រាជធានីភ្នំពេញ ៖ ទំនិញរបស់កម្ពុជាចំនួន២៨មុខ បានអនុគ្រោះពន្ធសូន្យភាពរយ ពីប្រទេសវៀតណាម ដោយចាប់អនុវត្តនៅក្នុងឆ្នាំ២០២៥-២០២៦ ។ នេះបើតាមក្រសួងពាណិជ្ជកម្មកម្ពុជា ។ យោងតាមសេចក្តីជូនដំណឹងរបស់ក្រសួងពាណិជ្ជកម្ម…
រាជធានីភ្នំពេញ ៖ ទំនិញរបស់កម្ពុជាចំនួន២៨មុខ បានអនុគ្រោះពន្ធសូន្យភាពរយ ពីប្រទេសវៀតណាម ដោយចាប់អនុវត្តនៅក្នុងឆ្នាំ២០២៥-២០២៦ ។ នេះបើតាមក្រសួងពាណិជ្ជកម្មកម្ពុជា ។
យោងតាមសេចក្តីជូនដំណឹងរបស់ក្រសួងពាណិជ្ជកម្ម បានចេញផ្សាយកាលពីពេលថ្មីៗនេះ បានឲ្យដឹងថា ក្រោមកិច្ចសម្របសម្រួលជំរុញពាណិជ្ជកម្មទ្វេភាគីរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាមដែលបានចុះហត្ថលេខា កាលពីថ្ងៃទី២៨ ខែមេសា ឆ្នាំ២០២៥ ក្នុងនោះព្រះរាជាណាចក្រកម្ពុជាទទួលបានភាពអនុគ្រោះពន្ធសូន្យភាគរយ (០%) នូវមុខទំនិញដែលមានដើមកំណើតនៅប្រទេសកម្ពុជា ចំនួន២៨ បន្ទាត់ពន្ធគយពីសាធារណរដ្ឋសង្គមនិយមវៀតណាមសម្រាប់អនុវត្តឆ្នាំ២០២៥-២០២៦ ។
ក្រសួងពាណិជ្ជកម្មបានឲ្យផលិតករ និងអ្នកនាំចេញអាចធ្វើការស្នើសុំវិញ្ញាបនបត្របញ្ជាក់ដើមកំណើតទំនិញទម្រង់ អេស (CO Form S) ចំពោះមុខទំនិញដូចមានក្នុងឧបសម្ព័ន្ធ១ ដើម្បីនាំចេញទៅកាន់សាធារណរដ្ឋសង្គមនិយមវៀតណាម ក្រោមអត្រាអនុគ្រោះពន្ធសូន្យភាគរយ (0%)។
ដោយឡែក សម្រាប់បរិមាណមុខទំនិញអង្ករ និងសន្លឹកថ្នាំជក់ សម្រាប់អនុវត្តឆ្នាំ២០២៥ សូមផលិតករ និងអ្នកនាំចេញមកដាក់ពាក្យស្នើសុំនៅក្រសួងពាណិជ្ជកម្ម (នាយកដ្ឋាននាំចេញនាំចូលនៃអគ្គនាយកដ្ឋានសេវាពាណិជ្ជកម្ម) រៀងរាល់ម៉ោងធ្វើការចាប់ពីថ្ងៃជូនដំណឹងរហូតដល់ថ្ងៃទី២៧ ខែមិថុនា ឆ្នាំ២០២៥ ៕
ចែករំលែកព័តមាននេះ