រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងប្រធានសមាជ បានប្រកាសក្នុងន័យកំប្លែងលេងសើចថា នៅថ្ងៃណាមួយ ដែលជាឱកាសល្អ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងប្រធានសមាជ បានប្រកាសក្នុងន័យកំប្លែងលេងសើចថា នៅថ្ងៃណាមួយ ដែលជាឱកាសល្អ សម្តេចនឹងអញ្ជើញសម្តេចក្រឡាហោម ស ខេង សម្តេច ទៀ បាញ់ ឯកឧត្តម ឧបនាយករដ្ឋមន្ត្រី ជា សុផារ៉ា ឯកឧត្តម ឧបនាយករដ្ឋមន្ត្រី ប៊ិន ឈិន និងឯកឧត្តម ឧបនាយករដ្ឋមន្ត្រី កែ គឹមយ៉ាន់ ទៅហាងកាហ្វេ ដើម្បីជួបពិភាក្សាគ្នារឿងផ្សេងៗ ។
សម្តេចតេជោ ប្រធានព្រឹទ្ធសភា បានគូសបញ្ជាក់ថា “យើងឧស្សាហ៍បបួលគ្នា ទៅរកតៀមកាហ្វេ អត់អីទេ អាហ្នឹង អាហ្នឹងមិនដូចកាញារីទ្ធទេ ។ កាញារីទ្ធ ទៅវាជារឿងផ្សេង អាយើងទៅចាស់ៗ គឺរកកាហ្វេអីទេ ។ ព្រោះឥឡូវ គេជំនុំគ្នា គេហៅគ្នា គេណាត់គ្នា ទៅហាងកាហ្វេនេះ ហាងកាហ្វេនោះ គេនិយាយការងារ នៅតាមហាងកាហ្វេវិញ” ។
ការលើកឡើងថា របស់សម្តេចតេជោ បន្ទាប់ពីសម្តេចបានឃើញថា សព្វថ្ងៃនេះ មិនថា នៅទីក្រុង ឬខេត្តជនបទ ដាច់ស្រយ៉ាលទេ គឺមានហាង ឬតូបកាហ្វេរីកផុសឡើងគ្រប់ទីកន្លែង ដែលជាកន្លែងណាត់ជួបរបស់យុវវ័យសម័យថ្មី ជួបពិភាក្សាការងារផ្សេងជាមួយគ្នាដោយរីករាយ ។
ចំពោះហាងកាហ្វេនេះ សម្តេចតេជោ ក៏បានថ្លែងថា មិនអាចហាមឃាត់មិនឲ្យមានការវិនិយោគបាននោះទេ ៕
ចែករំលែកព័តមាននេះ