយពីខាងកើតចំណែករូបខ្លួនកាយពីខាងលិច លុះមកដល់ម៉ោង៩និង៤៥នាទី ថ្មផេះស្រាប់តែបានបាក់កិនសង្កត់កប់ប្អូនប្រុសខ្លួន បន្ទាប់ពីបានកាយចេញពីគំនរថ្មជនរងគ្រោះក៏បានដាច់ខ្យល់ស្លាប់បាត់ទៅហើយ។
នគរបាលស្រុកភ្នំស្រួចបានបន្តទៀតថានៅវេលាម៉ោង១២និង៣០នាទីថ្ងៃទី៥ ខែមិថុនា ឆ្នាំ២០២៥ ដោយមានការចូលរួមពីជំនាញបច្ចេកទេសកោសល្យវិច្ច័យស្រុក ក្រុមប្រឹក្សាឃុំគីរីវន្ត មេប៉ុស្តិ៍ មេភូមិ ប្រជាការពារភូមិ និងក្រុមគ្រួសារ។
ក្រោយពីការពិនិត្យសាកសពជនរងគ្រោះខាងលើ ពិតជាបានស្លាប់ដោយសារ(ថ្មផេះបាក់កិនសង្កត់កប់ស្លាប់)ពិតប្រាកដមែន ហើយក្រុមគ្រួសារទទួលស្គាល់ យកទៅធ្វើបុណ្យតាមប្រពៃណី ។
ចែករំលែកព័តមាននេះ