ខេត្តតាកែវ ៖ ពលរដ្ឋរាប់រយគ្រួសារដែលប្រកបរបររកស៊ីនេសាទ កំពុងតឹងចិត្តស្អិតទ្រូងព្រោះត្រូវបង់លុយរាប់សែន រាប់លានរៀលទៅលោកនាយផ្នែករដ្ឋបាលជលផលស្រុកបូរីជលសារក្នុងមួយរដូវៗ សង្ស័យចង្វាចិញ្ចឹមឆ្តោរទេដឹង?…ហេ!ហេ! អ្នកស្រុកទ្រាំលែងបានហើយ ។ តាមប្រភពពីប្រជានេសាទបានឲ្យដឹងថា ពួកគាត់ត្រូវបង់លុយទៅលោក…
ខេត្តតាកែវ ៖ ពលរដ្ឋរាប់រយគ្រួសារដែលប្រកបរបររកស៊ីនេសាទ កំពុងតឹងចិត្តស្អិតទ្រូងព្រោះត្រូវបង់លុយរាប់សែន រាប់លានរៀលទៅលោកនាយផ្នែករដ្ឋបាលជលផលស្រុកបូរីជលសារក្នុងមួយរដូវៗ សង្ស័យចង្វាចិញ្ចឹមឆ្តោរទេដឹង?…ហេ!ហេ! អ្នកស្រុកទ្រាំលែងបានហើយ ។
តាមប្រភពពីប្រជានេសាទបានឲ្យដឹងថា ពួកគាត់ត្រូវបង់លុយទៅលោក ឃឹន វែង នាយផ្នែករដ្ឋបាលជលផលស្រុកបូរីជលសារចាប់ពី៨០ម៉ឺន ទៅ៣លានរៀល តាមប្រភេទឧបករណ៍នេសាទ ។ ពួកគាត់បន្តថា លោក ឃឹន វែង បានបញ្ជាកម្មករបើកទូកឈ្មោះ ដែន ឲ្យដើរប្រមូលលុយពីប្រជានេសាទដាក់ ណរ ដាក់មងគ្រប បង់សំណាញ់ ទូករុញ ឆក់ត្រី ជាដើម ហើយលុយត្រូវប្រមូលតាមឧបករណ៍នេសាទ ដូចជា ដាក់ណរ៨០ម៉ឺនរៀល ទូករុញ២លានរៀល ទៅ៣លានរៀល ។
ពួកគាត់បានបញ្ជាក់ប្រាប់កោះសន្តិភាពច្បាស់ៗថា ប្រជានេសាទរាប់រយទូកត្រូវតែបង់លុយឲ្យគេ បើមិនបង់លុយត្រូវដាក់ពិន័យ ឬចាប់ទៅស្នាក់ការជលផលខេត្តតាកែវ ។ ហើយពេលខ្លះ លោក ឃឹន វែង ក្រពុលមុខបានប្រើកម្មករសុទ្ធតែក្មេងពាលទៅទារលុយ ទោះបានបង់លុយហើយរួចក៏ដោយ ។
ជុំវិញកង្វល់ប្រជានេសាទរាប់រយគ្រួសារនេះ ប្រហែលជា លោក វ៉ឺ សំណាង អភិបាលនៃគណៈអភិបាលខេត្តតាកែវ មិនទាន់ជ្រាប ឬសើមយ៉ាងណានៅឡើយទេថា មន្ត្រីជលផលខេត្តតាកែវកំពុងសំងំប្រព្រឹត្តអំពើពុករលួយតូចតាមតូចធំតាមជំនាញរាល់ថ្ងៃ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាពបន្តទៀត ។
ចែករំលែកព័តមាននេះ