ខេត្តកណ្តាល ៖ ថ្លែងនៅក្នុងឱកាសជួបសំណេះសំណាលជាមួយប្រជាពលរដ្ឋ ដែលមានក្បាល ដីពាក់ព័ន្ធជាមួយគម្រោងព្រែកជីកហ្វូណនតេជោ ដោយមានការចូលរួមពីក្រុមការងារអន្តរក្រសួង នៅបរិវេណវត្តព្រែកពោធិ៍ ក្នុងឃុំត្រើយស្លា ស្រុកស្អាង នាព្រឹកថ្ងៃទី០៣…
ខេត្តកណ្តាល ៖ ថ្លែងនៅក្នុងឱកាសជួបសំណេះសំណាលជាមួយប្រជាពលរដ្ឋ ដែលមានក្បាល ដីពាក់ព័ន្ធជាមួយគម្រោងព្រែកជីកហ្វូណនតេជោ ដោយមានការចូលរួមពីក្រុមការងារអន្តរក្រសួង នៅបរិវេណវត្តព្រែកពោធិ៍ ក្នុងឃុំត្រើយស្លា ស្រុកស្អាង នាព្រឹកថ្ងៃទី០៣ ខែមិថុនា ឆ្នាំ២០២៥ លោក គួច ចំរើន អភិបាល នៃគណៈអភិបាលខេត្តកណ្ដាល ក្នុងនាមរាជរដ្ឋាភិបាល និងរដ្ឋបាលខេត្តកណ្ដាល សូមថ្លែងអំណរគុណនូវទឹកចិត្តដ៏ប្រពៃថ្លៃថ្លារបស់បងប្អូនប្រជាពលរដ្ឋទាំងអស់ ដែលបានចូលរួមគាំទ្រជាមួយរាជរដ្ឋាភិបាល ក្នុងការកសាងគម្រោងព្រែកជីកហ្វូណនតេជោ ។
លោកអភិបាលខេត្ត បន្តថា កម្ពុជាបានខិតខំប្រឹងប្រែងធ្វើឱ្យប្រទេសរបស់យើង មានឯករាជ្យភាព លើការដឹកជញ្ជូនតាមផ្លូវទឹក ដូចនេះរាជរដ្ឋាភិបាលកម្ពុជា ដោយខិតខំធ្វើយ៉ាងណាឱ្យប្រទេសរបស់យើងមានផ្លូវទឹកដោយខ្លួនឯង ដូច្នេះរាជរដ្ឋាភិបាលរបស់យើងខិតខំធ្វើយ៉ាងណាឱ្យគម្រោងព្រែកជីកហ្វូណនតេជោនេះ ទទួលបានជោគជ័យ ។
លោកបានបន្ថែមថា ក្រុមការងារអន្តរក្រសួង បានសិក្សាធ្វើយ៉ាងណាឱ្យផ្លូវទឹកនេះ បើកនាវាចូលបាន ហើយរងផលប៉ះពាល់តិចតួចបំផុតលើបងប្អូនប្រជាពលរដ្ឋ ដោយបញ្ជៀស នូវផលវិបាករបស់ប្រជាពលរដ្ឋ ហើយប្រសិនបើការប៉ះពាល់កាន់តែច្រើន ការលំបាករបស់ប្រជាពលរដ្ឋ និងបំណងក៏កាន់តែច្រើនផងដែរ។ ហើយនៅពេលព្រែកជីក សាងសង់រួចរាល់នោះ នឹងផ្ដល់អត្ថប្រយោជន៍ក្នុងការទាក់ទាញអ្នកវិនិយោគទាំងក្នុង និងក្រៅប្រទេស ដើម្បីរកស៊ីនៅក្នុងប្រទេស ហើយបង្កើតការងារកាន់តែច្រើនជូនបងប្អូនប្រជាពលរដ្ឋខ្មែរ ។ ធានាដល់ការផ្គត់ផ្គង់ត្រីសាច់ និងធ្វើការនេសាទ បាននៅក្នុងតំបន់ព្រែកជីកនេះ ពិសេសព្រែកជីកនេះ អាចទាក់ទាញដល់ភ្ញៀវទេសចរណ៍ នៅពេល ដែលព្រែកជីកនេះសាងសង់រួច ហេដ្ឋារចនាសម្ព័ន្ធជាច្រើនត្រូវបានសាងសង់ ដែលអាចទាក់ទាញដល់ភ្ញៀវទេសចរណ៍មកកម្សាន្តសប្បាយ និងបង្កើតការងារជាច្រើនជូនបងប្អូនប្រជាពលរដ្ឋ និងលើកកម្ពស់ជីវភាពរបស់បងប្អូនប្រជាពលរដ្ឋ នៅក្នុងតំបន់ឱ្យកាន់តែល្អប្រសើរ ។
ក្នុងឱកាសនោះដែរ ក្រុមការងារអន្តរក្រសួង ក៏បានពន្យល់ពីលក្ខខណ្ឌបច្ចេកទេស ការសាងសង់ព្រែកជីកហ្វូណនតេជោ រួមមានជម្រៅ ទំហំព្រែកជាក់ស្ដែង និងការពង្រីកនៅតំបន់ នៃការបទនាវាផងដែរ ។ ព្រមទាំងបានធ្វើការពន្យល់ពីលក្ខខណ្ឌ ក្នុងការសងផលប៉ះពាល់ ជូនដល់ប្រជាពលរដ្ឋ ដោយក្នុងនោះប្រជាពលរដ្ឋទាំងអស់ ដែលរងផលប៉ះពាល់ដោយគម្រោងនេះ នឹងទទួលបានការដោះស្រាយផលប៉ះពាល់ពីរាជរដ្ឋាភិបាលគ្រប់ៗគ្នា បន្ទាប់ពីក្រុមការងារចុះពិនិត្យ និងវាយតម្លៃជាក់ស្ដែងនៅលើទីតាំងផ្ទាល់ ៕
ចែករំលែកព័តមាននេះ