ខេត្តកណ្តាល ៖ ក្មេងទំនើងមួយក្រុម ចេញពីកន្លែងផឹកស៊ី ជិះម៉ូតូត្រឡប់មកវិញ ដោយមានកាន់កាំបិតផ្គាក់ជាប់នឹងដៃ ទុកសម្រាប់ការពារខ្លួន បែរជាមិនជួបជាមួយសត្រូវ ស្រាប់តែមកជួបសមត្ថកិច្ច កំពុងល្បាត ត្រូវឃាត់ខ្លួនដាក់ខ្នោះដៃ…
ខេត្តកណ្តាល ៖ ក្មេងទំនើងមួយក្រុម ចេញពីកន្លែងផឹកស៊ី ជិះម៉ូតូត្រឡប់មកវិញ ដោយមានកាន់កាំបិតផ្គាក់ជាប់នឹងដៃ ទុកសម្រាប់ការពារខ្លួន បែរជាមិនជួបជាមួយសត្រូវ ស្រាប់តែមកជួបសមត្ថកិច្ច កំពុងល្បាត ត្រូវឃាត់ខ្លួនដាក់ខ្នោះដៃ ចំនួន៤នាក់ ចំណែកបក្ខពួកសេសសល់ កំពុងរត់គេចខ្លួន ។
ការបង្ក្រាបនេះ ធ្វើឡើងនៅវេលាម៉ោង០១និង៤០នាទីយប់រំលងអធ្រាត្រឈានចូលថ្ងៃទី០១ ខែមិថុនា ឆ្នាំ២០២៥ តាមបណ្តោយផ្លូវជាតិលេខ៤ ស្ថិតនៅភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល ។
សមត្ថកិច្ចបានឲ្យដឹងថា ជនសង្ស័យទាំង១០នាក់ សមត្ថកិច្ចឃាត់ខ្លួនបាន០៤ នាក់រួមមាន ៖
១-ឈ្មោះ ចិន្តា ចំរើនរាជ្យ ហៅ ជា ភេទប្រុស អាយុ១៦ឆ្នាំមុខរបរ កម្មកររោងចក្រ ទីលំនៅបច្ចុប្បន្នភូមិត្រពាំងឈូក ឃុំពើក ស្រុកអង្គស្នួល ខេត្តកណ្ដាល (ឃាត់ខ្លួន )។
២-ឈ្មោះ ឌៀង ករុណា ហៅលត ភេទប្រុស អាយុ១៥ឆ្នាំ មុខរបរ មិនពិត ទីលំនៅបច្ចុប្បន្នភូមិទន្លាប់ខ្ពស់ត្បូង ឃុំដំណាក់អំពិល ស្រុកអង្គស្នួល ខេត្តកណ្ដាល (ឃាត់ខ្លួន អ្នកកាន់កាំបិតជិះពីក្រោយ)។
៣-ឈ្មោះ វី កក្កដា ភេទប្រុស អាយុ១៧ឆ្នាំ មុខរបរសិស្ស ទីលំនៅបច្ចុប្បន្នភូមិត្រពាំងឈូក ឃុំពើក ស្រុកអង្គស្នួល ខេត្តកណ្ដាល (ឃាត់ខ្លួន អ្នកបើកម៉ូតូ )។
៤-ឈ្មោះ ហាន ឆាយអ៉ី ហៅអ៉ី ភេទប្រុស អាយុ១៦ឆ្នាំ មុខរបរកម្មករោងចក្រ ទីលំនៅបច្ចុប្បន្នភូមិថ្លើក ឃុំពើក ស្រុកអង្គស្នួល ខេត្តកណ្ដាល (ឃាត់ខ្លួន អ្នកជិះពីក្រោយ )។
៥-ឈ្មោះ ឈុន ថានុន ភេទប្រុស អាយុ២២ឆ្នាំ មុខរបរមិនពិតប្រាកដ ទីលំនៅបច្ចុប្បន្ននៅភូមិត្រពាំងទន្លាប់ ឃុំសំរោងលើ ស្រុកអង្គស្នួល ខេត្តកណ្ដាល (គេចខ្លួន)។
៦-ឈ្មោះ ជា រតនៈតិនុ ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិត្រពាំងទន្លាប់ ឃុំសំរោងលើ ស្រុកអង្គស្នួល ខេត្តកណ្ដាល(គេចខ្លួន)។
៧-ឈ្មោះ ចន្នា ជីវ័ន ភេទប្រុស អាយុ១៨ឆ្នាំមុខរបរមិនពិតប្រាកដ មានទីលំនៅបច្ចុប្បន្ននៅភូមិត្រពាំងទន្លាប់ ឃុំសំរោងលើ ស្រុកអង្គស្នួល ខេត្តកណ្ដាល (គេចខ្លួន)។
៨-ឈ្មោះ វាសនា មានុត ភេទប្រុស អាយុ១៧ឆ្នាំមុខរបរមិនពិតប្រាកដ មានទីលំនៅបច្ចុប្បន្ននៅភូមិថ្មី ឃុំសំរោងលើ ស្រុកអង្គស្នួល ខេត្តកណ្ដាល (គេចខ្លួន)។
៩-ឈ្មោះ សុភ័ក្ក្រ ពៅបញ្ញាស័ក្ដិ ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិត្រពាំងឈូក ឃុំពើក ស្រុកអង្គស្នួល ខេត្តកណ្ដាល (គេចខ្លួន)។
១០-ឈ្មោះ រ៉េត ប៊ុនស័ក្កិ ភេទប្រុស អាយុ ១៨ឆ្នាំ មុខរបរមិនពិតប្រាកដ មានទីលំនៅបច្ចុប្បន្នរស់នៅភូមិត្រពាំងឈូក ឃុំពើក ស្រុកអង្គស្នួល ខេត្តកណ្ដាល (គេចខ្លួន)។
ក្នុងនោះ សមត្ថកិច្ចដកហូតបាន ៖
១-ម៉ូតូ០១គ្រឿង ម៉ាកហុងដាទ្រីម ពណ៌គ្រាប់អំពិល ផលិតឆ្នាំ២០២៥ ពាក់ផ្លាកលេខ ភ្នំពេញ 1 LC-9062។
២-ម៉ូតូ០១គ្រឿង ម៉ាកហុងដាទ្រីម ពណ៌ខ្មៅ សេរីឆ្នាំ២០១៩ ពាក់ផ្លាកលេខ កំពង់ស្ពឺ 1I-8823។
៣-កាំបិតផ្កាក់ដងឬស្សី០១ដើម។
សមត្ថកិច្ចបានឲ្យដឹងថា នៅមុនពេលកើតហេតុកម្លាំងផ្នែកជំនាញ នៃអធិការដ្ឋាននគរបាលស្រុកអង្គស្នួល សហការជាមួយប៉ុស្ដិ៍នគរបាលរដ្ឋបាលទាំង១០ បានធ្វើការចេញល្បាតតាមបណ្ដោយផ្លូវជាតិលេខ៤ លុះដល់វេលាម៉ោងកើតហេតុ ក៏ប្រទះឃើញជនសង្ស័យ និងបក្ខពួកមួយក្រុមមានគ្នា១០នាក់ ជិះម៉ូតូ០៥គ្រឿង ក្នុងនោះ៣គ្រឿង មានកាន់កាំបិតផ្គាក់ ។ ភ្លាមនោះកម្លាំងសមត្ថកិច្ច បានធ្វើការដេញតាមបង្ក្រាប ហើយជនសង្ស័យបានជិះគេចខ្លួន លុះដល់ចំណុចភូមិពងទឹក ឃុំដំណាក់អំពិល ស្រុកអង្គស្នួល ជនសង្ស័យ២នាក់មានកាន់កាំបិតផ្គាក់ ជិះម៉ូតូមួយគ្រឿង បានជ្រុលចង្កូតធ្លាក់ចូលប្រឡាយទឹករណបផ្លូវជាតិលេខ៤ ហើយកម្លាំងសមត្ថកិច្ចឃាត់ខ្លួនបានមានឈ្មោះ ចិន្តា ចំរើនរាជ្យ និងឈ្មោះ ឌៀង ករុណា ហៅលត រួមទាំងដកហូតវត្ថុតាងកាំបិតផ្គាក់មួយដេីម នាំមកកាន់អធិការដ្ឋាននគរបាលស្រុកដើម្បីសួរនាំ ។
តាមចម្លើយសារភាពរបស់ជនសង្ស័យ លុះដល់វេលាម៉ោង០៩ និង១០នាទីព្រឹកថ្ងៃខែដដែល កម្លាំងជំនាញបានធ្វើការកំណត់អត្តសញ្ញាណបក្ខពួកក្រុមជនសង្ស័យ និងបានឈានដល់ធ្វើការឃាត់ខ្លួនជនសង្ស័យបានចំនួន០២នាក់ទៀតឈ្មោះ វី កក្កដា និងជនសង្ស័យឈ្មោះ ហាន ឆាយអ៉ី ហៅអ៉ី រួមទាំងដកហូតវត្ថុតាងម៉ូតូ០១គ្រឿងម៉ាកហុងដាទ្រីម ពណ៌ខ្មៅ សេរីឆ្នាំ២០១៩ ពាក់ផ្លាកលេខ កំពង់ស្ពឺ 1I-8823 នាំយកទៅកាន់អធិការដ្ឋាននគរបាលស្រុកដើម្បីបន្តនីតិវិធី ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថានៅមុនពេលកើតហេតុខ្លួនបានជុំគ្នាផឹកស៊ីជាមួយបក្ខពួក ក្រោយពីផឹកស៊ីរួចក៏យកកាំបិតពីមិត្ដភ័ក្ក មកកាន់និងជិះម៉ូតូដើរលេងតាមបណ្ដោយផ្លូវជាតិលេខ៤ សម្រាប់ការពារខ្លួនដោយកន្លងមកមានគេតាមរករឿងខ្លួន និងបក្ខពួក ។
បច្ចុប្បន្ន ជនសង្ស័យរួមជាមួយវត្ថុតាង ត្រូវបានសមត្ថកិច្ចជំនាញនគរបាលស្រុកអង្គស្នួលកំពុងកសាងសំណុំរឿង បញ្ចូនខ្លួនទៅកាន់តុលាការចាត់ការតាមនីតិវីធីច្បាប់ ៕
ចែករំលែកព័តមាននេះ